cebuano_ang_biblia_pinadayag Isaiah:5:8-30
cebuano_ang_biblia_
pinadayag@Isaiah:5:8 @ ¶ Alaut kanila nga mga managsumpay sa balay ug balay, nga mga nanag-ipon sa uma ngadto sa uma, hangtud nga wala nay dapit, ug kamo pagapapuy-on nga mag-inusara sa taliwala sa yuta!
cebuano_ang_biblia_pinadayag@Isaiah:5:9 @ Sa akong mga igdulungog si Jehova sa mga panon: Sa pagkamatuod, daghanang mga balay nga pagabiyaan, bisan pa mga dagku ug matahum, walay pumupuyo.
cebuano_ang_biblia_pinadayag@Isaiah:5:10 @ Kay upat ka hectarea nga kaparrasan magahatag usa ka bato, ug usa ka homer nga binhi magahatag ug usa ka ephah.
cebuano_ang_biblia_pinadayag@Isaiah:5:11 @ Alaut niadtong mosayo pagbangon sa kabuntagon, aron sila managhubog sa maisug nga mga ilimnon, niadtong managtukaw sa tibook kagabhion hangtud sila manginit sa vino.
cebuano_ang_biblia_pinadayag@Isaiah:5:12 @ Ug ang alpa ug ang sista, pandereta ug ang mga flauta, ug ang vino anaa sa ilang mga kombira; apan sila wala managtagad sa buhat ni Jehova, ni managpalandong sila sa ginahimo sa iyang mga kamot.
cebuano_ang_biblia_pinadayag@Isaiah:5:13 @ Busa ang akong katawohan ginabihag tungod sa kaalam; ug ang ilang halangdong mga tawo nangamatay sa gutom, ug ang ilang panon sa katawohan gipangmad-an tungod sa kauhaw.
cebuano_ang_biblia_pinadayag@Isaiah:5:14 @ Busa gipadaku sa Sheol ang iyang tinguha, ug ginganga ang iyang baba sa dili masukod; ug ang ilang himaya, ug ang ilang panon sa katawohan. ug ang ilang pagkamapahitas-on, ug siya nga magakalipay sa taliwala kanila, manaug sa.
cebuano_ang_biblia_pinadayag@Isaiah:5:15 @ Ug ang dautang tawo ginapabuktot ug ang dakung tawo ginapaubos, ug ang mga mata sa mga halangdon ginapaubos:
cebuano_ang_biblia_pinadayag@Isaiah:5:16 @ Apan si Jehova sa mga panon ginatuboy diha sa justicia, ug ang Dios, ang Balaan ginabalaan diha sa pagkamatarung.
cebuano_ang_biblia_pinadayag@Isaiah:5:17 @ Unya ang mga nating carnero magasibsib ingon sa anaa sa ilang pasibsibanan, ug ang mga biniyaan nga dapit sa mga matambok pagakan-on sa mga libud-suroy.
cebuano_ang_biblia_pinadayag@Isaiah:5:18 @ ¶ Alaut niadtong mga managguyod sa kadautan pinaagi sa mga pisi sa kabakakan, ug sa sala ingon sa pisi nga sa carromata;
cebuano_ang_biblia_pinadayag@Isaiah:5:19 @ Nga nagaingon: Paabtika siya, padalia siya nianang iyang buhat, aron among makita kini; ug paduola ug paanhia ang pagtambag sa Baalan sa Israel, aron among hisayran!
cebuano_ang_biblia_pinadayag@Isaiah:5:20 @ Alaut kanila nga nagangalan sa dautan nga maayo, ug sa maayo nga dautan; nga nagabutang sa kangitngit nga ilis sa kahayag, ug sa kahayag nga ilis sa kangitngit; ug nagabutang sa mapait nga ilis sa matam-is, ug sa matam-is nga ilis sa mapait!
cebuano_ang_biblia_pinadayag@Isaiah:5:21 @ Alaut niadtong mga maalam diha sa ilang kaugalingong mga mata, ug mga buotan diha sa ilang kaugalingong pagtan-aw!
cebuano_ang_biblia_pinadayag@Isaiah:5:22 @ Alaut niadtong makusog nga moinum sa vino, ug mga tawo nga kusganon sa pagsakot sa maisug nga ilimnon;
cebuano_ang_biblia_pinadayag@Isaiah:5:23 @ Nga nagapakamatarung sa dautan tungod sa hiphip, ug nagakuha sa pagkamatarung sa matarung gikan kaniya!
cebuano_ang_biblia_pinadayag@Isaiah:5:24 @ Busa ingon nga ang dila sa kalayo magalamoy sa dagami, ug ingon nga ang mamala nga balili mapulpog diha sa siga, tungod niini ang ilang gamot maingon sa madunot, ug ang ilang putot mawagtang ingon sa abug: tungod kay ilang gisalikway ang Kasugoan ni Jehova sa mga panon, ug gitamay ang pulong sa Balaan sa Israel.
cebuano_ang_biblia_pinadayag@Isaiah:5:25 @ Busa ang kasuko ni Jehova misilaub batok sa iyang katawohan, ug iyang gibakyaw ang iyang kamot batok kanila, ug gilaglag sila; ug ang mga bukid nanagkurog, ug ang ilang mga minatay ingon sa sagbut sa taliwala sa mga dalan. Tungod niining tanan ang iyang kasilag wala mapalong, hinonoa ang iyang kamot iya pang ginabakyaw.
cebuano_ang_biblia_pinadayag@Isaiah:5:26 @ Ug magapatindog siya ug bandila ngadto sa mga nasud gikan sa halayo, ug pagataghoyan sila gikan sa kinatumyan sa yuta; ug ania karon, sila manganhi sa madali gayud.
cebuano_ang_biblia_pinadayag@Isaiah:5:27 @ Kanila walay pagakapuyan ni mahipangdol sa taliwala kanila, walay magaduka ni mahikatulog; ni maluag ang bakus sa ilang mga hawak, ni mabugto ang liston sa ilang mga sapin:
cebuano_ang_biblia_pinadayag@Isaiah:5:28 @ Kang kinsang mga udyong mahait, ug ang tanan nilang mga panamangabawog; ang mga kuko sa ilang mga kabayo pagaisipon nga santik, ug ang ilang mga ligid ingon sa usa ka alimpulos:
cebuano_ang_biblia_pinadayag@Isaiah:5:29 @ Ug ang ilang pagngulob mahasama sa leon nga baye, sila managngulob sama sa mga leon nga itoy; oo, sila managngulob, ug manakop sa ilang tukbonon, ug ikalagiw nila kini sa gawas nga walay makagawas ug walay bisan kinsa nga makaluwas.
cebuano_ang_biblia_pinadayag@Isaiah:5:30 @ Ug sila managngulob batok kanila niadtong adlawa sama sa dinaguok sa dagat: ug kong adunay usa nga molantaw sa yuta, ania karon, ang kangitngit kasub-anan; ug ang kahayag ginangitngitan tungod sa mga panganod niini.