cebuano_ang_biblia_pinadayag Isaiah:51:17-52:12
cebuano_ang_biblia_
pinadayag@Isaiah:51:17 @ ¶ Pagmata, pagmata, tumindog, Oh Jerusalem, nga nakainum gikan sa kamot ni Jehova sa copa sa iyang kaligutgut; ikaw nakainum sa panaksan sa copa sa pagpasapinday, ug nagtiti niini.
cebuano_ang_biblia_pinadayag@Isaiah:51:18 @ Walay bisan kinsa nga makagmando kaniya taliwala sa tanan nga mga anak nga lalake nga iyang gipanganak; ni adunay bisan kinsa nga magaagak kaniya sa iyang kamot taliwala sa tanan nga mga anak nga lalake nga iyang gimatuto.
cebuano_ang_biblia_pinadayag@Isaiah:51:19 @ Kining duruha ka butang mahinabo kanimo, kinsa bay magasubo alang kanimo? biniyaan ug kalaglagan, ug ang gutom ug ang pinuti; unsaon man nako sa paglipay kanimo?
cebuano_ang_biblia_pinadayag@Isaiah:51:20 @ Ang imong mga anak nga lalake nangaluya, sila nanaghigda sa ulohan sa tanang mga kadalanan, ingon sa usa ka lagsaw sa sulod sa usa ka batong; sila napun-an sa kaligutgut ni Jehova, sa pagbadlong sa imong Dios.
cebuano_ang_biblia_pinadayag@Isaiah:51:21 @ Busa pamatia karon kini, ikaw nga sinakit, ug hubog, apan dili sa vino:
cebuano_ang_biblia_pinadayag@Isaiah:51:22 @ Kini mao ang giingon sa imong Ginoong Jehova, ug sa imong Dios nga nagapangaliyupo mahatungod sa iyang katawohan: Ania karon, nakuha ko na gikan sa imong kamot ang copa sa pagpasapinday, bisan pa ang panaksan sa copa sa akong kaligutgut; ikaw dili na moinum niini pag-usab:
cebuano_ang_biblia_pinadayag@Isaiah:51:23 @ Ug ibutang ko kini sa kamot nila nga nagsakit kanimo, nga nag-ingon sa imong kalag: Duko, aron nga kami makaagi; ug imo nga gipahamutang ang imong bokoboko nga ingon sa yuta, ug ang ingon sa dalan, kanila nga nanagpanlakaw.
cebuano_ang_biblia_pinadayag@Isaiah:52:1 @ ¶ Pagmata, pagmata, isul-ob ang imong kusog, Oh Sion; isul-ob ang imong matahum nga mga bisti, Oh Jerusalem, ang balaan nga ciudad: kay sukad karon wala nay moanha kanimo nga dili sinircumcisionan ug mahugaw.
cebuano_ang_biblia_pinadayag@Isaiah:52:2 @ Yabyabi ang imong kaugalingon gikan sa abug; tindog, lingkod, Oh Jerusalem: buhi ang imong kaugalingon gikan sa mga higot sa imong liog, Oh binihag nga anak nga babaye sa Sion.
cebuano_ang_biblia_pinadayag@Isaiah:52:3 @ Kay kini mao ang giingon ni Jehova: Sa walay bili kamo gibaligya; ug pagalukaton kamo sa wala salapi.
cebuano_ang_biblia_pinadayag@Isaiah:52:4 @ Kay kini mao ang giingon sa Ginoong Jehova: Ang akong katawohan sa sinugdan nanlugsong ngadto sa Egipto aron sa pagpuyo didto: ug ang Asiriahanon mingdaugdaug kanila sa walay gipasikaran.
cebuano_ang_biblia_pinadayag@Isaiah:52:5 @ Busa karon, unsa bay akong pagabuhaton dinhi, nagaingon si Jehova, sanglit ang akong katawohan ginaagaw sa walay bili? sila nga nagahari kanila nanag-uwang, nagaingon si Jehova, ug ang akong ngalan sa kanunay sa tibook nga adlaw ginapasipalahan.
cebuano_ang_biblia_pinadayag@Isaiah:52:6 @ Tungod niini ang akong katawohan makaila sa akong ngalan: busa niadtong adlawa nga ako mao siya nga nagasulti: Ania karon, mao manako.
cebuano_ang_biblia_pinadayag@Isaiah:52:7 @ ¶ Pagkatahum sa ibabaw sa kabukiran sa mga tiil niadtong nanagdala sa mga maayong balita, nga nanagmantala sa pakigdait, nga nanagdala ug mga maayong balita sa kaayohan, nga nanagmantala sa kaluwasan, nga nanag-ingon sa Sion: Ang imong Dios nagahari!
cebuano_ang_biblia_pinadayag@Isaiah:52:8 @ Ang tingog sa imong mga magbalantay! ila nga gipatugbaw ang ilang tingog, nanagdungan sila sa pag-awit; kay sila makakita sa mata ug mata, sa diha nga si Jehova mobalik na sa Sion.
cebuano_ang_biblia_pinadayag@Isaiah:52:9 @ Hunat sa paglipay, panag-awit sa pagdungan, kamo nga nangagun-ob nga mga dapit sa Jerusalem; kay gilipay na ni Jehova ang iyang katawohan, iyang gitubos na ang Jerusalem.
cebuano_ang_biblia_pinadayag@Isaiah:52:10 @ Gihukasan ni Jehova ang iyang balaan nga bukton diha sa mga mata sa tanang mga nasud; ug ang tanang mga kinatumyan sa yuta nakakita na sa kaluwasan sa atong Dios.
cebuano_ang_biblia_pinadayag@Isaiah:52:11 @ Pahalayo kamo, pahalayo kamo, gumula kamo gikan dinha, ayaw pagkamkam ug butang nga mahugaw:; gumula kamo sa iyang taliwala; panaghinlo sa inyong kaugalingon, kamo nga nanagdala sa mga sudlanan ni Jehova.
cebuano_ang_biblia_pinadayag@Isaiah:52:12 @ Kay kamo dili managgula nga managdali, ni manlakaaw kamo nga magakalagiw: kay si Jehova magauna kaninyo; ug ang Dios sa Israel maoy magapalikod kaninyo.
![[pBiblx2]](/img/pbiblx2_logo3.png){kind=logo}