Isaiah:63:7-64:12
cebuano_ang_biblia_
pinadayag@Isaiah:63:7 @ ¶ Hisgutan ko ang mga mahigugmaong-kalolot ni Jehova, ang mga pagdayeg kang Jehova, sumala sa tanan nga gihatag ni Jehova kanato, ug ang dakung kaayohan alang sa balay ni Israel, nga iyang gihatag kanila sumala sa iyang mga kalooy, ug sumala sa gidaghanon sa iyang mga mahigugmaong-kalolot.
cebuano_ang_biblia_pinadayag@Isaiah:63:8 @ Kay siya miingon: Sa pagkatinuod, sila mao ang akong katawohan, mga anak nga dili molimbong: busa siya mao ang ilang Manluluwas.
cebuano_ang_biblia_pinadayag@Isaiah:63:9 @ Sa tanan nilang mga kasakitan siya gisakit, ug giluwas sila sa manolonda sa iyang presencia: diha sa iyang gugma ug sa iyang kalooy, sila gitubos niya; ug sila gidala niya, ug gisagakay sila sa tanang mga adlaw sa kanhing panahon.
cebuano_ang_biblia_pinadayag@Isaiah:63:10 @ Apan sila naanukol, ug nagpaguol sa iyang balaan nga Espiritu: tungod niini siya nahimo nga ilang kaaway, sa iyang kaugalingon nakig-away batok kanila.
cebuano_ang_biblia_pinadayag@Isaiah:63:11 @ Unya nahinumdum siya sa mga adlaw sa kanhing panahon, kang Moises sa iyang katawohan,: Hain na man siya nga nagpakawas kanila gikan sa dagat uban ang mga magbalantay sa iyang panon sa carnero? hain man siya nga nagbutang sa iyang balaan nga Espiritu sa taliwala nila?
cebuano_ang_biblia_pinadayag@Isaiah:63:12 @ Nga nagpauban sa iyang bukton nga mahimayaon sa kamot nga too ni Moises? Kadtong nagpaiway sa mga tubig sa ilang atubangan, aron sa paghimo alang sa iyang kaugalingon usa ka ngalan nga walay katapusan?
cebuano_ang_biblia_pinadayag@Isaiah:63:13 @ Kadtong nagmando kanila latas sa mga kahiladman, ingon sa usa ka kabayo didto sa kamingawan, sa pagkaagi nga sila wala mahidugmo?
cebuano_ang_biblia_pinadayag@Isaiah:63:14 @ Ingon sa kahayupan nga milugsong padulong sa walog, ang Espiritu ni Jehova nagpapahulay kanila: sa ingon niana, gimandoan mo ang imong katawohan, aron sa paghimo sa imong kaugalingon usa ka ngalan nga mahimayaon.
cebuano_ang_biblia_pinadayag@Isaiah:63:15 @ ¶ Sud-onga gikan sa langit, ug tan-awa gikan sa pinuy-anan sa imong pagkabalaan ug sa imong himaya: hain na man ang imong pangabugho ug ang imong mga buhat nga gamhanan? ang pangandoy sa imong kasingkasing ug ang imong mga kalooy ginapunggan nganhi kanako.
cebuano_ang_biblia_pinadayag@Isaiah:63:16 @ Kay ikaw mao ang among Amahan, bisan wala kami hiilhi ni Abraham, ug ang Israel wala umila kanamo: ikaw, Oh Jehova, mao ang among Amahan; among Manunubos ang imong ngalan gikan sa walay katapusan.
cebuano_ang_biblia_pinadayag@Isaiah:63:17 @ Oh Jehova, ngano man nga gipasayup mo kami gikan sa imong mga dalan, ug gipagahi mo ang among kasingkasing gikan sa kahadlok kanimo? Bumalik ka tungod sa imong mga alagad, ang mga banay sa imong panulondon.
cebuano_ang_biblia_pinadayag@Isaiah:63:18 @ Ang imong balaan nga katawohan nakapanag-iya sa hamubo lamang nga panahon: ang among mga kabatok nanagyatak sa imong balaang puloy-anan.
cebuano_ang_biblia_pinadayag@Isaiah:63:19 @ Kami nahimo nga ingon niadtong wala gayud nimo pagharii, ingon kanila nga wala pagtawga pinaagi sa imong ngalan.
cebuano_ang_biblia_pinadayag@Isaiah:64:1 @ ¶ Oh nga gision mo unta ang mga langit, nga mokunsad ka unta, aron ang mga bukid mangurog sa imong presencia,
cebuano_ang_biblia_pinadayag@Isaiah:64:2 @ Ingon nga ang kalayo nagasunog sa kasagbutan, ang kalayo nagapabukal sa tubig; aron sa pagpaila sa imong ngalan sa imong mga kabatok, aron ang mga nasud mangurog sa imong presencia!
cebuano_ang_biblia_pinadayag@Isaiah:64:3 @ Sa diha nga buhaton mo ang mga butang nga makalilisang nga wala namo paabuta, ikaw mikunsad, ang mga bukid mingkurog sa imong presencia.
cebuano_ang_biblia_pinadayag@Isaiah:64:4 @ Kay gikan pa sa karaang panahon ang mga tawo wala makabati, ni makasabut pinaagi sa igdulungog, ni ang mata makakita sa usa ka Dios gawas kanimo, nga nagabuhat alang niadtong nagahulat kaniya.
cebuano_ang_biblia_pinadayag@Isaiah:64:5 @ Gihibalag mo siya nga nagalipay ug nagabuhat sa pagkamatarung, kadtong mga nahinumdum kanimo sa imong mga dalan: ania karon, ikaw nasuko, ug kami nanagpakasala: didto kanila sa hataas nga panahon; ug mangaluwas ba kami?
cebuano_ang_biblia_pinadayag@Isaiah:64:6 @ ¶ Kay kami nga tanan nangahimo nga ingon sa usa nga mahugaw, ug ang tanan namo nga pagkamatarung ingon sa usa ka saput nga nahugawan; ug kaming tanan mangalaya ingon sa usa ka dahon; ug ang among mga kasal-anan, sama sa hangin, nagapalid kanamo.
cebuano_ang_biblia_pinadayag@Isaiah:64:7 @ Ug walay mausa nga nagatawag sa imong ngalan, nga nagapadasig sa iyang kaugalingon aron sa paggakus kanimo; kay gitagoan mo ang imong nawong gikan kanamo, ug imong gipawagtang kami pinaagi sa among kasal-anan.
cebuano_ang_biblia_pinadayag@Isaiah:64:8 @ Apan karon, Oh Jehova, ikaw mao ang among Amahan; kami yuta nga kolonon, ug ikaw ang among magkokolon; ug kaming tanan binuhat man sa imong kamot.
cebuano_ang_biblia_pinadayag@Isaiah:64:9 @ Ayaw pagkasuko sa hilabihan gayud, Oh Jehova, ni mahinumdum sa walay katapusan sa kasal-anan: ania karon, tan-awa, kami nangaliyupo kanimo, kaming tanan imong katawohan.
cebuano_ang_biblia_pinadayag@Isaiah:64:10 @ Ang imong mga ciudad nga balaan nangahimo nga kamingawan, ang Sion nahimo nga kamingawan, ang Jerusalem usa ka biniyaan.
cebuano_ang_biblia_pinadayag@Isaiah:64:11 @ Ang among balaan ug ang among matahum nga balay, diin ang among mga amahan nanagdayeg kanimo, nasunog sa kalayo; ug ang tanan namong maanindot nga mga dapit nangalaglag.
cebuano_ang_biblia_pinadayag@Isaiah:64:12 @ Magapugong ba ikaw sa imong kaugalingon mahatungod niining mga butanga, Oh Jehova? magahilum ba ikaw, ug magasakit kanamo sa hilabihan gayud?
![[pBiblx2]](/img/pbiblx2_logo3.png){kind=logo}