Joel:3:1-16
vul@Joel:3:1 @ quia ecce in diebus illis et in tempore illo cum convertero captivitatem Iuda et Hierusalem
vul@Joel:3:2 @ congregabo omnes gentes et deducam eas in valle Iosaphat et disceptabo cum eis ibi super populo meo et hereditate mea Israhel quos disperserunt in nationibus et terram meam diviserunt
vul@Joel:3:3 @ et super populum meum miserunt sortem et posuerunt puerum in prostibulum et puellam vendiderunt pro vino ut biberent
vul@Joel:3:4 @ verum quid vobis et mihi Tyrus et Sidon et omnis terminus Palestinorum numquid ultionem vos redditis mihi et si ulciscimini vos contra me cito velociter reddam vicissitudinem vobis super caput vestrum
vul@Joel:3:5 @ argentum enim meum et aurum tulistis et desiderabilia mea et pulcherrima intulistis in delubra vestra
vul@Joel:3:6 @ et filios Iuda et filios Hierusalem vendidistis filiis Graecorum ut longe faceretis eos de finibus suis
vul@Joel:3:7 @ ecce ego suscitabo eos de loco in quo vendidistis eos et convertam retributionem vestram in caput vestrum
vul@Joel:3:8 @ et vendam filios vestros et filias vestras in manibus filiorum Iuda et venundabunt eos Sabeis genti longinquae quia Dominus locutus est
vul@Joel:3:9 @ clamate hoc in gentibus sanctificate bellum suscitate robustos accedant ascendant omnes viri bellatores
vul@Joel:3:10 @ concidite aratra vestra in gladios et ligones vestros in lanceas infirmus dicat quia fortis ego sum
vul@Joel:3:11 @ erumpite et venite omnes gentes de circuitu et congregamini ibi occumbere faciet Dominus robustos tuos
vul@Joel:3:12 @ consurgant et ascendant gentes in vallem Iosaphat quia ibi sedebo ut iudicem omnes gentes in circuitu
vul@Joel:3:13 @ mittite falces quoniam maturavit messis venite et descendite quia plenum est torcular exuberant torcularia quia multiplicata est malitia eorum
vul@Joel:3:14 @ populi populi in valle concisionis quia iuxta est dies Domini in valle concisionis
vul@Joel:3:15 @ sol et luna obtenebricata sunt et stellae retraxerunt splendorem suum
vul@Joel:3:16 @ et Dominus de Sion rugiet et de Hierusalem dabit vocem suam et movebuntur caeli et terra et Dominus spes populi sui et fortitudo filiorum Israhel