alb John:10:1-21
alb@John:10:1 @ ``Në të vërtetë, në të vërtetë unë po ju them: Ai që nuk hyn nëpër derë të vathës së deleve, por ngjitet nga një anë tjetër, ai është vjedhës dhe kusar;
alb@John:10:2 @ kurse kush hyn nëpër derë është bariu i deleve.
alb@John:10:3 @ Atij ia hap portieri; delet e dëgjojnë zërin e tij, dhe ai i thërret delet e tij me emër dhe i prin jashtë.
alb@John:10:4 @ Dhe, pasi i ka nxjerrë delet e tij, shkon para tyre; dhe delet e ndjekin, sepse njohin zërin e tij.
alb@John:10:5 @ Por nuk ndjekin asnjë të huaj, por do të ikin larg tij, sepse nuk e njohin zërin e të huajve``.
alb@John:10:6 @ Jezusi u tha atyre këtë shëmbëlltyrë, por ata nuk morën vesh për çfarë po u fliste.
alb@John:10:7 @ Prandaj Jezusi u tha atyre përsëri: ``Në të vërtetë, në të vërtetë po ju them: unë jam dera e deleve.
alb@John:10:8 @ Të gjithë ata që erdhën para meje janë vjedhës e kusarë; por delet nuk i kanë dëgjuar.
alb@John:10:9 @ Unë jam dera; nëse dikush hyn nëpërmjet meje, do të shpëtohet; do të hyjë, do të dalë dhe do të gjejë kullotë
alb@John:10:10 @ Vjedhësi nuk vjen veçse për të vjedhur, për të vrarë e për të shkatërruar; por unë kam ardhur që të kenë jetë e ta kenë me bollëk.
alb@John:10:11 @ Unë jam bariu i mirë; bariu i mirë jep jetën e vet për delet.
alb@John:10:12 @ Kurse rrogëtari, që nuk është bari, dhe delet nuk janë të vetat, sheh ujkun që po vjen, i braktis delet dhe ikën; dhe ujku i rrëmben dhe i shpërndan delet.
alb@John:10:13 @ Rrogëtari ikën, sepse është rrogëtar dhe nuk do t`ia dijë për delet.
alb@John:10:14 @ Unë jam bariu i mirë, dhe i njoh delet e mia dhe ato më njohin mua,
alb@John:10:15 @ ashtu siç më njeh Ati mua dhe unë e njoh Atin dhe lë jetën time për delet.
alb@John:10:16 @ Unë kam edhe dele të tjera që nuk janë të kësaj vathe; duhet t`i mbledh edhe ato, dhe ato do ta dëgjojnë zërin tim, dhe do të jetë një tufë e vetme dhe një Bari i vetëm.
alb@John:10:17 @ Prandaj Ati më do, sepse unë e lë jetën time që ta marr përsëri.
alb@John:10:18 @ Askush nuk mund të ma heqë, por e lë nga vetja; unë kam pushtet ta lë e pushtet ta marr përsëri; ky është urdhri që kam marrë nga Ati im``.
alb@John:10:19 @ Atëherë lindi përsëri një përçarje midis Judenjve për shkak të këtyre fjalëve.
alb@John:10:20 @ Dhe shumë nga ata thoshnin: ``Ai ka një demon dhe nuk është në vete; përse e dëgjoni?``.
alb@John:10:21 @ Të tjerë thoshnin: ``Këto nuk janë fjalë të një të demonizuari; a mundet një demon t`ua hap sytë të verbërve?``.
![[pBiblx2]](/img/pbiblx2_logo3.png){kind=logo}