John:10:22-42

gae@John:10:22 @ As haghyr shoh ec Jerusalem, ec feailley casherickey yn chiamble; as nish va'n geurey.

gae@John:10:23 @ As va Yeesey shooyl ayns y chiamble ayns porch Solomon.

gae@John:10:24 @ Eisht haink ny Hewnyn mygeayrt-y-mysh, as dooyrt ad rish, Caid t'ou freayll shin fo mee-ourys? My she yn Creest oo, insh dooin dy ynrick.

gae@John:10:25 @ Dreggyr Yeesey ad, Ta mee er n'insh diu hannah, as cha ren shiu my chredjal: ta ny obbraghyn ta mee dy yannoo ayns ennym my Ayrey gymmyrkey fenish jee'm.

gae@John:10:26 @ Agh cha vel shiuish credjal; er-yn-oyr nagh vel shiu jeh my hioltane, myr dooyrt mee riu.

gae@John:10:27 @ Ta my chirree clashtyn my choraa, as ta enney aym orroo, as eiyree ad orrym.

gae@John:10:28 @ As ta mee cur daue yn vea veayn, as cha jean ad dy bragh cherraghtyn, as cha n'ghow fer erbee ad ass my laue er-niart.

gae@John:10:29 @ Ta my Ayr hug dou ad, pooaral erskyn ooilley: as cha jarg fer erbee y ghoaill ad ass laue my Ayrey.

gae@John:10:30 @ Ta mish as my Ayr unnane.

gae@John:10:31 @ Eisht hrog ny Hewnyn claghyn reesht dy chlaghey eh.

gae@John:10:32 @ Dreggyr Yeesey ad, Shimmey yn obbyr vie ta mee er hoilshaghey diu veih my Ayr; son quoi j'eh ny obbraghyn cheddin ta shiu ry-hoi m'y chlaghey?

gae@John:10:33 @ Dreggyr ny Hewnyn eh, gra, Son obbyr vie cha vel shin dy dty chlaghey; agh son goan-mollaghtagh, as er-yn-oyr dy vel uss, ta dty ghooinney, jannoo oo hene Jee.

gae@John:10:34 @ Dreggyr Yeesey ad, Nagh vel eh scruit ayns y leigh eu, Dooyrt mee, She Jeeghyn shiu?

gae@John:10:35 @ My t'eh genmys adsyn Jeeghyn, dauesyn va goo Yee er ny choyrt, as nagh vod y scriptyr v'er ny rassey:

gae@John:10:36 @ Vel shiu gra mychionesyn ta'n Ayr er chasherickey, as er choyrt gys y theihll, T'ou loayrt goan-mollaghtagh; er-yn-oyr dy dooyrt mee, She Mac Yee mee?

gae@John:10:37 @ Mannagh vel mee jannoo obbraghyn m'Ayrey, ny cred-jee mee.

gae@John:10:38 @ Agh my ta mee jannoo ad, ga nagh gred shiu mish, cred-jee ny obbraghyn: dy vod shiu toiggal as credjal, dy vel yn Ayr aynym's, as mish aynsyn.

gae@John:10:39 @ Er shoh v'ad reesht son y ghoaill eh: agh chossyn eh ass nyn laueyn

gae@John:10:40 @ As hie eh roish reesht er cheu elley dy Yordan, gys y boayl raad ren Ean hoshiaght bashtey; as duirree eh ayns shen.

gae@John:10:41 @ As va ymmodee cheet huggey, as gra, Cha ren Ean mirril erbee: agh va dy chooilley nhee loayr Ean jeh'n dooinney shoh firrinagh.

gae@John:10:42 @ As ren ymmodee credjal ayn ayns shen.

Seeker Overlay: Off On

Bible:
Bible:
Book: