John:11:17-37
alb@John:11:17 @ Kur arriti Jezusi, pra, gjeti që Llazari ishte që prej katër ditësh në varr.
alb@John:11:18 @ Por Betania ishte rreth pesëmbëdhjetë stade larg Jeruzalemit.
alb@John:11:19 @ Dhe shumë Judenj kishin ardhur te Marta dhe te Maria për t`i ngushëlluar për vëllanë e tyre.
alb@John:11:20 @ Marta, pra, si e mori vesh se po vinte Jezusi, i doli përpara; kurse Maria ishte ulur në shtëpi.
alb@John:11:21 @ Marta i tha Jezusit: ``Zot, po të ishe këtu, im vëlla nuk do të kishte vdekur,
alb@John:11:22 @ por edhe tani e di se të gjitha ato që ti i kërkon Perëndisë, Perëndia do të t`i japë``.
alb@John:11:23 @ Jezusi i tha: ``Yt vëlla do të ringjallet``.
alb@John:11:24 @ Marta i tha: ``E di se do të ringjallet, në ringjallje, ditën e fundit``.
alb@John:11:25 @ Jezusi i tha: ``Unë jam ringjallja dhe jeta; ai që beson në mua, edhe sikur të duhej të vdesë do të jetojë.
alb@John:11:26 @ Dhe ai që jeton e beson në mua, nuk do të vdesë kurrë përjetë. A e beson këtë?``.
alb@John:11:27 @ Ajo i tha: ``Po, Zot, unë besoj se ti je Krishti, Biri i Perëndisë, që duhet të vinte në botë``
alb@John:11:28 @ Dhe, si tha kështu, shkoi të thërrasë fshehtas Marinë, motrën e saj, duke thënë: ``Mësuesi është këtu dhe po të thërret``.
alb@John:11:29 @ Posa e dëgjoi, ajo u çua me nxitim dhe erdhi tek ai.
alb@John:11:30 @ Por Jezusi ende nuk kishte arritur në fshat, por ndodhej në vendin ku Marta e kishte takuar.
alb@John:11:31 @ Prandaj Judenjtë që ishin me të në shtëpi për ta ngushëlluar, kur panë se Maria u çua me nxitim dhe doli, e ndoqën, duke thënë: ``Ajo po shkon te varri për të qarë aty``.
alb@John:11:32 @ Sapo Maria arriti te vendi ku ndodhej Jezusi dhe e pa atë, i ra ndër këmbë duke i thënë: ``Zot, po të ishe ti këtu, im vëlla nuk do të kishte vdekur``.
alb@John:11:33 @ Atëherë Jezusi, kur pa se ajo dhe Judenjtë që kishin ardhur me të po qanin, u psherëtiu në frymë dhe u trondit,
alb@John:11:34 @ dhe tha: ``Ku e keni vënë?``. Ata i thanë: ``Zot, eja e shih!``.
alb@John:11:35 @ Jezusi qau.
alb@John:11:36 @ Atëherë Judenjtë thanë: ``Shih, sa e donte!``.
alb@John:11:37 @ Por disa nga ata thanë: ``Ky, që i hapi sytë të verbërit, s`mund të bënte që ky të mos vdiste?".
![[pBiblx2]](/img/pbiblx2_logo3.png){kind=logo}