cebuano_ang_biblia_pinadayag John:12:37-50
cebuano_ang_biblia_
pinadayag@John:12:37 @ ¶ Bisan tuod daghan ang mga milagro nga iyang nahimo sa ilang atubangan, ngani wala sila mosalig kaniya;
cebuano_ang_biblia_pinadayag@John:12:38 @ aron matuman ang pulong nga gisulti ni Isaias nga profeta, nga nag-ingon: Ginoo, kinsa ba ang nakatoo sa ilang nadungog gikan kanamo, ug kang kinsa ba gikapadayag ang bukton sa Ginoo?"
cebuano_ang_biblia_pinadayag@John:12:39 @ Busa wala sila makatoo, kay si Isaias miusab man sa pagsulti nga nag-ingon,
cebuano_ang_biblia_pinadayag@John:12:40 @ "Iyang gibutaan ang ilang mga mata ug gipagahi ang ilang kasingkasing, aron dili sila makakita pinaagi sa ilang mga mata, ni makasabut pinaagi sa ilang kasingkasing, ni managpamalik kanako aron pagaayohon ko sila."
cebuano_ang_biblia_pinadayag@John:12:41 @ Kini gipamulong ni Isaias tungod kay nakita man niya ang himaya ni Cristo ug misulti siya mahitungod kaniya.
cebuano_ang_biblia_pinadayag@John:12:42 @ ¶ Walay sapayan niini, bisan gani sa mga punoan, daghan kanila ang misalig kaniya, apan tungod sa mga Fariseo kini wala nila itug-an, sa kahadlok nga tingali unyag palagputon sila gikan sa sinagoga.
cebuano_ang_biblia_pinadayag@John:12:43 @ Kay labi pa man ugod nilang gihigugma ang pagdalayeg gikan sa mga tawo kay sa pagdalayeg gikan sa Dios.
cebuano_ang_biblia_pinadayag@John:12:44 @ ¶ Ug si Jesus misinggit ug miingon, "Siya nga mosalig kanako magasalig dili kanako kondili kaniya nga mao ang nagpadala kanako.
cebuano_ang_biblia_pinadayag@John:12:45 @ Ug siya nga makakita kanako makakita kaniya nga mao ang nagpadala kanako.
cebuano_ang_biblia_pinadayag@John:12:46 @ Ingon nga kahayag mianhi ako sa kalibutan aron ang tanang mosalig kanako dili na magpabilin sa kangitngit.
cebuano_ang_biblia_pinadayag@John:12:47 @ Kon kinsa ang magapatalinghug sa akong mga sulti ug dili magatuman niini, ako dili magahukom kaniya; kay ako wala man moanhi aron sa paghukom sa kalibutan, kondili aron sa pagluwas sa kalibutan.
cebuano_ang_biblia_pinadayag@John:12:48 @ Ang magasalikway kanako ug dili modawat sa akong mga sulti, siya adunay maghuhukom. Ang pulong nga akong gikasulti mao unya ang magahukom kaniya sa kaulahian nga adlaw.
cebuano_ang_biblia_pinadayag@John:12:49 @ Kay ako wala magsulti sa kaugalingon kong pagbulot-an, hinonoa ang Amahan nga mao ang nagpadala kanako, siya gayud mao ang naghatag kanakog sugo kon unsa ang akong igaingon ug unsa ang akong igasulti.
cebuano_ang_biblia_pinadayag@John:12:50 @ Ug ako nahibalo nga ang kahulogan sa iyang sugo mao ang kinabuhing dayon. Busa, bisan unsay igasulti ko, ginasulti ko kini sumala sa gisugo kanako sa Amahan."