cebuano_ang_biblia_pinadayag John:4:1-26
cebuano_ang_biblia_
pinadayag@John:4:1 @ ¶ Ug sa pagkasayud sa Ginoo nga ang mga Fariseo nakadungog nga si Jesus nangabig ug nagpangbautismog labi pa ka daghang mga tinun-an kay kang Juan.
cebuano_ang_biblia_pinadayag@John:4:2 @ (bisan tuod dili gayud si Jesus mao ang nangunay sa pagpangbautismo kondili ang iyang mga tinun-an lamang),
cebuano_ang_biblia_pinadayag@John:4:3 @ siya mipahawa sa Judea ug mibalik sa Galilea.
cebuano_ang_biblia_pinadayag@John:4:4 @ ¶ Ug siya kinahanglan gayud nga mahiagi latas sa Samaria.
cebuano_ang_biblia_pinadayag@John:4:5 @ Busa nahiabut siya sa usa ka lungsod sa Samaria nga ginganlan ug Sicar, duol sa yuta nga gihatag ni Jacob ngadto sa iyang anak nga si Jose
cebuano_ang_biblia_pinadayag@John:4:6 @ Ug didto ang atabay ni Jacob; ug si Jesus, sanglit gikapuyan man siya tungod sa iyang panaw, milingkod tupad sa atabay. Ug kadto may ikaunom na ang takna.
cebuano_ang_biblia_pinadayag@John:4:7 @ Ug dihay usa ka babayeng Samarianhon nga miabut aron sa pagkalos ug tubig. Ug si Jesus miingon kaniya, "Paimna ra ko."
cebuano_ang_biblia_pinadayag@John:4:8 @ Kay ang iyang mga tinun-an nangadto man sa lungsod aron sa pagpalit ug makaon.
cebuano_ang_biblia_pinadayag@John:4:9 @ Ang babayeng Samarianhon miingon kaniya, "Naunsa ba nga ikaw nga usa ka Judio mihangyo man nga paimnon ko nga usa ka babayeng Samarianhon?" Kay ang mga Judio ugod wala may pakigharong sa mga Samarianhon.
cebuano_ang_biblia_pinadayag@John:4:10 @ Ug si Jesus mitubag kaniya, "Kon nasayud ka pa lamang sa gasa sa Dios, ug kon kinsa kining nagaingon kanimo, `Paimna ra ko,' mangayo ka gayud unta kaniya ug ikaw hatagan niyag buhi nga tubig."
cebuano_ang_biblia_pinadayag@John:4:11 @ Ang babaye miingon kaniya, "Senyor, ikaw wala ganiy arang ikatimba, ug ang atabay lalum; asa man nimo kuhaa kanang imong buhi nga tubig?
cebuano_ang_biblia_pinadayag@John:4:12 @ Labaw ka pa ba sa among ginikanan nga si Jacob nga maoy naghatag kanamo niining atabay, ug sa tubig niini nag-inom siya ug ang iyang mga anak ug ang iyang mga hayop?"
cebuano_ang_biblia_pinadayag@John:4:13 @ Si Jesus miingon kaniya, "Ang tanan nga magainom niining tubiga pagauhawon pag-usab,
cebuano_ang_biblia_pinadayag@John:4:14 @ apan bisan kinsa nga magainom sa tubig nga akong igahatag kaniya dili na gayud pagauhawon; kay ang tubig nga akong igahatag kaniya mahimong diha sa sulod niya usa ka tubod sa tubig nga magatubo ngadto sa pagkakinabuhing dayon."
cebuano_ang_biblia_pinadayag@John:4:15 @ Ang babaye miingon kaniya, "Senyor, hatagi ra ko nianang tubiga aron dili na ako uhawon, ni moanhi pa dinhi aron sa pagkalos."
cebuano_ang_biblia_pinadayag@John:4:16 @ Ug si Jesus miingon kaniya, "Lumakaw ka, tawga ang imong bana, ug bumalik ka dinhi."
cebuano_ang_biblia_pinadayag@John:4:17 @ Ang babaye mitubag kaniya, "Wala baya akoy bana." Si Jesus miingon kaniya, "Tinuod ang imong giingon, `Wala akoy bana';
cebuano_ang_biblia_pinadayag@John:4:18 @ kay tuod ikaw may lima na man ka bana, ug siya nga gikaipon mo karon dili man imong bana. Tinuod gayud kining imong giingon."
cebuano_ang_biblia_pinadayag@John:4:19 @ Ang babaye miingon kaniya, "Senyor, naila ko nga ikaw usa ka profeta.
cebuano_ang_biblia_pinadayag@John:4:20 @ Ang among mga ginikanan nanagsimba dinhi niining bukira; apan kamo magaingon nga sa Jerusalem atua ang dapit diin kinahanglan ang mga tawo adto magasimba."
cebuano_ang_biblia_pinadayag@John:4:21 @ Ug si Jesus miingon kaniya, "Babaye, toohi ako, taliabut na ang takna nga kamo magasimba sa Amahan dili lamang dinhi ra niining bukira, ni sa Jerusalem.
cebuano_ang_biblia_pinadayag@John:4:22 @ Kamo nagasimba sa wala ninyo hiilhi; kami nagasimba sa among nailhan, kay ang kaluwasan nagagikan man sa mga Judio.
cebuano_ang_biblia_pinadayag@John:4:23 @ Apan ang takna taliabut, ug karon mao na, nga ang tinuod nga mga magsisimba magasimba sa Amahan diha sa espiritu ug sa kamatuoran, kay kini ang ginapangita sa Amahan nga maoy managsimba kaniya.
cebuano_ang_biblia_pinadayag@John:4:24 @ Ang Dios espiritu, ug ang mga magasimba kaniya kinahanglan managsimba diha sa espiritu ug sa kamatuoran."
cebuano_ang_biblia_pinadayag@John:4:25 @ Ang babaye miingon kaniya, "Ako nasayud nga ang Mesias umaabut (siya nga ginatawag ug Cristo); inig-abut na unya niya, siya mao ang magasaysay kanato sa tanang mga butang."
cebuano_ang_biblia_pinadayag@John:4:26 @ Si Jesus miingon kaniya, "Ako nga nakigsulti kanimo mao siya."
![[pBiblx2]](/img/pbiblx2_logo3.png){kind=logo}