John:4:27-38
gae@John:4:27 @ As er shen haink e ostyllyn, as ghow ad yindys dy row eh taggloo rish y ven: foast cha dooyrt dooinney erbee, Cre t'ou dy hirrey? ny, Cre'n-fa t'ou taggloo r'ee?
gae@John:4:28 @ Daag yn ven eisht yn saagh-ushtey eck, as hie ee rhymbee gys y valley, as dooyrt ee rish ny deiney
gae@John:4:29 @ Tarjee as hee shiu dooinney t'er n'insh dou ooilley ny ren mee rieau: nagh nee shoh yn Creest?
gae@John:4:30 @ Eisht hie ad magh ass y valley as haink ad huggey.
gae@John:4:31 @ Ayns y traa shen ghuee e ostyllyn er, gra, Vainshter, gow beaghey.
gae@John:4:32 @ Agh dooyrt eshyn roo, Ta bee aym's dy ee nagh vel fys euish er.
gae@John:4:33 @ Shen-y-fa dooyrt ny ostyllyn yn derrey yeh rish y jeh elley, Vel dooinney erbee er chur lesh nhee erbee huggey dy ee?
gae@John:4:34 @ Dooyrt Yeesey roo, Yn beaghey aym's eh, dy yannoo yn aigney echeysyn t'er my choyrt, as dy chooilleeney yn obbyr echey.
gae@John:4:35 @ Nagh vel shiu gra, dy vel kiare meeghyn foast, as eisht ta'n fouyr cheet? cur-my ner ta mish gra riu, Trog-jee seose nyn sooillyn, as jeeagh-jee er ny magheryn; son t'ad bane hannah son y fouyr.
gae@John:4:36 @ As ta'n beaynee geddyn faill, as chaglym mess gys y vea veayn: dy vod chammah yn correyder as y beaynee boggey y ghoaill cooidjagh.
gae@John:4:37 @ As ayns shoh ta'n raa shen firrinagh, Ta fer cuirr, as fer elley buinn.
gae@John:4:38 @ Hug mish shiu magh dy vuinn cooid nagh ren shiu y laboragh: ta deiney elley er laboragh, as ta shiuish er gholl stiagh er y laboraght oc.