alb John:4:5-38
alb@John:4:5 @ Arriti, pra, në një qytet të Samarisë që quhej Sihar, afër tokës që Jakobi i kishte dhënë Jozefit, birit të vet.
alb@John:4:6 @ Por aty ishte pusi i Jakobit. Dhe Jezusi, i lodhur nga udhëtimi, u ul pranë pusit; ishte rreth orës së gjashtë.
alb@John:4:7 @ Një grua nga Samaria erdhi të nxjerrë ujë. Dhe Jezusi i tha: ``Më jep të pi``,
alb@John:4:8 @ sepse dishepujt e vet kishin shkuar në qytet për të blerë ushqime.
alb@John:4:9 @ Por gruaja samaritane i tha: ``Po qysh, ti që je Jude kërkon të pish prej meje, që jam një grua samaritane?`` (Sepse Judenjtë nuk shoqërohen me Samaritanët).
alb@John:4:10 @ Jezusi u përgjigj dhe i tha: ``Po ta njihje ti dhuratën e Perëndisë dhe kush është ai që të thotë: "Më jep të pi!", ti vetë do të kërkoje nga ai dhe ai do të të jepte ujë të gjallë``
alb@John:4:11 @ Gruaja i tha: ``Zot, ti nuk ke as kovë për të nxjerrë dhe pusi është i thellë; nga e ke, pra, atë ujë të gjallë?
alb@John:4:12 @ Vallë je më i madh se Jakobi, ati ynë, qe na dha këtë pus dhe piu prej tij ai vetë, bijtë e tij dhe bagëtitë e tij?``.
alb@John:4:13 @ Jezusi u përgjigj dhe i tha: ``Kushdo që pi nga ky ujë, do të ketë përsëri etje,
alb@John:4:14 @ por kush pi nga uji që do t`i jap unë nuk do të ketë më kurrë etje përjetë; por uji që unë do t`i jap do të bëhet në të një burim uji që gufon në jetë të përjetshme``.
alb@John:4:15 @ Gruaja i tha: ``Zot, më jep këtë ujë, që unë të mos kem më etje dhe të mos vij këtu të nxjerr ujë!``.
alb@John:4:16 @ Jezusi i tha: ``Shko thirre burrin tënd dhe eja këtu``.
alb@John:4:17 @ Gruaja u përgjigj dhe i tha: ``Unë nuk kam burrë``. Jezusi i tha: ``Mirë the: "Nuk kam burrë",
alb@John:4:18 @ sepse ti kishe pesë burra dhe ky që ke tani nuk është burri yt; për këtë ke thënë të vërtetën!``.
alb@John:4:19 @ Gruaja i tha: ``Zot, po shoh se ti je një profet.
alb@John:4:20 @ Etërit tanë adhuronin mbi këtë mal, dhe ju thoni se në Jeruzalem është vendi ku duhet të adhurojmë``.
alb@John:4:21 @ Jezusi i tha: ``O grua, më beso: vjen ora që as mbi këtë mal as në Jeruzalem nuk do të adhuroni Atin.
alb@John:4:22 @ Ju adhuroni atë që s`e njihni; ne adhurojmë atë që njohim; sepse shpëtimi vjen nga Judenjtë.
alb@John:4:23 @ Por vjen ora, madje ajo ka ardhur, që adhuruesit e vërtetë ta adhurojnë Atin në frymë dhe në të vërtetën, sepse të tillë janë adhuruesit që kërkon Ati.
alb@John:4:24 @ Perëndia është Frymë, dhe ata që e adhurojnë duhet t`a adhurojnë në frymë dhe në të vërtetën``.
alb@John:4:25 @ Gruaja i tha: ``Unë e di se do të vijë Mesia, që e quajnë Krisht; kur të ketë ardhur, ai do të na kumtojë çdo gjë``.
alb@John:4:26 @ Jezusi i tha: ``Unë jam, ai që po të flet!``.
alb@John:4:27 @ Në këtë moment erdhën dishepujt e tij dhe u mrekulluan që po fliste me një grua; por asnjë nuk i tha: ``Çfarë do?`` ose: ``Pse po flet me të?``.
alb@John:4:28 @ Atëherë gruaja e la kovën e saj dhe u kthye në qytet dhe u tha njerëzve:
alb@John:4:29 @ ``Ejani të shikoni një njeri që më ka thënë gjithçka kam bërë; vallë mos është ky Krishti?``.
alb@John:4:30 @ Dolën, pra, nga qyteti dhe erdhën tek ai.
alb@John:4:31 @ Ndërkaq dishepujt e vet po i luteshin duke thënë: ``Mësues, ha``.
alb@John:4:32 @ Por ai u tha atyre: ``Unë kam një ushqim për të ngrënë të cilin ju s`e njihni``.
alb@John:4:33 @ Prandaj dishepujt i thonin njëri-tjetrit: ``Mos i solli vallë dikush për të ngrënë?``.
alb@John:4:34 @ Jezusi u tha atyre: ``Ushqimi im është të bëj vullnetin e atij që më dërgoi dhe të kryej veprën e tij.
alb@John:4:35 @ A nuk thoni ju se ka edhe katër muaj dhe vjen korrja? Ja, unë po ju them: Ngrini sytë tuaj dhe shikoni fushat që tashmë zbardhojnë për korrjen.
alb@John:4:36 @ Korrësi e merr shpërblimin dhe mbledh frytin për jetën e përjetshme, që mbjellësi dhe korrësi të gëzohen sëbashku.
alb@John:4:37 @ Sepse në këtë vërtetohet e thëna: "Një mbjell e tjetri korr".
alb@John:4:38 @ Unë ju dërgova të korrni atë për të cilin ju nuk u munduat; të tjerët u munduan dhe ju hytë në mundimin e tyre``.