cebuano_ang_biblia_pinadayag John:5:1-15
cebuano_ang_biblia_
pinadayag@John:5:1 @ ΒΆ Tapus niini may gisaulog nga usa ka fiesta sa mga Judio, ug si Jesus mitungas ngadto sa Jerusalem.
cebuano_ang_biblia_pinadayag@John:5:2 @ Ug sa Jerusalem, duol sa pultahan sa mga karnero, anaay tuburan nga sa Hebreohanon ginatawag ug Betsata, nga may lima ka portico.
cebuano_ang_biblia_pinadayag@John:5:3 @ Dinhi niini nanaghigda ang dakung panon sa mga masakiton, lakip sa mga buta, nga bakul, ug mga paralitico. Sila nanagpaabut sa paglihok sa tubig.
cebuano_ang_biblia_pinadayag@John:5:4 @ Kay may mga panahon nga ang manolunda sa Ginoo manaug ngadto sa tuburan ug ang tubig iyang kutawon; ug ang makauna sa pag-ubog human makutaw ang tubig, siya mamaayo sa bisan unsang sakit nga iyang giantus.
cebuano_ang_biblia_pinadayag@John:5:5 @ Ug didtoy usa ka tawo nga nagmasakiton sulod na sa katloan ug walo ka tuig.
cebuano_ang_biblia_pinadayag@John:5:6 @ Sa pagkakita ni Jesus kaniya, ug sa nasayran niya nga siya naglubog didto sulod na sa hataas nga panahon, siya miingon kaniya, "Buot ka bang maayo?"
cebuano_ang_biblia_pinadayag@John:5:7 @ Ang masakiton mitubag kaniya, "Senyor, wala akoy tawo nga makatunlob kanako ngadto sa tuburan inigkutaw na sa tubig, ug sa diha nga manlimbasug ako sa paglusad, adunay lain nga makauna kanako sa pag-ubog."
cebuano_ang_biblia_pinadayag@John:5:8 @ Ug si Jesus miingon kaniya, "Bumangon ka, dad-a ang imong higdaan, ug lumakaw ka."
cebuano_ang_biblia_pinadayag@John:5:9 @ Ug dihadiha ang tawo naayo, ug gidala niya ang iyang higdaan ug milakaw.
cebuano_ang_biblia_pinadayag@John:5:10 @ Tungod niana ang mga Judio miingon sa tawo nga naayo, "Adlaw karon nga igpapahulay, ug ginadili kanimo ang pagdaladala mo sa imong higdaan."
cebuano_ang_biblia_pinadayag@John:5:11 @ Apan siya mitubag kanila, "Ang tawo nga nag-ayo kanako miingon kanako, `Dad-a ang imong higdaan ug lumakaw ka.'"
cebuano_ang_biblia_pinadayag@John:5:12 @ Ug sila nangutana kaniya, "Kinsa bang tawhana ang nag-ingon kanimo, `Dad-a ang imong higdaan ug lumakaw ka'?"
cebuano_ang_biblia_pinadayag@John:5:13 @ Apan ang tawo nga giayo wala mahibalog kinsa, sanglit si Jesus milikay na man tungod sa panon sa katawhan niadtong dapita.
cebuano_ang_biblia_pinadayag@John:5:14 @ Human niini, gikahibalag siya ni Jesus sa sulod sa templo, ug si Jesus miingon kaniya, "Tan-awa, maayo na ikaw! Ayaw na pagpakasala aron dili mahitabo kanimo ang labi pang mangil-ad."
cebuano_ang_biblia_pinadayag@John:5:15 @ Ug ang tawo milakaw ug iyang gisuginlan ang mga Judio nga ang nag-ayo kaniya mao si Jesus.