John:5:31-47
gae@John:5:31 @ My ta mee gymmyrkey feanish jee'm pene, cha vel my eanish firrinagh.
gae@John:5:32 @ Ta fer elley ta gymmyrkey feanish jee'm, as ta fys aym dy vel yn eanish t'eh dy ymmyrkey jee'm firrinagh.
gae@John:5:33 @ Hug shiuish fys gys Ean, as dymmyrk eh feanish gys yn irriney.
gae@John:5:34 @ Agh cha vel mish goaill fenish veih dooinney: agh shoh ta mee dy ghra, dy vod shiu v'er nyn sauail.
gae@John:5:35 @ V'eshyn ny hoilshey gial as sollys: as va shiu booiagh son earish boggey 'ghoaill ayns y soilshey echey.
gae@John:5:36 @ Agh ta feanish stroshey aym's na Ean: son ny obbraghyn hug my Ayr dou dy chooilleeney, ny obbraghyn cheddin ta mee dy yannoo, t'ad gymmyrkey feanish jee'm, dy vel yn Ayr er my choyrt.
gae@John:5:37 @ As ta'n Ayr hene t'er my choyrt, er n'ymmyrkey feanish jee'm. Cha vel shiuish er chlashtyn e choraa ec traa erbee, ny er vakin e chaslys.
gae@John:5:38 @ As cha vel eu yn goo echeysyn tannaghtyn ayndiu: son eshyn t'eh er choyrt, aynsyn cha vel shiu credjal.
gae@John:5:39 @ Ronsee-jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem's.
gae@John:5:40 @ As cha vel shiu booiagh cheet hym's, dy vod yn vea y ve eu.
gae@John:5:41 @ Cha vel mish soiaghey jeh ooashley deiney.
gae@John:5:42 @ Agh ta toiggal aym jiuish, nagh vel graih Yee ayndiu.
gae@John:5:43 @ Ta mish er jeet ayns ennym my Ayrey, as cha vel shiu goaill rhym: my hig fer elley ayns e ennym hene, rishyn nee shiu goaill.
gae@John:5:44 @ Kys oddys shiuish credjal ta geddyn ooashley yn derrey yeh veih yn jeh elley, as nagh vel shirrey yn ooashley ta veih Jee ny lomarcan?
gae@John:5:45 @ Ny smooinee-jee dy jean-yms plaiynt erriu gys yn Ayr: ta ayn ta plaiynt nyn 'oi eu, eer Moses, ayn ta shiu treishteil.
gae@John:5:46 @ Son dy beagh shiu er chredjal Moses, veagh shiu er chredjal aynym's; son scrieu eh jeem's.
gae@John:5:47 @ Agh mannagh gred shiu ny screeuyn echeysyn, kys nee shiu credjal ny goan aym's?
![[pBiblx2]](/img/pbiblx2_logo3.png){kind=logo}