John:6:1-15
gae@John:6:1 @ NY lurg shoh hie Yeesey harrish faarkey Ghalilee, ny Tiberias.
gae@John:6:2 @ As deiyr earroo mooar dy leih er, er-y-fa dy vaik ad ny mirrilyn ren eh orroosyn va doghanit.
gae@John:6:3 @ As hie Yeesey seose er slieau, as hoie eh ayns shen marish e ostyllyn.
gae@John:6:4 @ As va'n Chaisht, feailley ny Hewnyn er gerrey.
gae@John:6:5 @ Tra va Yeesey eisht er hroggal seose e hooillyn, as fakin earroo mooar dy leih cheet huggey, dooyrt eh rish Philip, Cre-voish oddys mayd arran y chionnaghey, dy yannoo magh ad shoh?
gae@John:6:6 @ (As shoh dooyrt eh dy phrowal eh: son v'eh hene kiarit cre dy yannoo.)
gae@John:6:7 @ Dreggyr Philip eh, Cha bee feeagh daa cheead ping dy arran dy liooar daue, dy vod dagh unnane oc kuse y ghoaill.
gae@John:6:8 @ Dooyrt fer jeh ny ostyllyn echey, Andreays, braar Simon Peddyr, rish,
gae@John:6:9 @ Ta scollag ayns shoh ta queig bwilleenyn oarn echey, as daa eeast veggey; agh cre t'ad shen mastey whilleen?
gae@John:6:10 @ As dooyrt Yeesey, Cur-jee er ny deiney soie sheese. Nish va lane faiyr ayns yn ynnyd. Myr shen hoie ny deiney sheese ayns earroo mysh queig thousaneyn.
gae@John:6:11 @ As ghow Yeesey ny bwilleenyn, as tra v'eh er chur booise, rheynn eh ad er e ostyllyn, as rheynn adsyn ad orroosyn myr v'ad soie; as myrgeddin jeh ny eeastyn wheesh as bailloo.
gae@John:6:12 @ Tra v'ad jeant magh, dooyrt eh rish e ostyllyn, Jean-jee yn vrooilliagh ta er-mayrn y haglym cooidjagh nagh bee nhee erbee caillit.
gae@John:6:13 @ Er shen ren ad eh y haglym, as lhieen ad daa vaskad jeig lesh fooilliagh ny queig bwilleenyn oarn, va er-mayrn erreish daue v'er n'ee.
gae@John:6:14 @ Eisht dooyrt ny deiney shen, tra v'ad er vakin y mirril va Yeesey er n'yannoo
gae@John:6:15 @ Tra dennee Yeesey er-y-fa shen dy darragh ad, as dy goghe ad eh er-niart, dy yannoo eh ny ree, hie eh seose reesht er slieau eh-hene ny-lomarcan.
![[pBiblx2]](/img/pbiblx2_logo3.png){kind=logo}