John:9:1-41
alb@John:9:1 @ Kur po kalonte, pa një njeri që ishte i verbër që nga lindja.
alb@John:9:2 @ Dhe dishepujt e tij e pyetën duke thënë: ``Mësues, kush ka mëkatuar, ai apo prindërit e tij, që ai ka lindur i verbër?``.
alb@John:9:3 @ Jezusi u përgjigj: ``As ai, as prindërit e tij s`kanë mëkatuar, por kjo ndodhi që tek ai të dëftohen veprat e Perëndisë.
alb@John:9:4 @ Unë duhet t`i kryej veprat e atij që më ka dërguar sa është ditë; vjen nata kur askush nuk mund të veprojë.
alb@John:9:5 @ Derisa jam në botë, unë jam drita e botës``.
alb@John:9:6 @ Pasi kishte thënë këto gjëra, pështyu përdhe, bëri baltë me pështymë dhe leu sytë e të verbrit me të.
alb@John:9:7 @ Pastaj i tha: ``Shko, lahu në pellgun e Siloamit`` (që do të thotë: dërguar); dhe ai shkoi atje, u la dhe u kthye duke parë.
alb@John:9:8 @ Atëherë fqinjtë dhe ata që më parë e kishin parë të verbër, thanë: ``A s`është ky ai që rrinte ulur dhe lypte?``.
alb@John:9:9 @ Disa thoshnin: ``Ai është``. Të tjerë: ``I përngjan atij``. Dhe ai thoshte: ``Unë jam``.
alb@John:9:10 @ I thanë pra: ``Si të janë hapur sytë?``.
alb@John:9:11 @ Ai u përgjigj dhe tha: ``Një njeri, që quhet Jezus, ka bërë baltë, m`i leu sytë dhe më tha: "Shko te pellgu i Siloamit dhe lahu". Dhe unë shkova atje, u lava dhe m`u kthye drita e syve``.
alb@John:9:12 @ Dhe ata i thanë: ``Ku është ai?``. Ai u përgjigj: ``Nuk e di``.
alb@John:9:13 @ Atëherë ata e çuan te farisenjtë atë që më parë kishte qenë i verbër.
alb@John:9:14 @ Dhe ishte e shtunë kur Jezusi bëri baltën dhe ia hapi sytë.
alb@John:9:15 @ Edhe farisenjtë, pra, e pyesnin përsëri si e fitoi dritën e syve. Dhe ai u tha atyre: ``Më vuri baltë mbi sy, u lava dhe shoh``.
alb@John:9:16 @ Atëherë disa farisenj thanë: ``Ky njeri nuk është nga Perëndia, sepse nuk e respekton të shtunën!``. Të tjerë thoshnin: ``Si mund të kryejë shenja të tilla një njeri mëkatar?``. Dhe kishte përçarje midis tyre.
alb@John:9:17 @ E pyetën, pra, përsëri të verbrin: ``Po ti, ç`thua për atë për faktin që t`i ka hapur sytë?``. Ai tha: ``Éshtë një profet``.
alb@John:9:18 @ Por Judenjtë nuk besuan se ai kishte qenë i verbër dhe se kishte fituar dritën e syve, derisa thirrën prindërit e atij që kishte fituar dritën e syve.
alb@John:9:19 @ Dhe i pyetën ata: ``A është ky djali juaj, për të cilin ju thoni se ka lindur i verbër? Vallë si sheh tani?``.
alb@John:9:20 @ Prindërit e tij, duke u përgjigjur atyre, thanë: ``E dimë se ky është djali ynë dhe se ka lindur i verbër,
alb@John:9:21 @ por ne nuk dimë se si sheh tani ose se kush ia ka hapur sytë; pyeteni atë; ai moshë ka, do t`ju flasë për veten e vet``.
alb@John:9:22 @ Këto thanë prindërit e tij, sepse kishin frikë nga Judenjtë; sepse Judenjtë kishin vendosur që, nëse dikush do ta rrëfente Jezusin si Krishti, do të përjashtohej nga sinagoga.
alb@John:9:23 @ Prandaj prindërit e tij thanë: ``Moshë ka, pyeteni atë``.
alb@John:9:24 @ Atëherë ata e thirrën përsëri njeriun që kishte qenë i verbër dhe i thanë: ``Jepi lavdi Perëndisë; ne e dimë se ai njeri është mëkatar``.
alb@John:9:25 @ Ai atëherë u përgjigj dhe tha: ``Në është mëkatar, nuk e di, por di një gjë, që isha i verbër dhe tani shoh``.
alb@John:9:26 @ E pyetën përsëri: ``Ç`të bëri? Si t`i ka hapur sytë?``.
alb@John:9:27 @ Ai u përgjigj atyre: ``Unë tashmë ua kam thënë dhe ju nuk keni dëgjuar; pse doni ta dëgjoni përsëri? Doni ndoshta të bëheni edhe ju dishepuj të tij?``.
alb@John:9:28 @ Por ata e fyen dhe thanë: ``Ti je dishepull i tij, por ne jemi dishepuj të Moisiut!
alb@John:9:29 @ Ne e dimë se Perëndia i foli Moisiut; sa për atë, nuk e dimë se nga është``.
alb@John:9:30 @ Ai njeri u përgjigj dhe u tha atyre: ``E pra, është e çuditshme që ju të mos dini nga është ai; megjithatë ai m`i hapi sytë!
alb@John:9:31 @ Dhe ne e dimë se Perëndia nuk i dëgjon mëkatarët, por nëse dikush është i druajtshëm ndaj Perëndisë dhe bën vullnetin e tij, ai atë e dëgjon!
alb@John:9:32 @ Që prej fillimit të botës nuk është dëgjuar që dikush t`ia ketë hapur sytë një të linduri të verbër.
alb@John:9:33 @ Po të mos ishte ky nga Perëndia, nuk do të mund të bënte asgjë``.
alb@John:9:34 @ Ata u përgjigjën dhe i thanë: ``Ti ke lindur i tëri në mëkate e don të na mësosh?``. Dhe e nxorën jashtë.
alb@John:9:35 @ Jezusi e mori vesh se e nxorën jashtë dhe, kur e gjeti, i tha: ``A beson ti në Birin e Perëndisë?``.
alb@John:9:36 @ Ai u përgjigj dhe tha: ``Kush është, Zot, që unë të besoj në të?``.
alb@John:9:37 @ Dhe Jezusi i tha: ``Ti e ke parë; është pikërisht ai që po të flet``.
alb@John:9:38 @ Atëherë ai tha: ``Unë besoj, o Zot``; dhe e adhuroi.
alb@John:9:39 @ Pastaj Jezusi tha: ``Unë kam ardhur në këtë botë për të bërë një gjyq, që ata që nuk shohin të shohin dhe ata që shohin të verbohen``.
alb@John:9:40 @ Disa nga farisenjtë që ishin me të i dëgjuan këto gjëra dhe i thanë: ``Jemi të verbër edhe ne?``.
alb@John:9:41 @ Jezusi u përgjigj atyre: ``Po të ishit të verbër, nuk do të kishit asnjë mëkat; por tani thoni: "Ne shohim", prandaj mëkati juaj mbetet``.
![[pBiblx2]](/img/pbiblx2_logo3.png){kind=logo}