cebuano_ang_biblia_pinadayag Luke:12:1-12
cebuano_ang_biblia_
pinadayag@Luke:12:1 @ ΒΆ Sa maong higayon, sa nagkatigum ang linibo sa mga panon sa katawhan nga tungod niana nagkatumbanay sila ang usa sa usa, si Jesus misugod sa pagsulti ngadto una sa iyang mga tinun-an, "Likayi ninyo ang igpapatubo sa mga Fariseo, nga mao ang pagkamaut.
cebuano_ang_biblia_pinadayag@Luke:12:2 @ Walay tinabonan nga dili pagaukban, o tinagoan nga dili mahibaloan.
cebuano_ang_biblia_pinadayag@Luke:12:3 @ Ang inyong gipamulong diha sa ngitngit madungog ra unya diha sa hayag; ug ang inyong gihunghong sulod sa mga lawak nga tinakpan, kini igamantala ra unya diha sa ibabaw sa mga atop.
cebuano_ang_biblia_pinadayag@Luke:12:4 @ "Ingnon ko kamo, mga higala ko, ayaw ninyo kalisangi sila nga mopatay sa lawas, ug tapus niana wala nay lain pa nga arang nila mahimo.
cebuano_ang_biblia_pinadayag@Luke:12:5 @ Apan pasidan-an ko kamo kon kinsay angay ninyong kahadlokan: kahadloki ninyo siya nga, tapus siya makapatay, may gahum sa pagtambog ngadto sa infierno, oo, ingnon ko kamo, siya ang kahadloki ninyo!
cebuano_ang_biblia_pinadayag@Luke:12:6 @ Dili ba ang lima ka gagmayng langgam ginabaligya man ug duha ka daku lamang? Ngani walay usa kanila nga mahikalimtan sa atubangan sa Dios.
cebuano_ang_biblia_pinadayag@Luke:12:7 @ Bisan gani ang mga buhok sa inyong ulo naisip na ang tanan. Ayaw kamo kahadlok, kay kamo labaw pa ug bili kay sa daghang mga gagmayng langgam.
cebuano_ang_biblia_pinadayag@Luke:12:8 @ "Ug sultihan ko kamo, nga ang tanang moila kanako sa atubangan sa mga tawo pagailhon usab sa Anak sa Tawo sa atubangan sa mga manolunda sa Dios;
cebuano_ang_biblia_pinadayag@Luke:12:9 @ apan ang dili moila kanako sa atubangan sa mga tawo dili pagailhon sa atubangan sa mga manolunda sa Dios.
cebuano_ang_biblia_pinadayag@Luke:12:10 @ Ug ang matag-usa nga magasultig batok sa Anak sa Tawo, siya mapasaylo; apan ang magapasipalag sulti batok sa Espiritu Santo, siya dili gayud pasayloon.
cebuano_ang_biblia_pinadayag@Luke:12:11 @ Ug sa diha nga pagataralon na kamo sa atubangan sa mga sinagoga ug sa mga punoan ug sa mga magbubuot, ayaw kamo pagkalibog kon unsaon o unsay inyong igatubag, o unsay inyong igasulti;
cebuano_ang_biblia_pinadayag@Luke:12:12 @ kay ang Espiritu Santo magatudlo ra kaninyo niadtong taknaa kon unsay kinahanglan inyong igasulti."
![[pBiblx2]](/img/pbiblx2_logo3.png){kind=logo}