cebuano_ang_biblia_pinadayag Luke:12:35-48
cebuano_ang_biblia_
pinadayag@Luke:12:35 @ "Baksi ang inyong mga hawak ug pasigaa ang inyong mga suga,
cebuano_ang_biblia_pinadayag@Luke:12:36 @ ug magpakasama kamo sa mga tawo nga nagapaabut sa ilang agalon sa iyang pagpauli gikan sa kombira sa kasal, aron inig-abut ug inigtuktok niya siya ilang kaablihan dihadiha.
cebuano_ang_biblia_pinadayag@Luke:12:37 @ Bulahan kadtong mga ulipona nga inig-abut sa agalon iyang mahiabtan nga managtukaw; sa pagkatinuod, magaingon ako kaninyo, nga magbakus siya sa iyang kaugalingon, ug iyang agdahon sila sa pagpanglingkod tambong sa kananan, ug moduol siya sa pagsilbi kanila.
cebuano_ang_biblia_pinadayag@Luke:12:38 @ Kon moabut siya sa ikaduhang tukaw, o sa ikatulong tukaw, ug iyang makaplagan sila sa ingon, bulahan ang maong mga ulipon!
cebuano_ang_biblia_pinadayag@Luke:12:39 @ Apan hibaloi ninyo kini, nga kon ang pangulo sa panimalay nasayud pa unsang taknaa ang iabut sa kawatan, magtukaw unta siya ug dili niya tugotan nga pagasak-on ang iyang balay.
cebuano_ang_biblia_pinadayag@Luke:12:40 @ Kamo usab kinahanglan mangandam, kay ang Anak sa Tawo moabut sa takna nga wala ninyo huna-hunaa."
cebuano_ang_biblia_pinadayag@Luke:12:41 @ ΒΆ Ug si Pedro miingon, "Ginoo, gisugilon mo ba kining sambingaya alang kanamo o alang ba sa tanan?"
cebuano_ang_biblia_pinadayag@Luke:12:42 @ Ug ang Ginoo mitubag, "Nan, kinsa ba ang kasaligan ug manggialamon nga piniyalan nga igatudlo sa iyang agalon sa pagdumala sa iyang panimalay, sa paghatag kanila sa ilang bahin sa pagkaon sa hustong panahon?
cebuano_ang_biblia_pinadayag@Luke:12:43 @ Bulahan kadtong ulipona nga sa pag-abut sa iyang agalon mahiabtan nga magabuhat sa ingon.
cebuano_ang_biblia_pinadayag@Luke:12:44 @ Sa pagkatinuod, magaingon ako kaninyo, nga siya igatudlo niya sa pagdumala sa iyang tanang katigayonan.
cebuano_ang_biblia_pinadayag@Luke:12:45 @ Apan kon ang maong ulipon magaingon sa iyang kaugalingon, `Madugay pang mopauli kadtong akong agalon,' ug unya mosugod siya sa pagpamospos sa mga ulipong lalaki ug babaye, ug sa pagkaon ug pag-inom ug paghuboghubog,
cebuano_ang_biblia_pinadayag@Luke:12:46 @ ang agalon sa maong ulipon moabut ra sa adlaw nga wala siya magpaabut kaniya ug sa takna nga wala niya hibaloi, ug iyang pagasilotan siya ug ibutang niya ipon sa mga dili kasaligan.
cebuano_ang_biblia_pinadayag@Luke:12:47 @ Ug ang ulipon nga nasayud sa pagbuot sa iyang agalon, apan wala mangandam o wala magbuhat sumala sa iyang pagbuot, mahiagum sa hilabihan nga pagbunal.
cebuano_ang_biblia_pinadayag@Luke:12:48 @ Apan siya nga wala masayud niini, ug nagbuhat sa angay sa bunal, mahiagum sa diyotay nga pagbunal. Ang matag-usa nga gikahatagan ug daghan, pagapangayoan ug daghan; ug kaniya nga sa mga tawo gikapiyalan ug daghan, kinahanglanon nila ang labaw pa.
![[pBiblx2]](/img/pbiblx2_logo3.png){kind=logo}