Luke:14:1-14
alb@Luke:14:1 @ Dhe ndodhi që një ditë të shtunë, kur ai hyri në shtëpinë e një kryetari të farisenjve për të ngrënë bukë, ata po e përgjonin;
alb@Luke:14:2 @ dhe ja, para tij ishte një njeri hidropik.
alb@Luke:14:3 @ Dhe Jezusi, duke iu përgjigjur mësuesve të ligjit dhe farisenjve, tha: ``A është e lejueshme të shërosh ditën e shtunë?``.
alb@Luke:14:4 @ Por ata heshtën. Atëherë ai e mori për dore atë, e shëroi dhe e nisi të shkojë.
alb@Luke:14:5 @ Pastaj, duke iu përgjigjur atyre, tha: ``Cili nga ju, po t`i bjerë gomari i vet ose kau në një pus, nuk e nxjerr menjëherë jashtë ditën e shtunë?``.
alb@Luke:14:6 @ Por ata nuk mund të përgjigjeshin asgje për këto gjëra.
alb@Luke:14:7 @ Dhe, duke vënë re se ata zgjidhnin vendet e para në tryezë, Jezusi u thoshte atyre këtë shëmbëlltyrë duke thënë:
alb@Luke:14:8 @ ``Kur je ftuar në dasmë, mos u ul në krye të vendit, sepse ai njeri mund të ketë ftuar një tjetër që është më i rëndësishëm se ti,
alb@Luke:14:9 @ dhe ai që të ftoi ty dhe atë të të mos vijë e të thotë: "Lëshoja vendin këtij". Dhe atëherë ti, plot turp, do të shkosh të zësh vendin e fundit.
alb@Luke:14:10 @ Por, kur je ftuar, shko e rri në vendin e fundit që, kur të vijë ai që të ka ftuar, të thotë: "O mik, ngjitu më lart". Atëherë do të jesh i nderuar përpara atyre që janë në tryezë bashkë me ty.
alb@Luke:14:11 @ Sepse kushdo që e larton veten do të poshterohet, dhe kush e poshtëron veten do të lartohet``.
alb@Luke:14:12 @ Ai i tha edhe atij që e kishte ftuar: ``Kur shtron drekë a darkë, mos i thirr miqtë e tu, as vëllezërit e tu, as farefisin tënd, as fqinjët e pasur, se mos ata një herë të të ftojnë ty, dhe kështu ta kthejnë shpërblimin.
alb@Luke:14:13 @ Por, kur të bësh një gosti, thirr lypësit, sakatët, të çalët, të verbërit;
alb@Luke:14:14 @ dhe do të jesh i lum, sepse ata nuk kanë se si të ta kthejnë shpërblimin; por shpërblimi do të të jepet në ringjallje të të drejtëve``.
![[pBiblx2]](/img/pbiblx2_logo3.png){kind=logo}