Luke:17:20-37
gae@Luke:17:20 @ As tra denee ny Phariseeyn jeh, cre'n traa harragh reeriaght Yee? dreggyt eh ad, gra, Cha jig reeriaght Yee lesh stayd chronnal.
gae@Luke:17:21 @ Chamoo jir ad, Jeeagh shoh, ny jeeagh shid: son cur-my-ner, ta reeriaght Yee cheu-sthie jeu.
gae@Luke:17:22 @ As dooyrt eh rish e ostyllyn, Hig y traa dy bee shiu aignagh dy akin unnane jeh laghyn Mac y dooinney, as cha vaik shiu eh.
gae@Luke:17:23 @ As jir ad riu, jeeagh-jee ayns shoh, as jeeagh-jee ayns shid: ny roie-jee geiyrt orroo, as ny lhian-jee roo
gae@Luke:17:24 @ Son myr ta'n tendreil soilshean veih ard dy ard fo yn aer: myr shen myrgeddin vees Mac y dooinney ayns y laa echeysyn.
gae@Luke:17:25 @ Agh hoshiaght shegin da ymmodee seaghyn y hurranse, as ve beg soit jeh liorish y sheeloghe shoh.
gae@Luke:17:26 @ As myr ve rish lhing Noe, shen myr vees eh neesht ayns laghyn Mac y dooinney.
gae@Luke:17:27 @ V'ad gee, v'ad giu, v'ad poosey, v'ad er nyn goyrt ayns poosey, derrey'n laa hie Noe stiagh ayns yn arg: as haink y thooilley as vaih eh ad ooilley.
gae@Luke:17:28 @ As er yn aght cheddin myr ve ayns laghyn Lot, v'ad gee, v'ad giu v'ad kionnaghey, v'ad creck, v'ad soiaghey biljyn, v'ad troggal thieyn:
gae@Luke:17:29 @ Agh er yn eer laa hie Lot magh ass Sodom, gheayrt neose orroo aile as brimstone veih niau, as ren eh ad ooilley y stroie:
gae@Luke:17:30 @ Eer er yn aght cheddin vees eh er y laa vees yn Mac dooinney er ny hoilshaghey.
gae@Luke:17:31 @ Ayns y laa shen, eshyn vees er mullagh y thie, as e chooid sthie, ny lhig da cheet neose dy chur lesh eh: as eshyn ta ayns y vagher, ny lhig dasyn myrgeddin chyndaa back
gae@Luke:17:32 @ Cooinee-jee er ben Lot.
gae@Luke:17:33 @ Quoi-erbee ta shirrey e vioys y hauail caillee eh eh: as quoi-erbee nee e vioys y choayl, saue-ee eh eh.
gae@Luke:17:34 @ Ta mee ginsh diu, ayns yn oie shen dy bee daa ghooinney ayns un lhiabbee: as bee yn derrey yeh goit, as y jeh elley faagit.
gae@Luke:17:35 @ Bee daa ven blieh cooidjagh, bee yn derrey yeh goit, as y jeh elley faagit.
gae@Luke:17:36 @ Bee daa ghooinney ayns y vagher; bee yn derrey yeh goit, as y jeh elley faagit.
gae@Luke:17:37 @ As dreggyr ad, as dooyrt ad rish, C'raad, Hiarn? As dooyrt eshyn roo, Raad erbee dy vel yn convayrt, shen-y-raad vees ny urlee er nyn jaglym cooidjagh.
![[pBiblx2]](/img/pbiblx2_logo3.png){kind=logo}