Luke:18:35-43
gae@Luke:18:35 @ As haink eh gy-kione, tra v'eh er jeet er gerrey da Jericho, dy row dooinney doal dy row ny hoie rish lhiattee yn raad, shirrey jeirk.
gae@Luke:18:36 @ As tra cheayll eh yn pobble goll shaghey, denee eh cre v'ayn.
gae@Luke:18:37 @ As dinsh ad da, dy row Yeesey dy Nazateth goll shaghey.
gae@Luke:18:38 @ As dyllee eh, gra, Yeesey, vac Ghavid, jean myghin orrym.
gae@Luke:18:39 @ As hug y vooinjer hie roish oghsan da dy ve ny-host: agh dyllee eshyn wheesh shen smoo, Vac Ghavid, jean myghin orrym.
gae@Luke:18:40 @ As hass Yeesey, as doardee eh yn dooinney dy ve er ny choyrt lesh huggey: as tra v'eh er jeet er-gerrey, denee eh jeh,
gae@Luke:18:41 @ Gra, Cre bailt mee dy yannoo er dy hon? As dooyrt eh, Hiarn, dy voddym my hoilshey y gheddyn.
gae@Luke:18:42 @ As doogrt Yeesey rish, Dty hoilshey dy row ayd: ta dty chredjue er dty hauail.
gae@Luke:18:43 @ As chelleeragh hooar eh e hoilshey, as deiyr eh er, cur gloyr da Jee: ooilley yn pobble, tra honnick ad eh, hug ad moylley da Jee.
![[pBiblx2]](/img/pbiblx2_logo3.png){kind=logo}