Luke:18:9-14
vul@Luke:18:9 @ dixit autem et ad quosdam qui in se confidebant tamquam iusti et aspernabantur ceteros parabolam istam
vul@Luke:18:10 @ duo homines ascenderunt in templum ut orarent unus Pharisaeus et alter publicanus
vul@Luke:18:11 @ Pharisaeus stans haec apud se orabat Deus gratias ago tibi quia non sum sicut ceteri hominum raptores iniusti adulteri vel ut etiam hic publicanus
vul@Luke:18:12 @ ieiuno bis in sabbato decimas do omnium quae possideo
vul@Luke:18:13 @ et publicanus a longe stans nolebat nec oculos ad caelum levare sed percutiebat pectus suum dicens Deus propitius esto mihi peccatori
vul@Luke:18:14 @ dico vobis descendit hic iustificatus in domum suam ab illo quia omnis qui se exaltat humiliabitur et qui se humiliat exaltabitur
![[pBiblx2]](/img/pbiblx2_logo3.png){kind=logo}