alb Luke:19:11-27
alb@Luke:19:11 @ Dhe, ndërsa ata po i dëgjonin këto, Jezusi vazhdoi të tregojë një shëmbëlltyrë, sepse ai ishte afër Jeruzalemit dhe ata mendonin se mbretëria e Perëndisë do të shfaqej menjëherë.
alb@Luke:19:12 @ Tha, pra: ``Një njeri fisnik shkoi në një vend të largët për të marrë në dorëzim një mbretëri e pastaj të kthehej.
alb@Luke:19:13 @ Dhe, si i thirri dhjetë shërbëtorët e vet, u dha dhjetë mina dhe u tha atyre: "Tregtoni deri sa të kthehem".
alb@Luke:19:14 @ Por qytetarët e vet e urrenin dhe i dërguan pas një përfaqësi duke thënë: "Nuk duam që ky të mbretërojë përmbi ne".
alb@Luke:19:15 @ Dhe kur ai u kthye, pasi e mori në dorëzim mbretërinë, urdhëroi t`i thërresin ata shërbëtorët, të cilëve u kishte dhënë paratë për të marrë vesh sa kishte fituar secili duke tregtuar.
alb@Luke:19:16 @ Atëherë doli i pari dhe tha: "Zot, mina jote dha dhjetë mina të tjera";
alb@Luke:19:17 @ dhe ai tha: "Mirë, o shërbëtor i mirë, sepse ke qenë besnik në gjëra të vogëla, merr sundimin mbi dhjetë qytete".
alb@Luke:19:18 @ Pastaj erdhi i dyti duke thënë: "Zot, mina jote dha edhe pesë mina";
alb@Luke:19:19 @ dhe ai i tha edhe këtij: "Edhe ti ji sundimtar mbi pesë qytete".
alb@Luke:19:20 @ Atëherë erdhi një tjetër i cili tha: "Zot, ja mina jote që e ruajta në një shami,
alb@Luke:19:21 @ sepse kisha frikë nga ti, që je njeri i rreptë; ti merr atë që nuk ke vënë dhe korr atë që nuk ke mbjellë".
alb@Luke:19:22 @ Dhe zoti i tij i tha: "Do të të gjykoj nga vetë fjalët e tua, o shërbëtor i keq; ti e dije se jam njeri i rreptë, që marr atë që nuk kam vënë dhe korr atë që nuk kam mbjellë;
alb@Luke:19:23 @ përse nuk e vure paranë time në bankë që, kur të kthehem, ta marr bashkë me përqindje?".
alb@Luke:19:24 @ Pastaj u tha të pranishmëve: "Merrjani minën dhe ia jepni atij që ka dhjetë mina".
alb@Luke:19:25 @ Dhe ata i thanë: "Zot, po ai ka dhjetë mina".
alb@Luke:19:26 @ Unë po ju them se atij që ka, do t`i jepet; por atij që s`ka do t`i hiqet edhe ajo që ka.
alb@Luke:19:27 @ Veç kësaj, i sillni këtu armiqtë e mi, të cilët nuk donin që unë të mbretëroja mbi ta dhe i vritni përpara meje!"``.
![[pBiblx2]](/img/pbiblx2_logo3.png){kind=logo}