vul Luke:20:20-26
vul@Luke:20:20 @ et observantes miserunt insidiatores qui se iustos simularent ut caperent eum in sermone et traderent illum principatui et potestati praesidis
vul@Luke:20:21 @ et interrogaverunt illum dicentes magister scimus quia recte dicis et doces et non accipis personam sed in veritate viam Dei doces
vul@Luke:20:22 @ licet nobis dare tributum Caesari an non
vul@Luke:20:23 @ considerans autem dolum illorum dixit ad eos quid me temptatis
vul@Luke:20:24 @ ostendite mihi denarium cuius habet imaginem et inscriptionem respondentes dixerunt Caesaris
vul@Luke:20:25 @ et ait illis reddite ergo quae Caesaris sunt Caesari et quae Dei sunt Deo
vul@Luke:20:26 @ et non potuerunt verbum eius reprehendere coram plebe et mirati in responso eius tacuerunt