Luke:22:7-38
gae@Luke:22:7 @ Eisht haink laa yn arran-millish, tra va'n Eayn-caisht dy ve er ny varroo.
gae@Luke:22:8 @ As hug eh magh Peddyr as Ean, gra, Immee-jee, as aarlee-jee yn Eayn-caisht dy vod mayd gee.
gae@Luke:22:9 @ As dooyrt ad rish, C'raad sailt shin dy yannoo aarloo?
gae@Luke:22:10 @ As dooyrt eh roo, Cur-my-ner, tra vees shiu er gholl stiagh ayns yn ard valley hig dooinney nyn guail lesh saagh-craie dy ushtey; eiyr-jee er gys y thie hed eh stiagh ayn.
gae@Luke:22:11 @ As abbyr-jee tish y fer-thie, Ta'n mainshter gra rhyt, Cre vel shamyr ny goaldee, raad nee'm yn Eayn-caisht y ee marish my ostyllyn?
gae@Luke:22:12 @ As jeeaghee eh diu ard-room mooar vees soit magh: ayns shen jean-jee aarloo.
gae@Luke:22:13 @ As hie ad as hooar ad myr v'eh er ghra roo: as daarlee ad yn Eayn-caisht.
gae@Luke:22:14 @ As tra va'n oor er jeet, hoie eh sheese as y daa ostyl yeig marish.
gae@Luke:22:15 @ As dooyrt eh roo, Lesh yeearree jeean ta mee er ve aignagh yn Eayn-caisht shoh y ee meriu roish my jean-ym surranse.
gae@Luke:22:16 @ Son ta mee gra riu, Nagh n'ee-ym maghey shoh jeh, derrey vees eh cooilleenit ayns reeriaght Yee
gae@Luke:22:17 @ As ghow eh yn cappan, as hug eh booise, as dooyrt eh, Gow-jee shoh, as rheynn-jee eh ny mast' eu hene.
gae@Luke:22:18 @ Son ta mee gra riu, Nagh n'iu-ym jeh mess y villey-feeyney, derrey hig reeriaght Yee.
gae@Luke:22:19 @ As ghow eh arran, as hug eh booise, as vrish eh eh, as hug eh eh daue, gra, Shoh my chorp t'er ny choyrt er nyn son eu shoh jean-jee ayns cooinaghtyn jeem's.
gae@Luke:22:20 @ As er yn aght cheddin yn cappan lurg shibber, gra, Yn cappan shoh yn conaant noa ayns my uill's, t'er ny gheayrtey er ny son eu.
gae@Luke:22:21 @ Agh cur-my-ner, ta'n laue echeysyn ta dy my vrah, marym er y voayrd.
gae@Luke:22:22 @ As dy firrinagh ta'n Mac dooinney goll myr ve kiarit: agh smerg da'n dooinney shen liorish t'eh er ny vrah.
gae@Luke:22:23 @ As ren ad toshiaght dy vriaght nyn mast' oc hene, quoi jeu yinnagh shoh.
gae@Luke:22:24 @ Nish va streeu myrgeddin nyn mast' oc, quoi jeu syrjey veagh coontit.
gae@Luke:22:25 @ As dooyrt eh roo, Ta reeaghyn ny Ashoonee gymmyrkey reill harrystoo: as as t'adsyn t'ayns pooar nyn mastey, enmyssit deiney ooasle.
gae@Luke:22:26 @ Agh cha bee shiuish myr shen: agh quoi-erbee shinney ta nyn mast eu, lhig da ve myr y fer saa; as eshyn syrjey ta, myr y fer ta shirveish.
gae@Luke:22:27 @ Son quoi syrjey, eshyn ta ny hoie ec bee, ny'n fer ta shirveish? nagh nee eshyn ta ny hoie ec bee? agh ta mish nyn mast' eu myr y fer ta shirveish.
gae@Luke:22:28 @ She shiuish t'er hannaghtyn marym ayns my heaghyn.
gae@Luke:22:29 @ As ta mee pointeil diu reeriaght, myr ta my Ayr er phointeil dooys.
gae@Luke:22:30 @ Dy vod shiu gee as giu ec my voayrd ayns my reeriaght, as soie er stuill-reeoil, briwnys daa heeloghe yeig Israel.
gae@Luke:22:31 @ As dooyrt y Chiarn, Simon, Simon, cur-my-ner, ta Satan er yeearree shiuish y ghoaill, dy chreearey shiu myr curnaght:
gae@Luke:22:32 @ Agh ta mish er ghuee er dty hon's, nagh jean dty chredjue failleil; as tra vees oo er jyndaa, niartee dty vraaraghyn.
gae@Luke:22:33 @ As dooyrt eh rish, Hiarn, ta mish aarloo dy gholl mayrt chammah gys pryssoon, as gys baase.
gae@Luke:22:34 @ As dooyrt eh, Ta mee ginsh dhyt, Pheddyr roish gerrym y chellee jiu dy jean uss gobbal three keayrtyn dy nhione dhyt mee.
gae@Luke:22:35 @ As dooyrt eh roo, Tra hug mee shiu magh fegooish sporran, as spagey, as braagyn, row nhee erbee dy laccal erriu? As dooyrt ad, Cha row nhee erbee.
gae@Luke:22:36 @ Eisht dooyrt eh roo, Agh nish eshyn ta sporran echey, lhig da y ghoaill eh, as myrgeddin e spaagey: as eshyn nagh vel cliwe echey, lhig da creck e gharmad, as cliwe y chionnaghey.
gae@Luke:22:37 @ Son ta mee gra riu, Dy nhegin da shoh ny ta scruit, ve foast cooilleenit aynym's, As v'eh er ny earroo marish ny drogh yantee: son ta jerrey er ny reddyn ta my mychione's.
gae@Luke:22:38 @ As dooyrt ad, Hiarn, cur-my-ner ta daa chliwe ayns shoh. As dooyrt eh roo, Te dy liooar.
![[pBiblx2]](/img/pbiblx2_logo3.png){kind=logo}