cebuano_ang_biblia_pinadayag Luke:4:31-37
cebuano_ang_biblia_
pinadayag@Luke:4:31 @ ΒΆ Ug siya milugsong ngadto sa Capernaum, usa ka lungsod sa Galilea. Ug sa adlaw nga igpapahulay iyang gipanudloan sila;
cebuano_ang_biblia_pinadayag@Luke:4:32 @ ug nahibulong sila sa iyang pagpanudlo kay ang iyang pagpamulong inubanan man sa kagahum.
cebuano_ang_biblia_pinadayag@Luke:4:33 @ Ug sa sulod sa sinagoga didtoy tawo nga may espiritu sa usa ka mahugawng yawa; ug kini misinggit sa makusog nga tingog nga nag-ingon,
cebuano_ang_biblia_pinadayag@Luke:4:34 @ "Oy! Unsay imong labut kanamo, Jesus nga Nazaretnon? Mianhi ba ikaw aron sa paglaglag kanamo? Nakaila baya ako kon kinsa ikaw, ang Balaan sa Dios."
cebuano_ang_biblia_pinadayag@Luke:4:35 @ Apan gibadlong siya ni Jesus nga nag-ingon, "Hilum diha, ug gumula ka kaniya!" Ug ang yawa, sa gikalamba niya ang tawo diha sa ilang taliwala, migula gikan kaniya nga wala makahimo kaniyag kadaut.
cebuano_ang_biblia_pinadayag@Luke:4:36 @ Ug silang tanan nahibulong ug nanag-ingon ang usa sa usa, "Unsa ba kining pulonga? Kay uban sa pagbulot-an ug sa kagahum siya mosugo sa mga mahugawng espiritu, ug sila manggula."
cebuano_ang_biblia_pinadayag@Luke:4:37 @ Ug ang mga balita mahitungod kaniya nahisangyaw ngadto sa tanang dapit sa kasikbit nga kayutaan.