cebuano_ang_biblia_pinadayag Luke:6:17-26
cebuano_ang_biblia_
pinadayag@Luke:6:17 @ Unya milugsong siya uban kanila ug mitindog sa usa ka dapit nga patag, kinuyogan sa usa ka dakung panon sa iyang mga tinun-an ug sa hilabihan kadaghang mga tawo nga gikan sa tibuok Judea ug sa Jerusalem ug sa kabaybayonan sa Tiro ug sa Sidon, nga nanagpanugok aron sa pagpatalinghug kaniya ug sa pagpaayo gikan sa ilang mga sakit;
cebuano_ang_biblia_pinadayag@Luke:6:18 @ ug nangaayo ang mga gisakit sa mga mahugaw nga espiritu.
cebuano_ang_biblia_pinadayag@Luke:6:19 @ Ug ang tibuok panon sa katawhan naninguha sa paghikap kaniya, kay gikan kaniya may gahum nga migula ug nag-ayo kanilang tanan.
cebuano_ang_biblia_pinadayag@Luke:6:20 @ ΒΆ Unya giyahat niya ang iyang mga mata ngadto sa iyang mga tinun-an ug miingon:
cebuano_ang_biblia_pinadayag@Luke:6:21 @ "Bulahan kamong mga gigutom karon, kay pagabusgon ra unya kamo.
cebuano_ang_biblia_pinadayag@Luke:6:22 @ "Bulahan kamo sa diha nga pagadumtan kamo sa mga tawo ug pagaayran kamo ug panamastamasan kamo, ug igasalikway ang inyong ngalan ingon nga dautan, tungod sa Anak sa Tawo!
cebuano_ang_biblia_pinadayag@Luke:6:23 @ Ikalipay ninyo ang maong panahon, ug pagluksolukso kamo sa kasadya, kay tan-awa, daku ang inyong balus didto sa langit; kay ang mga profeta gibuhatan man sa ingon nga paagi sa mga ginikanan sa maong mga tawo.
cebuano_ang_biblia_pinadayag@Luke:6:24 @ "Apan alaut kamong mga dato, kay tapus na ninyo madawat ang inyong kalipay.
cebuano_ang_biblia_pinadayag@Luke:6:25 @ "Alaut kamong mga busog karon, kay panggutomon ra unya kamo.
cebuano_ang_biblia_pinadayag@Luke:6:26 @ "Alaut kamo sa diha nga ang tanang mga tawo magasultig maayo mahitungod kaninyo, kay ang mga mini nga profeta gibuhatan man sa ingon nga paagi sa mga ginikanan sa maong mga tawo.