Luke:9:28-36
gae@Luke:9:28 @ As haink eh gy-kione mygeayrt hoght laa lurg ny raaghyn shoh, dy ghow eh marish, Peddyr as Ean as Jamys, as dy jagh eh seose er slieau dy ghoaill padjer.
gae@Luke:9:29 @ As myr v'eh ayns padjer, va cummey yn eddin echey er ny chaghlaa, as va'n coamrey echey gial as follys.
gae@Luke:9:30 @ As cur-my-ner va daa ghooinney taggloo rish, ta shen dy ghra Moses as Elias:
gae@Luke:9:31 @ Haink kionfenish ayns gloyr, as loayr ad heh e vaase, v'eh dy hurranse ec Jerusalem.
gae@Luke:9:32 @ Agh haink cadley trome er Peddyr as orroosyn va marish: as tra v'ad er ghoostey, honnick ad yn ghloyr echey, as y daa ghooinney va nyn shassoo marish.
gae@Luke:9:33 @ As haink eh gy-kione myr v'ad goll dy aagail eh, dy dooyrt Peddyr rish Yeesey, Vainshter, s'mie dooin dy ve ayns shoh; as lhig dooin three cabbaneyn y yannoo, cabbane er dty hon's, as cabbane son Moses, as cabbane son Elias: s'coan toiggal cre v'eh dy ghra.
gae@Luke:9:34 @ Choud as v'eh loayrt shoh, haink bodjal lesh scadoo harrystoo: as ghow ad aggle myr va'n bodjal cheet moo.
gae@Luke:9:35 @ As haink coraa ass y vodjal, gra, Shoh my vac graihagh; eaisht-jee rishyn.
gae@Luke:9:36 @ As lurg y choraa, hooar ad Yeesey ny lomarcan: as dreill ad shoh oc hene, as cha dinsh ad da dooinney erbee ayns ny laghyn shen, veg jeh ny reddyn v'ad er vakin.
![[pBiblx2]](/img/pbiblx2_logo3.png){kind=logo}