cebuano_ang_biblia_pinadayag Matthew:14:13-21
cebuano_ang_biblia_
pinadayag@Matthew:14:13 @ ΒΆ Ug sa pagkadungog niini ni Jesus, siya mipahilit gikan didto sakay sa usa ka sakayan paingon sa usa ka dapit nga awaaw aron sa pag-inusara. Apan sa nabatian kini sa mga panon sa katawhan, giapas siya nila nga nanaglakaw gikan sa kalungsuran.
cebuano_ang_biblia_pinadayag@Matthew:14:14 @ Ug sa pagtakas ni Jesus sa mamala, nakita niya ang usa ka dakung pundok sa mga tawo; ug siya naluoy kanila ug iyang giayo ang ilang mga masakiton.
cebuano_ang_biblia_pinadayag@Matthew:14:15 @ Ug sa pagkahapon na, miduol kaniya ang mga tinun-an ug miingon, "Awaaw kining dapita dinhi, ug tapus na ang adlaw; palakta na ang mga panon sa katawhan aron mangadto sila sa mga balangay ug mamalit silag ilang makaon."
cebuano_ang_biblia_pinadayag@Matthew:14:16 @ Apan si Jesus miingon kanila, "Dili kinahanglan manglakaw sila; kamoy maghatag kanilag makaon."
cebuano_ang_biblia_pinadayag@Matthew:14:17 @ Ug sila mitubag kaniya, "Aduna lamang kitay lima ka tinapay ug duha ka isda."
cebuano_ang_biblia_pinadayag@Matthew:14:18 @ Ug siya miingon, "Dad-a nganhi kanako."
cebuano_ang_biblia_pinadayag@Matthew:14:19 @ Ug ang mga panon sa katawhan iyang gisugo sa pagpanglingkod sa mga balili. Ug sa nagkupot siya sa lima ka tinapay ug duha ka isda, miyahat siya sa langit ug nagpasalamat, ug unya iyang gipikaspikas ang mga tinapay ug gihatag niya kini ngadto sa mga tinun-an, ug ang mga tinun-an maoy nanghatag niini ngadto sa mga panon sa katawhan.
cebuano_ang_biblia_pinadayag@Matthew:14:20 @ Ug nangaon silang tanan ug nangabusog. Ug ilang gihipos ang nahibilin nga mga tipik nga napulog-duha ka bukag.
cebuano_ang_biblia_pinadayag@Matthew:14:21 @ Ug ang nangaon may mga lima ka libo ka mga lalaki, gawas sa mga babaye ug mga bata.