Matthew:15:1-20

gae@Matthew:15:1 @ Eisht haink gys Yeesey scrudeyryn as Phariseeyn veih Jerusalem, gra,

gae@Matthew:15:2 @ Cre'n-fa ta dty ostyllyn brishey oardaghyn y chanstyr? son cha vel ad niee nyn laueyn ec goaill beaghey.

gae@Matthew:15:3 @ Agh dreggyr eshyn, as dooyrt eh roo, Cre'n-oyr ta shiuish brishey sarey Yee liorish nyn oardaghyn?

gae@Matthew:15:4 @ Son hug Jee sarey, gra, Cur arrym da dty ayr as da dty voir: as, Eshyn ta gwee mollaght er ayr ny moir, lhig da ve currit dy baase.

gae@Matthew:15:5 @ Agh ta shiuish gra, Quoi-erbee jir rish ayr ny moir, Yn chooid-choonee shen oddagh uss jerkal rish voym's, te gioot er ny chasherickey gys Jee.

gae@Matthew:15:6 @ As nagh lhiass da cooney sodjey 'choyrt da e ayr ny e voir. Ta shiu myr shoh jannoo sarey Yee gyn vree liorish ny oardaghyn eu.

gae@Matthew:15:7 @ Chrauee-oalsey, s'mie ren Esaias phadeyrys jiuish, gra,

gae@Matthew:15:8 @ Ta'n pobble shoh tayrn er-gerrey dou lesh nyn meeal, as cur ooashley dou lesh nyn meillyn, agh ta'n cree oc foddey voym.

gae@Matthew:15:9 @ Agh ayns fardail t'ad cur ooashley dou, gynsaghey son y goo aym's oardaghyn deiney.

gae@Matthew:15:10 @ As deie eh er y pobble, as dooyrt eh roo, Eaisht-jee as toig-jee.

gae@Matthew:15:11 @ Cha nee shen ta goll stiagh ayns veeal ta jannoo dooinney neu-ghlen: agh ny ta cheet magh ass y veeal, shen ta jannoo neu-ghlen jeh.

gae@Matthew:15:12 @ Eisht haink e ostyllyn huggey, as dooyrt ad rish, Vel fys ayd dy rowl ny Phariseeyn jymmoosagh, tra cheayll ad raa shoh?

gae@Matthew:15:13 @ Agh dreggyr eshyn, as dooyrt eh, Bee dy chooilley villey, nagh vel my Ayr flaunyssagh er hoiaghey, er ny astyrt ass ny fraueyn.

gae@Matthew:15:14 @ Lhig-jee daue: she leeideilee doal ad ta kione y vooinjer ghoal. As my ta'n doal shooyll kione y doal, tuittee ad ny-neesht ayns y jeeg.

gae@Matthew:15:15 @ Eisht dreggyr Peddyr, as dooyrt eh rish, Soilshee dooinyn yn coraa-dorraghey shoh.

gae@Matthew:15:16 @ Dooyrt Yeesey rish, Vel shiuish neesht foast fegooish tushtey?

gae@Matthew:15:17 @ Nagh vel shiu foast toiggal, cre-erbee ta goit stiagh ayns y veeal, dy vel eh goll sheese ayns y volg, as goll magh trooid y chorp?

gae@Matthew:15:18 @ Agh ta ny reddyn ta cheet magh ass y veeal, cheet veih'n chree, as t'ad shen jannoo dooinney neu-ghlen.

gae@Matthew:15:19 @ Son magh veih'n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh

gae@Matthew:15:20 @ Ad shoh ny reddyn ta jannoo dooinney neu-ghlen: agh dy ee lesh laueyn nagh ve nieet, cha vel shen jannoo dooinney neu-ghlen.

Seeker Overlay: Off On

Bible:
Bible:
Book: