Matthew:17:14-23
gae@Matthew:17:14 @ As tra v'ad er jeet gys y cheshaght, haink huggey dooinney dy row, gliooney sheese as gra,
gae@Matthew:17:15 @ Hiarn, jean chymmey er my vac, son t'eh ass e cheeayl, as dy mooar seaghnit: son t'eh dy mennick tuittym ayns yn aile, as dy mennick ayns yn ushtey.
gae@Matthew:17:16 @ As hug mee lhiam eh gys dty ostyllyn, as cha yarg ad eh y lheihys.
gae@Matthew:17:17 @ Dansoor Yeesey as dooyrt eh, O heeloghe vee-chredjuagh as roonagh, caid ta mish dy ve meriu? caid ta mee dy hurranse diu? cur lhiat eh hym's ayns shoh.
gae@Matthew:17:18 @ As vaggyr Yeesey er y drogh-spyrryd, as hie eh magh ass: as va'n lhiannoo er ny lheihys veih'n oor shen.
gae@Matthew:17:19 @ Eisht haink e ostyllyn gys Yeesey er-lheh, as dooyrt ad, Cre liorish nagh voddagh shinyn eh y lheihys?
gae@Matthew:17:20 @ Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro-ghoillee diu.
gae@Matthew:17:21 @ Ny-yeih cha vel y dooghys shoh dy ghrogh-spyrrydyn dy ve castit, agh liorish padjer as trostey.
gae@Matthew:17:22 @ As choud as v'ad ayns Galilee, dooyrt Yeesey roo, Bee Mac y dooinney er ny vrah gys laueyn deiney:
gae@Matthew:17:23 @ As ver ad eh gy-baase, as y trass laa nee eh girree reesht: as v'ad feer trimshagh
![[pBiblx2]](/img/pbiblx2_logo3.png){kind=logo}