Matthew:24:36-51
gae@Matthew:24:36 @ Agh er y laa as yn oor shen, cha vel fys ec dooinney erbee, cha vel ec ainleyn niau, agh ec my Ayr ny-lomarcan.
gae@Matthew:24:37 @ Agh myr va laghyn Noe, myr shen myrgeddin vees cheet Mac y dooinney.
gae@Matthew:24:38 @ Son myr ayns ny laghyn va roish y thooilley, v'ad gee as giu, poosey as coyrt ayns poosey, derrey yn laa hie Noe stiagh ayns yn arg,
gae@Matthew:24:39 @ As cha dug ad tastey, derrey haink y thooilley as ghow eh ad ooilley ersooyl; myr shen myrgeddin vees cheet Mac y dooinney.
gae@Matthew:24:40 @ Shen y traa vees daa ghooinney ayns y vagher, bee fer goit as fer faagit.
gae@Matthew:24:41 @ Bee daa ven blieh ec y wyllin, yn derrey yeh goit, as y jeh elley faagit.
gae@Matthew:24:42 @ Shen-y-fa bee-jee er nyn arrey, son cha vel fys eu er yn oor tra hig nyn Jiarn.
gae@Matthew:24:43 @ Agh shoh toig-jee, dy beagh fys er ve ec mainshter y thie cre'n oor veagh y maarliagh er jeet, veagh eh er e arrey, as cha beagh eh er lhiggey da brishey stiagh er hie.
gae@Matthew:24:44 @ Shen-y-fa bee-jee shiuish myrgeddin ullee: son ec lheid yn oor as nagh vel shiu smooinaghtyn er, hig yn Mac dooinney.
gae@Matthew:24:45 @ Quoi eisht yn charvaant firrinagh as creeney shen, ta e Hiarn er n'yannoo ny er reill er e vooinjer, dy chur daue nyn meaghey ayns traa cooie?
gae@Matthew:24:46 @ Bannit ta'n charvaant cheddin. yiow e Hiarn, tra hig eh, jannoo myr shen.
gae@Matthew:24:47 @ Dy firrinagh ta mee gra riu, dy livreyee eh gys y churrym echeysyn ooilley e chooid.
gae@Matthew:24:48 @ Agh my jir y drogh-harvaant shen ayns e chree, Ta my Hiarn lhiggey shaghey yn cheet echey,
gae@Matthew:24:49 @ As toshiaght y yannoo dy woalley e heshaghyn-sharvaant, as dy ee as dy iu marish ny meshtallee.
gae@Matthew:24:50 @ Hig Chiarn y charvaant shen ec laa nagh bee eh jeeaghyn er e hon, as ayns oor nagh bee eh twoaiagh jeh;
gae@Matthew:24:51 @ As giaree eh eh veih-my-cheilley, as pointee eh e chronney marish ny crauee oalsey: ayns shen vees keayney as snaggeraght feeacklyn.
![[pBiblx2]](/img/pbiblx2_logo3.png){kind=logo}