Matthew:27:45-56
alb@Matthew:27:45 @ Që nga ora gjashtë deri në orën nëntë errësira e mbuloi gjithë vendin.
alb@Matthew:27:46 @ Rreth orës nëntë, Jezusi briti me zë të lartë duke thënë: ``Eli, Eli, lama sabaktani?``. Domethënë: ``Perëndia im, Perëndia im, përse më ke braktisur?``.
alb@Matthew:27:47 @ Dhe disa nga të pranishmit, kur e dëgjuan, thanë: ``Ky po thërret Elian``.
alb@Matthew:27:48 @ Dhe në atë çast një nga ata vrapoi, mori një sfungjer, e zhyti në uthull dhe, mbasi e vuri në majë të një kallami, ia dha për ta pirë.
alb@Matthew:27:49 @ Por të tjerët thonin: ``Lëre, të shohim në se do të vijë Elia për ta shpëtuar``.
alb@Matthew:27:50 @ Dhe Jezusi bërtiti edhe një herë me zë të lartë dhe dha frymë.
alb@Matthew:27:51 @ Dhe ja, veli i tempullit u shqye në dy pjesë, nga maja e deri në fund; toka u drodh dhe shkëmbinjtë u çanë;
alb@Matthew:27:52 @ varret u hapën dhe shumë trupa të të shenjtëve që flinin u ringjallën;
alb@Matthew:27:53 @ dhe, të dalë nga varret mbas ringjalljes së Jezusit, hynë në qytetin e shenjtë dhe iu shfaqën shumëkujt.
alb@Matthew:27:54 @ Tani centurioni dhe ata që bashkë me të ruanin Jezusin, kur panë tërmetin dhe ngjarjet e tjera, u trembën shumë dhe thanë: ``Me të vërtetë ky ishte Biri i Perëndisë!``.
alb@Matthew:27:55 @ Ishin aty edhe shumë gra që vërenin nga larg; ato e kishin ndjekur Jezusin që nga Galilea për t`i shërbyer;
alb@Matthew:27:56 @ midis tyre ishte Maria Magdalena, Maria, nëna e Jakobit dhe e Ioseut; dhe nëna e bijve të Zebedeut.
![[pBiblx2]](/img/pbiblx2_logo3.png){kind=logo}