Matthew:3:1-12
gae@Matthew:3:1 @ Ayns ny laghyn shen haink Ean Bashtey, preacheil ayns faasagh Yudea,
gae@Matthew:3:2 @ As gra, Gow-jee arrys: son ta reeriaght Yee er gerrey.
gae@Matthew:3:3 @ Son shoh eshyn va loayrit jeh liorish y phadeyr Esaias, gra, Coraa fer geamagh ayns yn aasagh, Kiartee-jee raad y Chiarn, jean-jee ny cassanyn echey jeeragh.
gae@Matthew:3:4 @ As v'ec Ean cheddin coamrey dy fynney chamel, as cryss liare mysh e veeghyn; as va e veaghey locustyn as mill feie.
gae@Matthew:3:5 @ Eisht hie magh huggey Jerusalem as ooilley Judea, as Ooilley yn cheer mygeayrt Jordan.
gae@Matthew:3:6 @ As goaill-rish nyn beccaghyn v'ad er nyn mashtey liorish ayns Jordan.
gae@Matthew:3:7 @ Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe dy ard-nieughyn, quoi t'er chur raaue diu dy hea veih yn jymmoose ta ry-heet?
gae@Matthew:3:8 @ Cur-jee magh nish er-y-fa shen messyn cooie dy arrys.
gae@Matthew:3:9 @ As ny smooinee-jee dy ghra, riu hene, Ta Abraham ain son nyn ayr: son ta mee gra riu, dy vel Jee pooaral eer jeh ny claghyn shoh dy hroggal seose cloan da Abraham
gae@Matthew:3:10 @ As nish hene ta'n teigh er ny choyrt gys fraue ny biljyn: shen-y-fa ta dy chooilley villey nagh vel gymmyrkey magh mess mie, dy ve giarit sheese as tilgit ayns yn aile
gae@Matthew:3:11 @ Ta mish dy jarroo bashtey shiu lesh ushtey gys arrys: agh t'eshyn ta cheet my yei ny s'pooaral ny mish, ny braagyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.
gae@Matthew:3:12 @ Ta'n cleayst echey ayns e laue, as nee eh dy bollagh e laare-vooie y ghlenney, as gowee eh e churnaght stiagh ayns e hie-tashtee: agh loshtee eh yn choau lesh aile nagh bee er ny vooghey.
![[pBiblx2]](/img/pbiblx2_logo3.png){kind=logo}