vul Philippians:2:12-18
vul@Philippians:2:12 @ itaque carissimi mei sicut semper oboedistis non ut in praesentia mei tantum sed multo magis nunc in absentia mea cum metu et tremore vestram salutem operamini
vul@Philippians:2:13 @ Deus est enim qui operatur in vobis et velle et perficere pro bona voluntate
vul@Philippians:2:14 @ omnia autem facite sine murmurationibus et haesitationibus
vul@Philippians:2:15 @ ut sitis sine querella et simplices filii Dei sine reprehensione in medio nationis pravae et perversae inter quos lucetis sicut luminaria in mundo
vul@Philippians:2:16 @ verbum vitae continentes ad gloriam meam in die Christi quia non in vacuum cucurri neque in vacuum laboravi
vul@Philippians:2:17 @ sed et si immolor supra sacrificium et obsequium fidei vestrae gaudeo et congratulor omnibus vobis
vul@Philippians:2:18 @ id ipsum autem et vos gaudete et congratulamini mihi