NT-EPISTLES.filter - cebuano_ang_biblia_pinadayag :
cebuano_ang_biblia_
pinadayag@
Romans:1:1 @ ¶ Si Pablo, ulipon ni Jesu-Cristo, tinawag sa pagkaapostol, ginahin alang sa Maayong Balita sa Dios,
cebuano_ang_biblia_pinadayag@Romans:1:2 @ nga kaniadto iyang gisaad pinaagi sa iyang mga profeta diha sa balaang kasulatan,
cebuano_ang_biblia_pinadayag@Romans:1:3 @ sa Maayong Balita mahitungod sa iyang Anak nga, sumala sa iyang pagkatawo, gianak nga kaliwat ni David,
cebuano_ang_biblia_pinadayag@Romans:1:4 @ ug uban sa gahum gipaila nga Anak sa Dios sumala sa Espiritu nga balaan pinaagi sa iyang pagkabanhaw gikan sa mga patay, si Jesu-Cristo nga atong Ginoo,
cebuano_ang_biblia_pinadayag@Romans:1:5 @ pinaagi kang kinsa nadawat namo ang grasya ug ang pagkaapostol aron, nga alang sa kadungganan sa iyang ngalan, ang mga tawo sa tanang kanasuran among madala ngadto sa pagkamasinugtanon sa tinoohan,
cebuano_ang_biblia_pinadayag@Romans:1:6 @ nga uban kanila kamo usab gipanagtawag aron maiya ni Jesu-Cristo;
cebuano_ang_biblia_pinadayag@Romans:1:7 @ Nganha kaninyong tanan sa Roma, kaninyo nga sa Dios gihigugma, nga gipanagtawag aron mahimong mga balaan:
cebuano_ang_biblia_pinadayag@Romans:1:8 @ ¶ Una sa tanan, magapasalamat ako sa akong Dios pinaagi kang Jesu-Cristo tungod kaninyong tanan, kay ang inyong pagtoo nadungog man sa tibuok kalibutan.
cebuano_ang_biblia_pinadayag@Romans:1:9 @ Kay saksi ko ang Dios, ang ginaalagad ko sa akong espiritu pinaagi sa pagsangyaw sa Maayong Balita sa iyang Anak, nga sa walay paghunong ginalakip ko kamo kanunay sa akong mga pag-ampo,
cebuano_ang_biblia_pinadayag@Romans:1:10 @ sa pagpangamuyo nga pinaagi sa kabubut-on sa Dios, sa bisan unsang higayona, sa katapusan mahinayon na unta ako sa pag-anha diha kaninyo.
cebuano_ang_biblia_pinadayag@Romans:1:11 @ Kay gipangandoy ko ang pagpakigkita kaninyo aron makapaambit ako kaninyog espirituhanong gasa nga makapalig-on kaninyo;
cebuano_ang_biblia_pinadayag@Romans:1:12 @ sa laing pagkasulti, aron magkadinasigay kita pinaagi sa pagtoo nato nga matag-usa, sa inyo ug sa ako.
cebuano_ang_biblia_pinadayag@Romans:1:13 @ Mga igsoon, buot ko nga inyong masayran nga sa makadaghan gilaraw ko ang pag-anha diha kaninyo (apan hangtud karon gibabagan ako), aron makaani unta akog bunga diha kaninyo, maingon man diha sa ubang mga Gentil.
cebuano_ang_biblia_pinadayag@Romans:1:14 @ Utangan ako sa mga Gresyanhon maingon man sa mga luog, sa mga makinaadmanon maingon man sa mga walay alamag.
cebuano_ang_biblia_pinadayag@Romans:1:15 @ Busa andam ako sa pagwali sa Maayong Balita diha kaninyo usab nga anaa sa Roma.
cebuano_ang_biblia_pinadayag@Romans:1:16 @ ¶ Kay wala ko igakaulaw ang Maayong Balita, kay kini mao ang gahum sa Dios alang sa kaluwasan sa matag-usa nga nagatoo, sa Judio una sa tanan ug unya sa Gresyanhon usab.
cebuano_ang_biblia_pinadayag@Romans:1:17 @ Kay diha sa Maayong Balita ginapadayag ang pagkamatarung sa Dios, nga pinaagi sa pagtoo ngadto sa pagtoo, sumala sa nahisulat nga nagaingon, "Mabuhi ang namatarung pinaagi sa pagtoo."
cebuano_ang_biblia_pinadayag@Romans:1:18 @ Kay gikan sa langit ginapadayag ang kapungot sa Dios batok sa tanang pagkadili diosnon ug pagkadili matarung sa mga tawo nga nagababag sa kamatuoran pinaagi sa ilang pagkadautan.
cebuano_ang_biblia_pinadayag@Romans:1:19 @ ¶ Kay ang arang mahibaloan mahitungod sa Dios tataw ngadto kanila, kay kini gipakita man sa Dios ngadto kanila.
cebuano_ang_biblia_pinadayag@Romans:1:20 @ Kay sukad pa sa pagkatukod sa kalibutan ang iyang dili makita nga kinaiya, nga mao ang iyang dayong gahum ug pagka-Dios, sa tin-aw naila na pinaagi sa mga butang nga iyang nabuhat. Busa wala silay ikapangulipas;
cebuano_ang_biblia_pinadayag@Romans:1:21 @ kay bisan nanagpakaila na sila sa Dios, wala nila siya pasidunggi ingon nga Dios, ni magpasalamat kaniya; hinonoa, maoy ilang gihinuktokan ang mga hinunahuna nga walay dapat hangtud gingitngitan na lang ang ilang habol nga mga salabutan.
cebuano_ang_biblia_pinadayag@Romans:1:22 @ Sa ilang pagpakamakinaadmanon, nahimo hinoon silang mga boang,
cebuano_ang_biblia_pinadayag@Romans:1:23 @ ug ang himaya sa dili mamatay nga Dios giilisan nilag mga larawan nga sama sa may kamatayon nga tawo ug mga langgam ug mga mananap nga upat ug tiil ug mga binuhat nga nagakamang.
cebuano_ang_biblia_pinadayag@Romans:1:24 @ Tungod niini gitugyan sila sa Dios ngadto sa kahugawan diha sa mga pangibog sa ilang mga kasingkasing aron magpakaulaw sila sa ilang mga lawas sa ilang masigkaugalingon,
cebuano_ang_biblia_pinadayag@Romans:1:25 @ kay ang tinuod mahitungod sa Dios ilang giilisan ug bakak, ug mao na hinooy ilang gisimba ug gialagaran ang binuhat ug wala nila simbaha ug alagara ang Magbubuhat nga mao ang dalaygon hangtud sa kahangturan! Amen.
cebuano_ang_biblia_pinadayag@Romans:1:26 @ Tungod niining maong hinungdan, gitugyan sila sa Dios ngadto sa mga pangibog nga makauulaw. Ang ilang mga kababayen-an nanag-usab sa kagamitan nga tiunay sa ilang pagkababaye ngadto sa kagamitan nga supak sa kinaiya.
cebuano_ang_biblia_pinadayag@Romans:1:27 @ Ug sa mao usab nga paagi, ang mga lalaki nanagbiya sa ilang tiunayng kalabutan ngadto sa babaye ug nangaut-ot diha sa ilang pangibog alang sa usag usa, mga lalaki sa masigkalalaki manag-unay sa pagbuhat sa makauulaw, ug nanagpakaagum diha sa ilang kaugalingon sa balus nga angay sa ilang pagkadautan.
cebuano_ang_biblia_pinadayag@Romans:1:28 @ Ug kay nanagdumili man sila sa pag-ila kaniya ingon nga Dios, sila gitugyan sa Dios ngadto sa pagpanghunahuna nga dautan ug sa paggawi nga dili angay.
cebuano_ang_biblia_pinadayag@Romans:1:29 @ Sila napuno sa tanang matang sa pagkadili matarung, pagkadautan, kadalo, panghimaraut. Sila puno sa kasina, pagbuno, pakiglalis, lansis, kangil-ad. Sila mga tabian,
cebuano_ang_biblia_pinadayag@Romans:1:30 @ malibakon, madumtanon sa Dios, mapasipalahon, mapahitas-on, andakan, tigmugnag dautan, masupilon sa mga ginikanan,
cebuano_ang_biblia_pinadayag@Romans:1:31 @ hungog, walay paglaban sa pulong, walay kasingkasing, mabangis.
cebuano_ang_biblia_pinadayag@Romans:1:32 @ Kini sila, bisan ila nang nasayran ang pagbuot sa Dios nga ang magabuhat sa maong mga butang takus sa kamatayon, dili lamang kay nagabuhat niini kondili giuyonan usab nila ang mga tawo nga nagabuhat niini.
cebuano_ang_biblia_pinadayag@Romans:2:1 @ ¶ Busa ikaw walay ikapangulipas, O tawo, bisan kinsa ikaw, nga magahukom sa laing tawo; kay sa imong paghukom kaniya, sa imo rang kaugalingon nagahukom kag silot, kay ikaw nga nagahukom nagabuhat man usab sa maong mga butang.
cebuano_ang_biblia_pinadayag@Romans:2:2 @ Nahibalo kita nga matarung ang hukom sa Dios batok sa mga nagabuhat sa maong mga butang.
cebuano_ang_biblia_pinadayag@Romans:2:3 @ Nagdahum ka ba, O tawo, nga makaikyas ka sa hukom sa Dios, ikaw nga nagahukom sa mga nagabuhat sa maong mga butang nga imo usab nga ginabuhat?
cebuano_ang_biblia_pinadayag@Romans:2:4 @ O ginatamay mo ba ang kadagaya sa iyang pagkamapuanguron ug pagkamainantuson ug pagkamapailubon? Wala ka ba masayud nga ang pagkamapuanguron sa Dios alang man sa pag-agda kanimo sa paghinulsol?
cebuano_ang_biblia_pinadayag@Romans:2:5 @ Apan tungod sa imong kagahi ug pagkadili mahinulsolon sa kasingkasing nagatigum ikaw ug kapungot nga tagana alang sa imong kaugalingon alang unya sa adlaw sa kapungot sa diha nga igapadayag na ang matarung nga hukom sa Dios.
cebuano_ang_biblia_pinadayag@Romans:2:6 @ Kay siya magabalus ra sa matag-usa ka tawo sumala sa iyang mga binuhatan:
cebuano_ang_biblia_pinadayag@Romans:2:7 @ kanila nga uban sa pailub diha sa mga maayong pagbuhat, nagapangita sa himaya ug sa kadungganan ug sa pagkadili mamatay, kanila magahatag siyag kinabuhi nga dayon;
cebuano_ang_biblia_pinadayag@Romans:2:8 @ apan aduna unyay kasuko ug kapungot alang sa mga malalison ug wala magsunod sa kamatuoran kondili nagasunod hinoon sa pagkadili matarung.
cebuano_ang_biblia_pinadayag@Romans:2:9 @ Aduna unyay kagul-anan ug kasakitan alang sa matag-usa ka tawo nga magabuhat ug dautan, alang sa Judio una sa tanan, ug unya usab alang sa Gresyanhon;
cebuano_ang_biblia_pinadayag@Romans:2:10 @ apan aduna usab unyay himaya ug kadungganan ug kalinaw alang sa matag-usa ka tawo nga magabuhat ug maayo, alang sa Judio una sa tanan, ug unya usab alang sa Gresyanhon.
cebuano_ang_biblia_pinadayag@Romans:2:11 @ Kay ang Dios walay pinalabi.
cebuano_ang_biblia_pinadayag@Romans:2:12 @ Ang tanang nanagpakasala nga walay kasugoan mangalaglag nga walay kasugoan; ug ang tanang nanagpakasala nga ilalum sa kasugoan pagahukman pinaagi sa kasugoan.
cebuano_ang_biblia_pinadayag@Romans:2:13 @ Kay dili ang mga nagapatalinghug sa kasugoan maoy matarung sa atubangan sa Dios, kondili ang mga nagatuman sa kasugoan mao ang pakamatarungon.
cebuano_ang_biblia_pinadayag@Romans:2:14 @ Kon tuman sa kinaiya ang mga Gentil nga walay kasugoan magabuhat sa gimbut-an sa kasugoan, nan, sila kasugoan na sa ilang kaugalingon, bisan wala silay kasugoan.
cebuano_ang_biblia_pinadayag@Romans:2:15 @ Sila nagapakita nga ang gimbut-an sa kasugoan nahisulat diha sa ilang mga kasingkasing, ug ang ilang tanlag usab magapamatuod niini ug ang ilang nagakasumpaki nga mga hunahuna magasumbong o tingali magapangulipas ba kanila
cebuano_ang_biblia_pinadayag@Romans:2:16 @ unya sa maong adlaw nga, sumala sa akong Maayong Balita, pagahukman na sa Dios ang mga tinagoan sa mga tawo pinaagi kang Cristo Jesus.
cebuano_ang_biblia_pinadayag@Romans:2:17 @ ¶ Apan kon ikaw nagatawag sa imong kaugalingon nga Judio ug nagasalig sa kasugoan ug nagapagawal sa imong kalabutan sa Dios
cebuano_ang_biblia_pinadayag@Romans:2:18 @ ug nasayud ka sa iyang kabubut-on ug nakauyon sa mga butang halangdon, kay binansay man tuod ikaw sa kasugoan,
cebuano_ang_biblia_pinadayag@Romans:2:19 @ ug kon nagatoo ka nga ikaw magtotultol sa mga buta, kahayag sa mga gingitngitan,
cebuano_ang_biblia_pinadayag@Romans:2:20 @ magpapanton sa mga hungog, magtutudlo sa mga kabataan, kay nakabaton man tuod ikaw sa dagway sa kahibalo ug sa kamatuoran nga anaa sa kasugoan
cebuano_ang_biblia_pinadayag@Romans:2:21 @ nan, karon, ikaw nga nagapanudlo sa uban, dili ba usab nimo tudloan ang imong kaugalingon? Ikaw nga nagawali batok sa pagpangawat, nagapangawat ka ba?
cebuano_ang_biblia_pinadayag@Romans:2:22 @ Ikaw nga nagaingon nga ang tawo kinahanglan dili manapaw, nanapaw ka ba? Ikaw nga ngil-aran ug mga larawan, nagapangawat ka ba sa sulod sa ilang mga templo?
cebuano_ang_biblia_pinadayag@Romans:2:23 @ Ikaw nga nagapasigarbo tungod sa kasugoan, gipakaulawan mo ba ang Dios pinaagi sa paglapas sa kasugoan?
cebuano_ang_biblia_pinadayag@Romans:2:24 @ Kay sumala sa nahisulat, "Tungod kaninyo ang ngalan sa Dios ginapasipad-an taliwala sa mga Gentil."
cebuano_ang_biblia_pinadayag@Romans:2:25 @ Sa pagkatinuod, ang sirkunsisyon may kapuslanan kon magatuman ikaw sa kasugoan; apan kon magalapas ikaw sa kasugoan ang imong sirkunsisyon mahimo nang dili sirkunsisyon.
cebuano_ang_biblia_pinadayag@Romans:2:26 @ Busa, kon ang usa ka tawong walay sirkunsisyon magatuman sa mga lagda sa kasugoan, dili ba ang iyang pagkawalay sirkunsisyon pagaisipon nga sirkunsisyon?
cebuano_ang_biblia_pinadayag@Romans:2:27 @ Sa ingon niana, siya nga walay sirkunsisyon sa lawas apan nagatuman sa kasugoan, siya magahukom kanimo sa silot, kanimo nga nakabaton sa sinulat nga kasugoan ug nga may sirkunsisyon apan nagalapas sa kasugoan.
cebuano_ang_biblia_pinadayag@Romans:2:28 @ Kay ang usa ka tawo dili tinuod nga Judio kon ang iyang pagka-Judio anaa ra sa dayag nga panagway; ug ang tinuod nga sirkunsisyon dili ang anaa ra sa dayag diha sa lawas.
cebuano_ang_biblia_pinadayag@Romans:2:29 @ Kay ang tinuod nga Judio mao kadtong tawo nga Judio diha sa kinasuloran sa iyang pagkatawo, ug ang tinuod nga sirkunsisyon maoy usa ka butang nga iya sa kasingkasing, espirituhanon ug dili sumala sa mga letra sa kasugoan. Siya magadawat sa pagdalayeg nga dili gikan sa tawo kondili gikan sa Dios.
cebuano_ang_biblia_pinadayag@Romans:3:1 @ ¶ Nan, unsa man diay ang bintaha sa pagka-Judio? Unsa may kapuslanan sa sirkunsisyon?
cebuano_ang_biblia_pinadayag@Romans:3:2 @ Daghan, bisan asa ipaagi. Una sa tanan, ngadto sa mga Judio gipiyal ang mga pulong sa Dios.
cebuano_ang_biblia_pinadayag@Romans:3:3 @ Ug kon diha kanilay wala managpanoo, unsa may anaa niana? Kadtong ilang kakulang sa pagtoo nakapahimo bang walay kapuslanan sa pagkamatinuoron sa Dios?
cebuano_ang_biblia_pinadayag@Romans:3:4 @ Wala gayud! Kinihanglan maminatud-on gayud ang Dios bisan pa kon bakakon ang tanang mga tawo ingon sa nahisulat: Aron makita ikaw nga matarung sa imong pagpamulong, ug magamadaugon ikaw sa diha nga pagahukman ka na.
cebuano_ang_biblia_pinadayag@Romans:3:5 @ Apan kon pinaagi sa atong pagkadautan ikapadayag man ang pagkamatarung sa Dios, unsa may atong ikaingon niana? Nga ang Dios dili diay matarung sa iyang pagpahamtang kanatog silot? (Nagasulti ako sa tawhanong paagi.)
cebuano_ang_biblia_pinadayag@Romans:3:6 @ Palayo kana! Kay sa ingon niana, unsaon pa man sa Dios sa paghukom sa kalibutan?
cebuano_ang_biblia_pinadayag@Romans:3:7 @ Apan kon pinaagi sa akong pagbakak ang pagkamatinuoron sa Dios modagaya man ngadto sa pagdalayeg kaniya, nganong pagahukman pa man ako ingon nga makasasala?
cebuano_ang_biblia_pinadayag@Romans:3:8 @ Ug nganong dili na man lang hinoon kita manag-ingon, sumala sa ginapasangil sa mga tawo nga kono atong ginaingon, "Buhaton ta ang dautan aron mosangpot ang maayo"? Apan matarung gayud ang pagkahinukman sa silot sa maong mga tawhana.
cebuano_ang_biblia_pinadayag@Romans:3:9 @ Nan, unsa na man? Kitang mga Judio, labaw pa ba kitag kahimtang kay kanila? Dili gayud; kay ato nang gikasumbong nga ang tanang mga tawo, mga Judio ug mga Gresyanhon, nailalum sa sala,
cebuano_ang_biblia_pinadayag@Romans:3:10 @ ingon sa nahisulat: Walay matarung, wala, bisan usa,
cebuano_ang_biblia_pinadayag@Romans:3:11 @ walay usa nga nakasabut, walay bisan usa nga nagapangita sa Dios
cebuano_ang_biblia_pinadayag@Romans:3:12 @ Ang tanan nagasukwahi, nagadungan sa pagpangadaut; walay nagabuhat ug maayo, wala, bisan usa."
cebuano_ang_biblia_pinadayag@Romans:3:13 @ "Ang ilang totunlan maoy usa ka lubong inukban, ang ilang mga dila ginagamit nila aron sa paglimbong." Ang lala sa mga bitin anaa sa ilalum sa ilang mga ngabil."
cebuano_ang_biblia_pinadayag@Romans:3:14 @ "Ang ilang baba napuno sa mga panghimaraut ug sa mapait nga mga pulong."
cebuano_ang_biblia_pinadayag@Romans:3:15 @ "Ang ilang mga tiil maabtik sa pagdalagan aron sa ilang pag-ula sa dugo sa mga tawo,
cebuano_ang_biblia_pinadayag@Romans:3:16 @ sa ilang mga dalan anaa ang kalaglag ug kaalaut,
cebuano_ang_biblia_pinadayag@Romans:3:17 @ ug sa dalan paingon sa kalinaw sila wala manghibalo."
cebuano_ang_biblia_pinadayag@Romans:3:18 @ "Ang kahadlok alang sa Dios wala diha sa atubangan sa ilang mga mata."
cebuano_ang_biblia_pinadayag@Romans:3:19 @ ¶ Karon nahibalo na kita nga bisan unsay gisulti sa kasugoan, kini gisulti ngadto sa mga anaa sa ilalum sa kasugoan aron ang matag-usa ka baba masap-ongan, ug aron ang tibuok kalibutan mahisakop ilalum sa paghukom sa Dios.
cebuano_ang_biblia_pinadayag@Romans:3:20 @ Kay sa atubangan sa Dios walay tawo nga pagamatarungon pinaagi sa mga pagtuman sa kasugoan, kay pinaagi sa kasugoan nagaabut hinoon ang kahibalo mahitungod sa sala.
cebuano_ang_biblia_pinadayag@Romans:3:21 @ Apan karon ang pagkamatarung gikan sa Dios gikapadayag gawas sa kasugoan, ug gikapamatud-an man gani kini sa kasugoan ug sa mga profeta
cebuano_ang_biblia_pinadayag@Romans:3:22 @ ang pagkamatarung gikan sa Dios pinaagi sa pagtoo kang Jesu-Cristo alang sa tanan nga magatoo. Kay walay kalainan sa Judio ug sa Gentil.
cebuano_ang_biblia_pinadayag@Romans:3:23 @ Sanglit nakasala man ang tanan ug nakabsan sa himaya sa Dios,
cebuano_ang_biblia_pinadayag@Romans:3:24 @ sila pagamatarungon pinaagi sa iyang grasya ingon nga gasa, pinasikad sa pagkatinubos tungod kang Cristo Jesus
cebuano_ang_biblia_pinadayag@Romans:3:25 @ nga gitanyag sa Dios ingon nga halad pasig-uli pinaagi sa iyang dugo, sa maong halad nga pagadawaton pinaagi sa pagtoo. Kini maoy pagpakita sa pagkamatarung sa Dios, kay sa iyang langitnong pagkamainantuson gisayloan man lamang niya ang kasal-anan nga nangahimo kaniadto;
cebuano_ang_biblia_pinadayag@Romans:3:26 @ kini maoy pagpamatuod karong panahona nga siya matarung ug nga siya magamatarung sa tawo nga may pagtoo kang Jesus.
cebuano_ang_biblia_pinadayag@Romans:3:27 @ Nan, hain na man ang atong pagpagarbo? Gipalagpot na sa gawas. Pinasikad sa unsang lagda? Sa lagda ba sa mga buhat? Dili, hinonoa pinasikad sa lagda sa pagtoo.
cebuano_ang_biblia_pinadayag@Romans:3:28 @ Kay maoy atong pag-isip nga ang tawo pagamatarungon pinaagi sa pagtoo, pinagawas sa mga pagtuman sa kasugoan.
cebuano_ang_biblia_pinadayag@Romans:3:29 @ O Dios ba lamang sa mga Judio ang Dios? Dili ba Dios man usab siya sa mga Gentil? Oo, sa mga Gentil usab,
cebuano_ang_biblia_pinadayag@Romans:3:30 @ sanglit usa ra man ang Dios; ug iyang pagamatarungon ang mga may sirkunsisyon pinasikad sa ilang pagtoo ug ang mga walay sirkunsisyon pinaagi sa ilang pagtoo.
cebuano_ang_biblia_pinadayag@Romans:3:31 @ Gibungkag ba nato ang kasugoan tungod sa maong pagtoo? Wala gayud! Hinonoa gipabarug nato ang kasugoan.
cebuano_ang_biblia_pinadayag@Romans:4:1 @ ¶ Ug karon, unsa may atong ikasulti mahitungod kang Abraham, ang atong ginikanan sumala sa pagkatawo?
cebuano_ang_biblia_pinadayag@Romans:4:2 @ Kay kon si Abraham nahimo pang matarung tungod sa iyang mga binuhatan, nan, aduna siyay ikapasigarbo, apan dili sa atubangan sa Dios.
cebuano_ang_biblia_pinadayag@Romans:4:3 @ Kay unsa may ginaingon sa kasulatan? "Si Abraham mitoo sa Dios, ug kadto giisip kaniya nga maoy pagkamatarung."
cebuano_ang_biblia_pinadayag@Romans:4:4 @ Karon, ngadto sa tawo nga nagabuhat, ang isuhol kaniya dili maisip nga hatag kondili ingon nga bayad kaniya.
cebuano_ang_biblia_pinadayag@Romans:4:5 @ Ug ngadto sa tawo nga wala magbuhat kondili nagasalig kaniya nga mao ang nagamatarung sa dili diosnon, ang iyang pagtoo pagaisipon nga maoy pagkamatarung niya.
cebuano_ang_biblia_pinadayag@Romans:4:6 @ Sa ingon niini usab si David nagahisgot sa kalipay niadtong tawo nga sa Dios ginaisipan sa pagkamatarung nga gawas sa mga binuhatan:
cebuano_ang_biblia_pinadayag@Romans:4:7 @ "Malipayon sila kinsang mga kala-pasan gipasaylo na, ug kinsang mga kasal-anan napapas na;
cebuano_ang_biblia_pinadayag@Romans:4:8 @ malipayon ang tawo nga sa Ginoo dili na pagaisipan sa iyang sala."
cebuano_ang_biblia_pinadayag@Romans:4:9 @ ¶ Kining maong kamalipayon, alang ba lamang kini sa mga may sirkunsisyon, o alang ba usab kini sa mga walay sikunsisyon? Ato nang giingon nga ang pagtoo giisip ngadto kang Abraham ingon nga maoy pagkamatarung.
cebuano_ang_biblia_pinadayag@Romans:4:10 @ Giunsa man kini sa pag-isip ngadto kaniya? Sa may sirkunsisyon na ba siya, o sa wala pa? Dili sa diha na, kondili sa wala pa siyay sirkunsisyon.
cebuano_ang_biblia_pinadayag@Romans:4:11 @ Gidawat niya ang sirkunsisyon ingon nga usa ka ilhanan o timri sa pagkamatarung nga iya nang nabatonan pinaagi sa pagtoo, bisan sa wala pa siyay sirkunsisyon. Ang tuyo niadto mao nga mahimo siya nga amahan sa tanang mga magtotoong walay sirkunsisyon aron nga sa ingon niini maisipan sila sa pagkamatarung,
cebuano_ang_biblia_pinadayag@Romans:4:12 @ ug nga amahan usab sa mga may sirkunsisyon, sa mga tawo nga dili lamang kay may sirkunsisyon ra kondili usab nanagsunod sa panig-ingnan sa pagtoo nga diha na sa atong amahan nga si Abraham bisan sa wala pa siyay sirkunsisyon.
cebuano_ang_biblia_pinadayag@Romans:4:13 @ Ang saad ngadto kang Abraham ug sa iyang mga kaliwat, nga sila magapanunod sa kalibutan, wala moabut pinaagi sa kasugoan kondili pinaagi sa pagkamatarung tungod sa pagtoo.
cebuano_ang_biblia_pinadayag@Romans:4:14 @ Kon ang mga nagpailalum sa kasugoan mao pa ang mga manununod, nan, ang pagtoo wala lamay bili ug ang saad wala lamay kapuslanan.
cebuano_ang_biblia_pinadayag@Romans:4:15 @ Kay ang kasugoan mosangpot man sa kapungot sa Dios; apan diin gani wala ang kasugoan, wala usab diha ang kalapasan.
cebuano_ang_biblia_pinadayag@Romans:4:16 @ Mao man gani nga ang pasikaranan sa pagkamatarung mao ang pagtoo, aron ang saad magasukad sa grasya ug igapasalig ngadto sa tanang kaliwat ni Abraham dili lamang ngadto ra sa mga nagpailalum sa kasugoan kondili usab ngadto sa mga nagabaton sa kang Abraham nga pagtoo, kay siya mao man ang amahan natong tanan,
cebuano_ang_biblia_pinadayag@Romans:4:17 @ ¶ sumala sa nahisulat nga nagaingon, "Gihimo ko ikaw nga amahan sa daghang mga nasud. Ang saad gipasalig ngadto kanila sa atubangan sa maong Dios nga iyang gitoohan nga mao ang nagahatag ug kinabuhi ngadto sa mga patay, ug nagatudlo sa mga butang bisan sa wala pa kini magalungtad.
cebuano_ang_biblia_pinadayag@Romans:4:18 @ Bisan sa diha nga dili na unta takus kalauman, si Abraham mitoo nga malaumon nga siya mahimo gayud nga amahan sa daghang mga nasud, sumala sa gikaingon kaniya, "Maingon niana ang imong kaliwatan."
cebuano_ang_biblia_pinadayag@Romans:4:19 @ Wala siya maluya sa iyang pagtoo bisan sa iyang pagpamalandong mahitungod sa iyang lawas, nga daw patay na kini sanglit may kagulangon na man siya nga usa ka gatus ka tuig, o sa iyang pagpamalandong mahitungod sa pagkaapuli na sa taguangkan ni Sara.
cebuano_ang_biblia_pinadayag@Romans:4:20 @ makapahimo kaniya nga maduhaduhaon sa saad sa Dios, hinonoa sa naghimaya siya sa Dios mitubo siya nga malig-on sa iyang pagtoo,
cebuano_ang_biblia_pinadayag@Romans:4:21 @ masaligon sa hingpit nga ang Dios arang makatuman sa iyang gisaad.
cebuano_ang_biblia_pinadayag@Romans:4:22 @ Mao kini ang katarungan ngano nga ang iyang pagtoo "giisip kaniya nga maoy pagkamatarung."
cebuano_ang_biblia_pinadayag@Romans:4:23 @ ¶ Apan ang mga pulong, "giisip kaniya," wala sulata nga magapahinungod kaniya lamang,
cebuano_ang_biblia_pinadayag@Romans:4:24 @ kondili kanato usab. Kadto pagaisipon kanato nga nagatoo kaniya nga mao ang nagbanhaw kang Jesus nga atong Ginoo gikan sa mga patay,
cebuano_ang_biblia_pinadayag@Romans:4:25 @ nga gitugyan ngadto sa kamatayon tungod sa atong kalapasan ug gibanhaw alang sa pagpamatarung kanato.
cebuano_ang_biblia_pinadayag@Romans:5:1 @ ¶ Busa, sanglit namatarung man kita pinaagi sa pagtoo, kita may pakigdinaitay na sa Dios pinaagi sa atong Ginoong Jesu-Cristo.
cebuano_ang_biblia_pinadayag@Romans:5:2 @ Pinaagi kaniya nakabaton kitag agianan paingon niining maong grasya nga atong ginabarugan, ug kita nagakalipay sa atong paglaum sa pakig-ambit sa himaya sa Dios.
cebuano_ang_biblia_pinadayag@Romans:5:3 @ Labaw pa niini, nagakalipay kita bisan sa atong mga kasakit, sanglit nasayud man kita nga ang kasakit mohimog pagkamainantuson,
cebuano_ang_biblia_pinadayag@Romans:5:4 @ ug ang pagkamainantuson mohimog kalig-on, ug ang kalig-on mohimog paglaum;
cebuano_ang_biblia_pinadayag@Romans:5:5 @ ug ang paglaum dili mopahigawad kanato kay ang gugma sa Dios gikahuwad man nganhi sa atong mga kasingkasing pinaagi sa Espiritu Santo nga gikahatag kanato.
cebuano_ang_biblia_pinadayag@Romans:5:6 @ ¶ Samtang mga maluya pa kita, sa gitagal nga panahon si Cristo nagpakamatay alang sa mga dili diosnon.
cebuano_ang_biblia_pinadayag@Romans:5:7 @ Talagsa ra nga adunay magpakamatay alang sa uban, bisan pa alang sa usa ka tawong matarung hinoon aduna gayud kahay mangako sa pagpakamatay alang sa usa ka maayong tawo.
cebuano_ang_biblia_pinadayag@Romans:5:8 @ Apan ang Dios nagapadayag sa iyang gugma alang kanato pinaagi niini, nga bisan sa mga makasasala pa kita si Cristo nagpakamatay alang kanato.
cebuano_ang_biblia_pinadayag@Romans:5:9 @ Ug kay namatarung na man kita karon pinaagi sa iyang dugo, labi pang luwason kita pinaagi kaniya gikan sa kapungot sa Dios.
cebuano_ang_biblia_pinadayag@Romans:5:10 @ Kay kon sa diha nga mga kaaway pa kita sa Dios, kita gipasig-uli ngadto sa Dios pinaagi sa kamatayon sa iyang Anak, nan, karon nga napasig-uli na kita, labi pang luwason kita pinaagi sa iyang kinabuhi.
cebuano_ang_biblia_pinadayag@Romans:5:11 @ Ug dili lamang kay kini ra, kondili nga nagakalipay usab kita diha sa Dios pinaagi sa atong Ginoong Jesu-Cristo, pinaagi kang kinsa nakadawat kita karon sa pagkapinasig-uli.
cebuano_ang_biblia_pinadayag@Romans:5:12 @ Busa, maingon nga ang sala misulod sa kalibutan pinaagi sa usa ka tawo ug ang kamatayon misulod pinaagi sa sala, ug nga tungod niini ang kamatayon mikuyanap ngadto sa tanang mga tawo sanglit ang tanang mga tawo nakasala man
cebuano_ang_biblia_pinadayag@Romans:5:13 @ hinoon ang sala diha na sa kalibutan sa wala pa ang kasugoan, apan ang sala dili pagaisipon diin wala ang kasugoan.
cebuano_ang_biblia_pinadayag@Romans:5:14 @ Bisan pa niini, sukad kang Adan hangtud kang Moises ang kamatayon naghari sa katawhan, bisan pa sa mga tawo kinsang mga pagpakasala dili sama sa paglapas ni Adan. Si Adan maoy usa ka hulagway niadtong miabut sa kaulahiay.
cebuano_ang_biblia_pinadayag@Romans:5:15 @ Apan ang gasa nga walay bayad lahi ra kaayo sa kalapasan. Kay kon daghan ang nangamatay tungod sa paglapas nga nahimo sa usa ka tawo, ngadto sa daghan gikapadagaya sa labi pa gayud ang grasya sa Dios ug ang gasa nga walay bayad diha sa grasya niadtong usa ka tawo nga si Jesu-Cristo.
cebuano_ang_biblia_pinadayag@Romans:5:16 @ Ug ang gasa nga walay bayad lahi ra kaayo sa misangpot sa pagpakasala niadtong usang tawo. Kay ang hukom nga midason niadtong usa ka paglapas nagdalag silot, apan ang walay bayad nga gasa nga midason sa daghang mga paglapas nagadalag pagkamatarung.
cebuano_ang_biblia_pinadayag@Romans:5:17 @ Kon tungod sa paglapas nga nahimo sa usa ka tawo ang kamatayon mihari pinaagi sa maong tawo, sa labi pa gayud, pinaagi sa usang tawo nga mao si Jesu-Cristo, ang managpakadawat sa kadagaya sa grasya ug sa gasa nga pagkamatarung nga walay bayad magahari diha sa kinabuhi.
cebuano_ang_biblia_pinadayag@Romans:5:18 @ Busa, maingon nga ang paglapas nga gihimo sa usa ka tawo misangpot sa pagkahinukman sa silot sa tanang mga tawo, mao man usab, ang buhat sa pagkamatarung nga gihimo sa usa ka tawo mosangpot ngadto sa hukom sa kagawasan ug ngadto sa kinabuhi alang sa tanang mga tawo.
cebuano_ang_biblia_pinadayag@Romans:5:19 @ Kay maingon nga pinaagi sa pagkamasupilon sa usa ka tawo daghan ang nahimong makasasala, mao man usab nga pinaagi sa pagkamasinugtanon sa usa ka tawo daghan ang mahimong matarung.
cebuano_ang_biblia_pinadayag@Romans:5:20 @ Ang kasugoan misaliut-ot pagsulod aron sa pagpadagsang sa kalapasan; apan diin gani midagsang ang pagpakasala, ang grasya milabi pa hinoon usab sa pagdagaya,
cebuano_ang_biblia_pinadayag@Romans:5:21 @ aron nga maingon nga ang sala mihari diha sa kamatayon, ang grasya usab pinaagi sa pagkamatarung magahari ngadto sa kinabuhing dayon pinaagi kang Jesu-Cristo nga atong Ginoo.
cebuano_ang_biblia_pinadayag@Romans:6:1 @ ¶ Nan, unsa may atong ikasulti? Magpadayon ba kita sa pagpakasala aron modagaya ang grasya?
cebuano_ang_biblia_pinadayag@Romans:6:2 @ Palayo kana! Kita nga namatay na ngadto sa sala, unsaon man nato sa pagpakabuhi pa diha niana?
cebuano_ang_biblia_pinadayag@Romans:6:3 @ Wala ba kamo mahibalo nga kitang tanan nga nabautismohan ngadto kang Cristo Jesus gibautismohan man ngadto sa iyang kamatayon?
cebuano_ang_biblia_pinadayag@Romans:6:4 @ Busa, pinaagi sa bautismo gilubong kita uban kaniya ngadto sa kamatayon, aron nga maingon nga si Cristo gibanhaw gikan sa mga patay pinaagi sa himaya sa Amahan, kita usab managgawi diha sa kabag-o sa kinabuhi.
cebuano_ang_biblia_pinadayag@Romans:6:5 @ Kay kon kita nahiusa man ngadto kaniya diha sa usa ka kamatayon nga sama sa iya, nan, mahiusa gayud usab kita ngadto kaniya diha sa pagkabanhaw nga sama sa iya.
cebuano_ang_biblia_pinadayag@Romans:6:6 @ Kita nahibalo nga ang atong karaan nga pagkatawo gilansang sa krus uban kang Cristo aron malaglag ang makasasala nga lawas, ug aron dili na kita maulipon sa sala.
cebuano_ang_biblia_pinadayag@Romans:6:7 @ Kay ang tawong patay na nakagawas na gikan sa sala.
cebuano_ang_biblia_pinadayag@Romans:6:8 @ Apan kon namatay kita uban kang Cristo, kita nagatoo nga mabuhi usab kita uban kaniya.
cebuano_ang_biblia_pinadayag@Romans:6:9 @ Kay nahibalo kita nga si Cristo nabanhaw gikan sa mga patay ug nga dili na gayud siya mamatay; ang kamatayon wala nay kagahum batok kaniya.
cebuano_ang_biblia_pinadayag@Romans:6:10 @ Sa iyang pagkamatay siya namatayng dayon ngadto sa sala; apan sa iyang pagkabuhi siya nabuhi ngadto sa Dios.
cebuano_ang_biblia_pinadayag@Romans:6:11 @ Busa kamo usab kinahanglan manag-isip sa inyong kaugalingon nga mga patay na ngadto sa sala apan diha kang Cristo Jesus mga buhi kamo ngadto sa Dios.
cebuano_ang_biblia_pinadayag@Romans:6:12 @ Busa, ayaw ninyo tugoti ang sala sa paghari diha sa inyong may kamatayon nga mga lawas aron sa paghimo kaninyo nga masinugtanon sa mga pangibog niini.
cebuano_ang_biblia_pinadayag@Romans:6:13 @ Ayaw ninyo itugyan ang mga bahin sa inyong mga lawas ngadto sa sala aron kini himoong mga galamiton sa pagkadili matarung, hinonoa itugyan ninyo ang inyong kaugalingon ngadto sa Dios ingon nga mga tawo nga nangabuhi gikan sa kamatayon, ug itugyan ninyo ang mga bahin sa inyong mga lawas ngadto sa Dios aron mahimong mga galamiton sa pagkamatarung.
cebuano_ang_biblia_pinadayag@Romans:6:14 @ Kay ang sala dili magagahum diha kaninyo, sanglit dili man kamo ilalum sa kasugoan kondili ilalum sa grasya.
cebuano_ang_biblia_pinadayag@Romans:6:15 @ Nan, unsa man? Magpakasala ba kita kay dili man kita ilalum sa kasugoan kondili ilalum sa grasya? Palayo kana!
cebuano_ang_biblia_pinadayag@Romans:6:16 @ Wala ba kamo masayud nga kon itugyan ninyo ang inyong kaugalingon ingon nga mga masinugtanong ulipon ngadto kang bisan kinsa, kamo mga ulipon niya nga inyong ginasugot, mga ulipon nga iya sa sala nga nagahatud ngadto sa kamatayon, o iya sa pagkamasinugtanon nga nagahatud ngadto sa pagkamatarung?
cebuano_ang_biblia_pinadayag@Romans:6:17 @ Apan salamat sa Dios nga kamong mga ulipon kaniadto sa sala karon nahimo na nga sa kinasingkasing mga masinugtanon sa sulondan sa tuloohan nga niini gitugyan ninyo ang inyong kaugalingon,
cebuano_ang_biblia_pinadayag@Romans:6:18 @ ug nga sa paghigawas ninyo gikan sa sala, kamo nahimong mga ulipon sa pagkamatarung.
cebuano_ang_biblia_pinadayag@Romans:6:19 @ Nagasulti ako niining tinawhanong paagi tungod sa pagkadili hingpit sa inyong kinaiya. Kay maingon nga kaniadto inyong gitugyan ang mga bahin sa inyong mga lawas ngadto sa kahugawan ug ngadto sa labi ka labi pa kamasupilon, sa ingon usab karon, kinahanglan itugyan ninyo ang mga bahin sa inyong mga lawas ngadto sa pagkamatarung aron kini pagabalaanon.
cebuano_ang_biblia_pinadayag@Romans:6:20 @ Sa dihang mga ulipon pa kamo sa sala, nahigawas kamo gikan sa pagkamatarung.
cebuano_ang_biblia_pinadayag@Romans:6:21 @ Apan unsa may nakuha ninyong balus gikan niadtong mga butang nga inyo nang pagakaulawan karon? Ang sangpotan sa maong mga butang mao ang kamatayon.
cebuano_ang_biblia_pinadayag@Romans:6:22 @ Apan karon, sa gipahigawas na kamo gikan sa sala ug nahimo nang mga ulipon sa Dios, ang inyong nakuhang balus mao ang pagkabalaan, ug ang sangpotan niini mao ang kinabuhing dayon.
cebuano_ang_biblia_pinadayag@Romans:6:23 @ Kay ang suhol gikan sa sala mao ang kamatayon, apan ang walay bayad nga gasa gikan sa Dios mao ang kinabuhing dayon diha kang Cristo Jesus nga atong Ginoo.
cebuano_ang_biblia_pinadayag@Romans:7:1 @ ¶ Wala ba kamo mahibalo, mga igsoon kay ang ginasultihan ko karon mao man ang mga nahibalog unsay kasugoan nga ang kasugoan makabuot sa tawo sa panahon lamang nga buhi pa kini siya?
cebuano_ang_biblia_pinadayag@Romans:7:2 @ Tungod niini, ang babayeng minyo gipasakop sa kasugoan ngadto sa iyang bana samtang magapabiling buhi ang bana. Apan kon mamatay ang iyang bana, siya mahigawas na gikan sa kasugoan mahitungod sa bana.
cebuano_ang_biblia_pinadayag@Romans:7:3 @ Sumala niini, siya pagaisipon nga mananapaw kon makigpuyo siyag laing lalaki samtang buhi pa ang iyang bana. Apan kon mamatay ang iyang bana, mahigawas na siya sa maong kasugoan, ug kon mamana siyag lain dili siya mananapaw.
cebuano_ang_biblia_pinadayag@Romans:7:4 @ Sa ingon usab niana, mga igsoon, kamo nangamatay na ngadto sa kasugoan pinaagi sa lawas ni Cristo, aron maiya kamo sa lain, maiya sa nabanhaw gikan sa mga patay aron managpamunga kita alang sa Dios.
cebuano_ang_biblia_pinadayag@Romans:7:5 @ Kay sa dihang mga lawasnon pa kita, ang atong masal-anon nga mga pangibog, nga gipukaw sa kasugoan, nanaglihok sulod sa mga bahin sa atong mga lawas aron managpamunga kini alang sa kamatayon.
cebuano_ang_biblia_pinadayag@Romans:7:6 @ Apan gipahigawas na kita karon gikan sa kasugoan, mga patay na kita ngadto sa nag-ulipon kanato, aron magaalagad kita diha sa bag-ong kinabuhi sa Espiritu, ug dili sa ilalum sa karaang sinulat nga kalagdaan.
cebuano_ang_biblia_pinadayag@Romans:7:7 @ ¶ Nan, unsa may atong ikasulti? Nga ang kasugoan mao ang sala? Palayo kana! Ngani, kon dili pa ang kasugoan, dili unta ako makailag sala. Dili unta ako makailag unsay pangibog kon ang kasugoan wala pa mag-ingon, "Dili ka /x magkaibog."
cebuano_ang_biblia_pinadayag@Romans:7:8 @ Apan ang sala, sa pagkakitag higayon diha sa sugo, nagbuhat sa tanang matang sa pangibog dinhi sa sulod nako. Kay ang sala mamatay kon mahimulag kini sa kasugoan.
cebuano_ang_biblia_pinadayag@Romans:7:9 @ Buhi ako kaniadto sa bulag pa ang kasugoan, apan sa pag-abut na sa sugo ang sala nabuhi ug ako namatay;
cebuano_ang_biblia_pinadayag@Romans:7:10 @ ang maong sugo nga nagsaad ug kinabuhi nasuta nga nagdalag kamatayon alang kanako.
cebuano_ang_biblia_pinadayag@Romans:7:11 @ Kay ang sala, sa pagkakitag higayon diha sa sugo, milimbong kanako ug pinaagi niini mipatay kanako.
cebuano_ang_biblia_pinadayag@Romans:7:12 @ Busa ang kasugoan balaan, ug ang sugo balaan, matarung, ug maayo.
cebuano_ang_biblia_pinadayag@Romans:7:13 @ Nan, gidad-an ba diay akog kamatayon niadtong maayo? Palayo kana! Ang sala mao ang naghimog kamatayon dinhi sa sulod nako pinaagi sa maayo, aron ang sala ikapadayag ingon nga sala, ug pinaagi sa sugo mahimo kini nga hilabihan pa gayud sa kamasal-anon nga dili masukod.
cebuano_ang_biblia_pinadayag@Romans:7:14 @ ¶ Nahibalo kita nga espirituhanon ang kasugoan, apan ako lawasnon ug gikabaligya aron maulipon sa sala.
cebuano_ang_biblia_pinadayag@Romans:7:15 @ Dili ako makasabut sa akong kaugalingong panglihok. Kay dili ako mobuhat sa buot ko untang pagabuhaton; mao hinooy pagabuhaton ko ang butang nga ginadumtan ko.
cebuano_ang_biblia_pinadayag@Romans:7:16 @ Ug kon maoy ginabuhat ko ang butang nga dili ko buot pagabuhaton, uyon ako nga ang kasugoan maayo.
cebuano_ang_biblia_pinadayag@Romans:7:17 @ Sa ingon niana, dili na ako mao ang nagabuhat sa maong butang kondili ang sala nga nagalublob sa sulod nako.
cebuano_ang_biblia_pinadayag@Romans:7:18 @ Kay nahibalo ako nga walay maayo nga nagapuyo sa sulod nako, nga sa ato pa, sa sulod sa akong lawas. Ania kanako ang pagtinguha sa maayo, apan dili ako makabuhat niini.
cebuano_ang_biblia_pinadayag@Romans:7:19 @ Kay dili ako mobuhat sa maayo nga gitinguha ko; mao hinooy ginabuhat ko ang dautan nga wala ko tinguhaa.
cebuano_ang_biblia_pinadayag@Romans:7:20 @ Karon, kon maoy ginabuhat ko ang butang nga wala ko tinguhaa, dili na ako mao ang nagabuhat niini kondili ang sala nga nagalublob sa sulod nako.
cebuano_ang_biblia_pinadayag@Romans:7:21 @ Tungod niini nakita ko kini ingon nga usa ka balaod, nga sa dihang buot ko nang buhaton ang maayo, ang dautan duol kanako.
cebuano_ang_biblia_pinadayag@Romans:7:22 @ Kay sa kinasuloran sa akong pagkatawo ginakalipay ko ang kasugoan sa Dios,
cebuano_ang_biblia_pinadayag@Romans:7:23 @ apan dinhi sa mga bahin sa akong lawas nakita ko ang laing balaod nga nagapakig-away batok sa balaod sa akong salabutan ug nagahimo kanakong binihag ngadto sa balaod sa sala nga nagalublob sa sulod sa mga bahin sa akong lawas.
cebuano_ang_biblia_pinadayag@Romans:7:24 @ Alaut ako nga tawo! Kinsay mopagawas kanako gikan niining lawasa nga iya sa kamatayon?
cebuano_ang_biblia_pinadayag@Romans:7:25 @ Salamat sa Dios pinaagi kang Jesu-Cristo nga atong Ginoo! Busa, pinaagi sa akong salabutan ang ginaalagaran ko mao ang kasugoan sa Dios, apan pinaagi sa akong lawas ang ginaalagaran ko mao ang kasugoan sa sala.
cebuano_ang_biblia_pinadayag@Romans:8:1 @ ¶ Busa, sila nga anaa kang Cristo Jesus dili na karon mga hinukman sa silot.
cebuano_ang_biblia_pinadayag@Romans:8:2 @ Kay ang kasugoan sa makabuhi nga Espiritu pinaagi kang Cristo Jesus nagpahigawas kanako gikan sa balaod sa sala ug sa kamatayon.
cebuano_ang_biblia_pinadayag@Romans:8:3 @ Kay ang wala mahimo sa kasugoan nga nahuyang pinaagi sa unod, kini sa Dios nahimo, nga mao: nga sa pagpadala niya sa iyang kaugalingong Anak nga diha sa dagway sa usa ka masal-anon nga unod ug alang sa sala, ang sala diha sa unod iyang gihukman sa silot,
cebuano_ang_biblia_pinadayag@Romans:8:4 @ aron ang matarung nga gimbut-an sa kasugoan matuman sa sulod nato nga wala magkinabuhi uyon sa unod, kondili uyon sa Espiritu.
cebuano_ang_biblia_pinadayag@Romans:8:5 @ Kay ang mga nagakinabuhi uyon sa unod mga makilawasnon sa ilang panghunahuna, apan ang mga nagakinabuhi uyon sa Espiritu nagapanghunahuna sa mga butang sa Espiritu.
cebuano_ang_biblia_pinadayag@Romans:8:6 @ Ang panghunahuna alang sa unod mosangpot sa kamatayon, apan ang panghunahuna alang sa Espiritu mosangpot sa kinabuhi ug kalinaw.
cebuano_ang_biblia_pinadayag@Romans:8:7 @ Kay kaaway sa Dios ang panghunahuna nga alang sa unod; kini nagadumili sa pagpailalum sa kasugoan sa Dios, sa pagkatinuod dili kini makahimo sa pagpailalum niini;
cebuano_ang_biblia_pinadayag@Romans:8:8 @ ug ang mga anaa sa unod dili makapahimuot sa Dios.
cebuano_ang_biblia_pinadayag@Romans:8:9 @ Apan kamo wala diha sa unod, hinonoa anaa kamo sa Espiritu kon tinuod man nga ang Espiritu sa Dios nagapuyo diha sa sulod ninyo. Ang wala magbaton sa Espiritu ni Cristo dili iya ni Cristo.
cebuano_ang_biblia_pinadayag@Romans:8:10 @ ¶ Apan kon anaa si Cristo sa sulod ninyo, bisan patay kamog mga lawas tungod sa sala, ang inyong mga espiritu buhi tungod sa pagkamatarung.
cebuano_ang_biblia_pinadayag@Romans:8:11 @ Kon nagapuyo sa sulod ninyo ang Espiritu sa nagbanhaw kang Jesus gikan sa mga patay, siya nga nagbanhaw kang Cristo Jesus gikan sa mga patay magahatag usab ug kinabuhi nganha sa inyong mga kamatayong mga lawas pinaagi sa iyang Espiritu nga nagapuyo sa sulod ninyo.
cebuano_ang_biblia_pinadayag@Romans:8:12 @ Busa, mga igsoon, mga utangan kita, dili ngadto sa unod aron magkinabuhi kita uyon sa unod
cebuano_ang_biblia_pinadayag@Romans:8:13 @ kay mamatay kamo kon magkinabuhi kamo uyon sa unod, apan mabuhi kamo kon pinaagi sa Espiritu inyong patyon ang mga binuhatan sa lawas.
cebuano_ang_biblia_pinadayag@Romans:8:14 @ Kay ang tanang ginamandoan sa Espiritu sa Dios, mga anak sila sa Dios.
cebuano_ang_biblia_pinadayag@Romans:8:15 @ Kay wala kamo makadawat sa espiritu sa pagkaulipon aron mangahadlok na usab kamo, hinonoa maoy nadawat ninyo ang espiritu sa pagkainanak. Sa dihang managtuwaw kita sa pagpangamuyo nga magaingon, "Abba! Amahan!"
cebuano_ang_biblia_pinadayag@Romans:8:16 @ ang Espiritu gayud mao ang magapanghimatuod uban sa atong espiritu nga kita mga anak sa Dios,
cebuano_ang_biblia_pinadayag@Romans:8:17 @ ¶ ug nga kon kita mga anak, nan, mga manununod diay kita, mga manununod sa Dios ug mga isigkamanununod uban kang Cristo, kon moantus man kita uban kaniya aron pagahimayaon usab kita uban kaniya.
cebuano_ang_biblia_pinadayag@Romans:8:18 @ Giisip ko nga ang mga pag-antus niining panahona karon dili takus ikagtandi sa himaya nga igapadayag ra unya kanato.
cebuano_ang_biblia_pinadayag@Romans:8:19 @ Kay ang tibuok kabuhatan nagapaabut nga mahinamon sa pagkapinadayag sa mga anak sa Dios;
cebuano_ang_biblia_pinadayag@Romans:8:20 @ kay ang kabuhatan nailalum sa kakawangan, dili tungod sa kaugalingong pagbuot niini, kondili tungod sa pagbuot niya nga mao ang nagpahimutang niini diha, uban sa paglaum;
cebuano_ang_biblia_pinadayag@Romans:8:21 @ kay ang kabuhatan ipahigawas ra unya gikan sa kaulipnan sa pagkadunot, ug makaambit kini sa mahimayaong kagawasan sa mga anak sa Dios.
cebuano_ang_biblia_pinadayag@Romans:8:22 @ Nahibalo kita nga ang tibuok kabuhatan nanagduyog sa pag-agulo sa pagbati hangtud karon;
cebuano_ang_biblia_pinadayag@Romans:8:23 @ ug dili lamang ang kabuhatan ra, kondili kita gayud usab nga mga nanagpakabaton sa unang mga bunga sa Espiritu nagaagulo sa sulod nato samtang nagapaabut kita nga mahinamon nga pagasagupon ingon nga mga anak, nga mao ang pagtubos sa atong mga lawas.
cebuano_ang_biblia_pinadayag@Romans:8:24 @ Kay diha sa maong paglaum nangaluwas kita. Apan ang paglaum nga makita dili paglaum. Kay kinsa bay nagalaum alang sa butang nga iyang makita?
cebuano_ang_biblia_pinadayag@Romans:8:25 @ Apan kon magalaum kita alang sa butang nga dili makita, nan, magapaabut kita niini uban sa pailub.
cebuano_ang_biblia_pinadayag@Romans:8:26 @ ¶ Sa ingon usab nga paagi, ang Espiritu motabang kanato sa diha nga magmaluyahon kita; kay kita ugod dili man makamaong moampo sa hustong inampoan, apan ang Espiritu mao ang mangunay sa pagpangamuyo alang kanato uban ang laglum nga mga pag-agulo nga dili arang malitok sa pulong.
cebuano_ang_biblia_pinadayag@Romans:8:27 @ Ug siya nga mao ang nagasusi sa mga kasingkasing sa mga tawo nasayud kon unsa ang hunahuna sa Espiritu, kay ang Espiritu magapangamuyo man uyon sa kabubut-on sa Dios alang sa mga balaan.
cebuano_ang_biblia_pinadayag@Romans:8:28 @ Kita nasayud nga diha sa matag-usa ka butang ang Dios nagabuhat ug maayo uban kanila nga mga nahigugma kaniya ug mga tinawag sumala sa iyang katuyoan.
cebuano_ang_biblia_pinadayag@Romans:8:29 @ ¶ Kay sila nga mga giila niyang daan gikabut-an usab niyang daan nga mahisama sila sa dagway sa iyang Anak, aron kini siya mahimong maoy panganay sa daghang mga magsoon.
cebuano_ang_biblia_pinadayag@Romans:8:30 @ Ug sila nga gikabut-an niyang daan, iya usab sila nga gitawag; ug sila nga iyang gitawag, iya usab sila nga gimatarung; ug sila nga iyang gimatarung, iya usab sila nga gidala ngadto sa himaya.
cebuano_ang_biblia_pinadayag@Romans:8:31 @ ¶ Busa, unsa may atong ikasulti mahitungod niini? Kon ang Dios dapig kanato, kinsa pa man ang batok kanato?
cebuano_ang_biblia_pinadayag@Romans:8:32 @ Siya nga wala magpahigawas sa iyang kaugalingong Anak kondili mitugyan hinoon kaniya alang kanatong tanan, dili ba ihatag usab niya kanato ang tanang mga butang uban kaniya?
cebuano_ang_biblia_pinadayag@Romans:8:33 @ Kinsa ba ang mopasakag sumbong batok sa mga pinili sa Dios? Ang Dios mao ang nagapamatarung.
cebuano_ang_biblia_pinadayag@Romans:8:34 @ Kinsa man ang mopakanaug sa hukom sa silot? Siya ba si Cristo Jesus, ang namatay, oo, ang nabanhaw gikan sa mga patay, ang anaa karon sa too sa Dios, ang nagapangamuyo gayud alang kanato?
cebuano_ang_biblia_pinadayag@Romans:8:35 @ Kinsa ba ang makapahimulag kanato gikan sa gugma ni Cristo? Ang pag-antus ba, o ang kasakitan, o ang paglutos, o ang gutom, o ang kahubo, o ang katalagman, o ang espada ba?
cebuano_ang_biblia_pinadayag@Romans:8:36 @ Ingon sa nahisulat: Tungod kanimo ginapamatay kami sa tibuok nga adlaw; ginaisip kami nga daw mga karnero nga ilihawon."
cebuano_ang_biblia_pinadayag@Romans:8:37 @ Dili, hinonoa niining tanang mga butanga labaw pa kita ka mga mananaug pinaagi kaniya nga nahigugma kanato.
cebuano_ang_biblia_pinadayag@Romans:8:38 @ Kay masaligon ako nga walay kamatayon, o kinabuhi, o mga manolunda, o mga punoan, o mga butang karon, o mga butang umalabut, o mga gahum,
cebuano_ang_biblia_pinadayag@Romans:8:39 @ o kahabugon, o giladmon, o bisan unsa diha sa tibuok kabuhatan, nga arang makapahimulag kanato gikan sa gugma sa Dios, sa gugma nga anaa kang Cristo Jesus nga atong Ginoo.
cebuano_ang_biblia_pinadayag@Romans:9:1 @ ¶ Magasulti akog tinuod diha kang Cristo, dili ako magbakak; ang akong tanlag magasaksi kanako diha sa Espiritu Santo,
cebuano_ang_biblia_pinadayag@Romans:9:2 @ nga sa akong kasingkasing aduna akoy dakung kaguol ug walay paghunong nga kasakit.
cebuano_ang_biblia_pinadayag@Romans:9:3 @ Kay arang ko pa gani matinguha ang akong pagkatinunglo ug pagkasinalikway gikan kang Cristo alang sa kaayohan sa akong mga igsoon nga ako rang mga paryenti sa pagkatawo.
cebuano_ang_biblia_pinadayag@Romans:9:4 @ Sila mga Israelinhon, ug nailaha ang pagkainanak, ang kadungganan, ang mga pakigsaad, ang pagkahinatag sa kasugoan ang pagsimba, ug ang mga saad;
cebuano_ang_biblia_pinadayag@Romans:9:5 @ nailaha ang mga patriarca, ug gikan kanila, sa kaliwatan sumala sa pagkatawo, natawo si Cristo nga mao ang Dios nga anaa sa ibabaw sa tanan, dalaygon hangtud sa kahangturan. Amen.
cebuano_ang_biblia_pinadayag@Romans:9:6 @ ¶ Apan dili hinoon nga daw napakyas ang pulong sa Dios. Kay dili ang tanang misanay gikan kang Israel nasakop sa Israel,
cebuano_ang_biblia_pinadayag@Romans:9:7 @ ug dili ang tanan iyang mga anak ni Abraham bisan tuod mga kaliwat sila niya; apan, "Ang pinaagi kang Isaac maoy pagahinganlan nga imong mga kaliwat."
cebuano_ang_biblia_pinadayag@Romans:9:8 @ Sa ato pa, ang mga anak sa Dios dili mao kadtong mga anak pinaagi sa pagkatawo, kondili ang pagaisipon nga iyang mga kaliwat mao kadtong mga anak sumala sa gisaad.
cebuano_ang_biblia_pinadayag@Romans:9:9 @ Kay mao kini ang pulong sa saad, "Sa maong panahon mobalik ako dinhi ug si Sara makabaton ug usa ka anak nga lalaki."
cebuano_ang_biblia_pinadayag@Romans:9:10 @ Ug dili lamang kini ra, kondili usab sa diha nga si Rebeca nagsamkon pinaagi sa usa ka lalaki nga mao ang atong ginikanan nga si Isaac,
cebuano_ang_biblia_pinadayag@Romans:9:11 @ bisan sa wala pa mahimugso ang mga bata ug wala pa sila makahimog bisan unsa, maayo o dautan, aron magapadayon ang katuyoan sa Dios sa pagpamili nga daan, dili pinaagi sa mga buhat kondili pinaagi sa iyang pagtawag,
cebuano_ang_biblia_pinadayag@Romans:9:12 @ siya si Rebeca daan nang giingnan, "Ang magulang magaalagad sa manghud."
cebuano_ang_biblia_pinadayag@Romans:9:13 @ Sumala sa nahisulat, "Si Jacob akong gihigugma, apan si Esau akong gidumtan."
cebuano_ang_biblia_pinadayag@Romans:9:14 @ ¶ Nan, unsa may atong ikasulti? Nga wala ang hustisya diha sa Dios? Palayo kana!
cebuano_ang_biblia_pinadayag@Romans:9:15 @ Kay siya nagaingon kang Moises, "Magakalooy ako kanila nga akong pagakaloy-an, ug magamapuanguron ako kanila nga akong pagahatagan sa puangod."
cebuano_ang_biblia_pinadayag@Romans:9:16 @ Busa magaagad diay kini dili sa kabubut-on sa tawo o sa iyang paningkamot, kondili sa kalooy sa Dios.
cebuano_ang_biblia_pinadayag@Romans:9:17 @ Kay ang kasulatan nagaingon kang Faraon, "Gipatindog ko ikaw aron nga pinaagi kanimo ikapadayag ang akong gahum, aron ang akong ngalan ikasangyaw diha sa tibuok nga yuta."
cebuano_ang_biblia_pinadayag@Romans:9:18 @ Busa ang Dios may kalooy kang bisan kinsa sumala sa iyang pagbuot, ug siya nagapatig-a sa kasingkasing ni bisan kinsa sumala sa iyang pagbuot.
cebuano_ang_biblia_pinadayag@Romans:9:19 @ Moingon ikaw kanako, "Nan, nganong mobasol pa man lagi siya? Kinsa may arang makababag sa iyang pagbuot?"
cebuano_ang_biblia_pinadayag@Romans:9:20 @ Apan kinsa ka man, ikaw nga tawo, nga magatubagtubag sa Dios? Ang hinulma magaingon ba sa iyang maghuhulma, "Nganong giingon man ako nimo niini pagbuhat?"
cebuano_ang_biblia_pinadayag@Romans:9:21 @ Wala ba diay ing kagahum ang magkokolon ibabaw sa lapok nga kolonon, ug gikan sa mao rang usa ka umol, sa paghimog usa ka sudlanan alang sa halangdong kagamitan ug sa laing sudlanan alang sa timawa nga kagamitan?
cebuano_ang_biblia_pinadayag@Romans:9:22 @ Unsa man kon, sa tinguha sa Dios sa pagpadayag sa iyang kapungot ug pagpaila sa iyang gahum, sa mapailubon gayud giantus niya ang mga sudlanan nga gikapungtan nga gipanghimo aron pagalaglagon,
cebuano_ang_biblia_pinadayag@Romans:9:23 @ sa pag-antus aron sa pagpaila sa kadagaya sa iyang himaya alang sa mga sudlanan nga ginakaloy-an, nga giandam niyang daan aron pagahimayaon,
cebuano_ang_biblia_pinadayag@Romans:9:24 @ nga mao kita nga iyang gitawag, dili gikan sa mga Judio lamang kondili gikan sa mga Gentil usab?
cebuano_ang_biblia_pinadayag@Romans:9:25 @ ¶ Sa ingon gayud siya nagsulti diha sa basahon ni Oseas, nga nag-ingon: Ang dili akong mga tawo pagatawgon ko nga `akong mga tawo,' ug ang babaye nga dili pinalangga pagatawgon ko nga `akong pinalangga.'"
cebuano_ang_biblia_pinadayag@Romans:9:26 @ "Ug sa dapit diin giingnan sila, `Kamo dili akong mga tawo,' didto pagatawgon sila nga `mga anak sa Dios nga buhi.'"
cebuano_ang_biblia_pinadayag@Romans:9:27 @ Ug mahitungod kang Israel, si Isaias nagatuwaw nga nagaingon: "Bisan pa kon ang gidaghanon sa mga anak ni Israel ingon sa balas sa dagat, sila lamang nga mahisalin mao ang mangaluwas;
cebuano_ang_biblia_pinadayag@Romans:9:28 @