Bible:
Filter: String:

OT-POET.filter - cebuano_ang_biblia_pinadayag :

cebuano_ang_biblia_pinadayag@Job:1:1 @ ¶ Dinhay usa ka tawo sa yuta sa Hus, kinsang ngalan mao si Job; ug kadtong tawohana hingpit ug matarung, ug usa nga mahadlokon sa Dios, ug nagapahilayo sa dautan.

cebuano_ang_biblia_pinadayag@Job:1:2 @ Ug kaniya may natawo nga pito ka anak nga lalake ug totolo ka anak nga babaye.

cebuano_ang_biblia_pinadayag@Job:1:3 @ Ug ang iyang katigayonan usab, pito ka libo nga carnero ug totolo ka libo nga camello, ug lima ka gatus nga pares nga vaca, ug lima ka gatus nga asnong baye, ug daku uyamut nga panimalay; mao nga kining tawohana maoy labing bantugan sa tanang mga anak sa sidlakan.

cebuano_ang_biblia_pinadayag@Job:1:4 @ ¶ Ug ang iyang mga anak nanglakaw ug naghimo ug usa ka combira sa balay sa tagsatagsa sa iyang adlawng natawohan; ug nagsugo sila sa pagpadapit sa totolo nila ka igsoong babaye aron sa pagpangaon ug sa pag-inum uban kanila.

cebuano_ang_biblia_pinadayag@Job:1:5 @ Ug mao kadto sa nangagi na ang mga adlaw sa ilang mga pagcombira, nga si Job nagpasugo ug nagbalaan kanila, ug misayo pagmata sa pagkabuntag, ug naghalad ug mga halad-nga-sinunog, sumala sa gidaghanon nilang tanan, kay miingon si Job: Tingali nakasala ang akong mga anak nga lalake, ug nagpasipala sa Dios diha sa ilang mga kasingkasing. Kini mao ang gihimo ni Job sa kanunay.

cebuano_ang_biblia_pinadayag@Job:1:6 @ ¶ Karon nahitabo sa diha nga ang mga anak sa Dios nanuol sa pagpakita sa atubangan ni Jehova, si Satanas miduol usab sa taliwala nila.

cebuano_ang_biblia_pinadayag@Job:1:7 @ Ug si Jehova miingon kang Satanas: Diin ka gikan? Unya si Satanas mitubag kang Jehova, ug miingon: Gikan sa akong pagsuroysuroy didto sa yuta, ug gikan sa akong pagsaka ug pagkanaug niini.

cebuano_ang_biblia_pinadayag@Job:1:8 @ Ug si Jehova miingon kang Satanas; Gipalandong mo ba si Job nga akong alagad? Kay walay sama kaniya diha sa yuta, hingpit ug matarung nga tawo, usa nga mahadlokon sa Dios, ug nagapahilayo sa dautan.

cebuano_ang_biblia_pinadayag@Job:1:9 @ Unya mitubag si Satanas kang Jehova, ug miingon: Mahadlok ba lamang si Job sa Dios sa walay hinungdan?

cebuano_ang_biblia_pinadayag@Job:1:10 @ Wala ba ikaw mag-alad kaniya, ug libut sa iyang balay, ug libut sa tanan niyang butang, sa tanang kiliran? gipanalanginan mo ang buhat sa iyang mga kamot, ug ang iyang mga katigayonan nagadugang sa ibabaw sa yuta.

cebuano_ang_biblia_pinadayag@Job:1:11 @ Apan bakyawa karon ang imong kamot, ug tanduga ang tanan nga anaa kaniya, ug siya magapasipala kanimo sa atubangan sa imong nawong.

cebuano_ang_biblia_pinadayag@Job:1:12 @ Ug si Jehova miingon kang Satanas: Ania karon, ang tanan nga anaa kaniya anaa sa imong kamot; ayaw lamang pagtanduga sa iyang kaugalingon. Busa milakaw si Satanas gikan sa atubangan ni Jehova.

cebuano_ang_biblia_pinadayag@Job:1:13 @ ¶ Ug nahitabo sa adlaw nga ang mga anak nga lalake ug babaye nangaon ug nanginum sa vino didto sa balay sa ilang kamagulangan nga lalake,

cebuano_ang_biblia_pinadayag@Job:1:14 @ Nga miabut ang usa ka sinugo ngadto kang Job, ug miingon: Ang mga vaca gipanagdaro, ug ang mga asno nanagsibsib duol kanila;

cebuano_ang_biblia_pinadayag@Job:1:15 @ Ug ang mga Sabeohanon mingdasmag , ug kini gikuha: oo, ilang gipamatay ang mga sulogoon sa sulab sa pinuti; ug ako lamang usara ang nakakalagiw sa pagsugilon kanimo.

cebuano_ang_biblia_pinadayag@Job:1:16 @ Sa diha nga nagsulti pa siya, may lain usab nga miabut, ug miingon: Ang kalayo sa Dios nahulog gikan sa langit, ug nasunog ang mga carnero ug ang mga sulogoon, ug giut-ut sila; ug ako lamang usara ang nakakalagiw sa pagsugilon kanimo.

cebuano_ang_biblia_pinadayag@Job:1:17 @ Sa diha nga nagasulti pa siya, may lain usab nga miabut, ug miingon: Ang mga Caldeahanon nagbahin sa totolo ka pundok, ug mingdasmag sa camello, ug gidala kini: oo, ug ilang gipamatay ang mga sulogoon sa sulab sa pinuti; ako lamang usara ang nakakalagiw sa pagsugilon kanimo.

cebuano_ang_biblia_pinadayag@Job:1:18 @ Sa diha nga nagsulti pa siya, may lain usab nga miabut, ug miingon: Ang imong mga anak nga lalake ug ang imong mga anak nga babaye nangaon ug nanginum ug vino sa balay sa ilang magulang nga lalake;

cebuano_ang_biblia_pinadayag@Job:1:19 @ Ug, ania karon, dihay usa ka dakung hangin nga miabut gikan sa kamingawan, ug gilapdusan ang upat ka ngilit sa balay, ug ang mga batan-on natumbahan niini, ug sila nangamatay; ug ako lamang usara ang nakakalagiw sa pagsugilon kanimo.

cebuano_ang_biblia_pinadayag@Job:1:20 @ ¶ Unya si Job mitindog, ug gigisi ang iyang bisti, ug gialutan ang iyang ulo, ug mihapa sa yuta, ug misimba;

cebuano_ang_biblia_pinadayag@Job:1:21 @ Ug miingon siya: Ako hubo nga migula sa tiyan sa akong inahan, ug hubo ako nga mopauli didto. Si Jehova mihatag, ug si Jehova mikuha; bulahan ang ngalan ni Jehova.

cebuano_ang_biblia_pinadayag@Job:1:22 @ Niining tanan si Job wala makasala, wala usab niya butangbutangi si Jehova sa binuang.

cebuano_ang_biblia_pinadayag@Job:2:1 @ ¶ Ug nahitabo na sa adlaw nga ang mga anak sa Dios nanuol sa pagpakita sa ilang kaugalingon sa atubangan ni Jehova, nga si Satanas miduol usab uban kanila, aron sa pagpakita sa iyang kaugalingon sa atubangan ni Jehova.

cebuano_ang_biblia_pinadayag@Job:2:2 @ Ug si Jehova miingon kang Satanas: Diin ka ba gikan? Ug si Satanas mitubag kang Jehova, ug miingon: Gikan sa akong pagsuroysuroy sa yuta, ug gikan sa pagsaka ug sa pagkanaug niini.

cebuano_ang_biblia_pinadayag@Job:2:3 @ Ug si Jehova miingon kang Satanas: Gipalandong mo ba ang akong sulogoon nga si Job? kay walay sama kaniya diha sa yuta, usa ka tawong hingpit ug matarung mahadlokon siya sa Dios, ug nagpahilayo sa dautan; ug siya nagapadayon gihapon sa iyang katul-id, bisan ako giagda mo batok kaniya, aron sa paglaglag kaniya sa walay hinungdan.

cebuano_ang_biblia_pinadayag@Job:2:4 @ Ug si Satanas mitubag kang Jehova, ug miingon: Ang panit tungod sa panit, oo, ang tanan nga iya sa usa ka tawo iyang ihatag tungod sa iyang kinabuhi.

cebuano_ang_biblia_pinadayag@Job:2:5 @ Apan bakyawa karon ang imong kamot, ug tanduga ang iyong bukog ug ang iyang unod ug siya mopasipala kanimo sa atubangan sa imong nawong.

cebuano_ang_biblia_pinadayag@Job:2:6 @ Ug si Jehova miingon kang Satanas: Ania karon, anaa siya sa imong kamot; ipagawas lamang ang iyang kinabuhi.

cebuano_ang_biblia_pinadayag@Job:2:7 @ ¶ Busa milakaw si Satanas gikan sa atubangan ni Jehova, ug gihampak si Job ug mga hubag nga mahapdos gikan sa lapalapa sa iyang tiil hangtud sa alimpulo.

cebuano_ang_biblia_pinadayag@Job:2:8 @ Ug siya mikuha ug usa ka bika aron maoy iyang ikalot: ug mipungko siya sa taliwala sa mga abo.

cebuano_ang_biblia_pinadayag@Job:2:9 @ Unya miingon ang iyang asawa kaniya: Mopadayon ka ba gihapon sa imong pagkamatarung? tungloha ang Dios, ug magpakamatay ka.

cebuano_ang_biblia_pinadayag@Job:2:10 @ Apan siya miingon kaniya: Ikaw nagasulti ingon sa usa sa mga babayeng buang nga nagasulti. Unsa? modawat ba kita sa maayo gikan sa kamot sa Dios, ug dili kita modawat sa dautan? Niining tanan si Job wala makasala pinaagi sa iyang mga ngabil.

cebuano_ang_biblia_pinadayag@Job:2:11 @ ¶ Sa pagkadungog karon sa totolo ka higala ni Job niining mga kadautan nga mingdangat kaniya, ming-adto sila nga tagsatagsa gikan sa iyang kaugalingong dapit; si Eliphaz ang Temanitanhon, si Bildad ang Shitanhon, ug si Sophar ang Naamithitanhon; ug sila nanagsabut nga modu-aw aron sa pagduyog sa iyang kasakit ug paglipay kaniya.

cebuano_ang_biblia_pinadayag@Job:2:12 @ Ug sa pagyahat nila sa ilang mga mata sa halayo, ug wala makaila kaniya, naninggit sila, ug nanghilak; ug sila nanggisi, ang tagsatagsa kanila sa iyang bisti, ug mingsaliyab ug abug sa langit sa ibabaw sa ilang mga ulo.

cebuano_ang_biblia_pinadayag@Job:2:13 @ Busa nanglingkod sila sa yuta uban kaniya pito ka adlaw ug pito ka gabii, ug walay mausa nga misulti ug usa ka pulong kaniya: kay nakita man nila nga ang iyang kaguol daku uyamut.

cebuano_ang_biblia_pinadayag@Job:3:1 @ ¶ Sa tapus niini mibungat si Job sa iyang baba, ug gipanghimaraut ang iyang adlaw.

cebuano_ang_biblia_pinadayag@Job:3:2 @ Ug si Job mitubag ug miingon:

cebuano_ang_biblia_pinadayag@Job:3:3 @ Wagtanga ang adlaw nga akong gikatawohan, Ug ang gabii nga miingon: Adunay usa ka bata nga lalake nga gipanamkon.

cebuano_ang_biblia_pinadayag@Job:3:4 @ Ngitngita kanang adlawa; Ayaw ipapangita kana sa Dios ka kahitas-an, Ni pagpasidlakon ang kahayag sa ibabaw niana.

cebuano_ang_biblia_pinadayag@Job:3:5 @ Pasagdi ang kangitngit ug ang landong sa kamatayon sa pag-angkon niana nga ilang kaugalingon; Ang panganod papuy-a sa ibabaw niana; Kadtong tanan nga nagahimog itum sa adlaw pahadloka niana.

cebuano_ang_biblia_pinadayag@Job:3:6 @ Mahitungod nianang gabhiona, ipasakup kana sa mabaga nga kangitngit: Ayaw kana pagpalipaya uban sa mga adlaw sa tuig; ayaw kana pag-ilakip pag-isip uban sa mga bulan.

cebuano_ang_biblia_pinadayag@Job:3:7 @ Ah, himoang awa-aw kanang gabhiona; Ayaw pagpasudla dinha ang tingog nga malipayon.

cebuano_ang_biblia_pinadayag@Job:3:8 @ Ipatunglo sila nga tigtunglo sa adlaw, Nga andam sa pagpalihok sa leviathan?

cebuano_ang_biblia_pinadayag@Job:3:9 @ Pangitngita ang mga bitoon sa pagkasalumsom: Papangitaa kana sa kahayag, apan ayaw pagtunghai; Ni pagpatan-awon kana sa banag-banag sa kabuntagon:

cebuano_ang_biblia_pinadayag@Job:3:10 @ Tungod kay wala man tak-umi niana ang mga ganghaan sa tagoangkan sa akong , Ni pagtagoan ang kasamok gikan sa akong mata.

cebuano_ang_biblia_pinadayag@Job:3:11 @ ¶ Ngano nga ako wala mamatay sa tagoangkan? Ngano nga sa pag-anak kanako sa akong inahan wala mabugto ang akong gininhawa?

cebuano_ang_biblia_pinadayag@Job:3:12 @ Ngano nga ang mga tuhod mingdawat kanako? Kun sa unsa ang mga dughan nga akong pagasus-an?

cebuano_ang_biblia_pinadayag@Job:3:13 @ Kay karon nakahigda na unta ako ug nahilum; Ako nakatulog na unta; nan ako nakapahulay na unta,

cebuano_ang_biblia_pinadayag@Job:3:14 @ Uban sa mga hari ug mga makinaadmanon sa kalibutan, Nga nanagtukod alang sa ilang kaugalingong mga dapit nga kamingawan;

cebuano_ang_biblia_pinadayag@Job:3:15 @ Kun uban sa mga principe nga may mga bulawan, Nga gipuno sa salapi ang ilang kabalayan:

cebuano_ang_biblia_pinadayag@Job:3:16 @ Kun ngano nga wala ako katagoi ingon sa natawo sa dili panahon, Sama sa mga magagmayng bata nga wala gayud makakitag kahayag.

cebuano_ang_biblia_pinadayag@Job:3:17 @ Didto ang dautan dili na makasamok; Ug didto ang mga gikapuyan nagapahulay,

cebuano_ang_biblia_pinadayag@Job:3:18 @ Didto ang mga binilanggo magapahulay ug tingub; Kanila dili mabati ang tingog sa magsusukot sa buhis.

cebuano_ang_biblia_pinadayag@Job:3:19 @ Ang mga ubos ug ang mga bantugan atua didto: Ug ang mga binatonan gawas sa iyang agalon.

cebuano_ang_biblia_pinadayag@Job:3:20 @ ¶ Busa ang kahayag gihatag kaniya nga anaa sa kaalaut, Ug ang kinabuhi ngadto sa mga mapait ug kalag;

cebuano_ang_biblia_pinadayag@Job:3:21 @ Nga nangandoy sa kamatayon, apan kini wala moabut, Ug nagapangita niini labi pa kay sa mga bahanding tinagoan;

cebuano_ang_biblia_pinadayag@Job:3:22 @ Nga nagakalipay ug daku uyamut, Ug mahimayaon, kong ang lubnganan ilang hikaplagan?

cebuano_ang_biblia_pinadayag@Job:3:23 @ gihatag sa tawo kinsang dalan tinagoan, Ug nga sa Dios ginakutan?

cebuano_ang_biblia_pinadayag@Job:3:24 @ Kay ang akong pagpanghupaw magauna sa akong pagkaon, Ug ang akong pag-agulo ginabubo sama sa tubig.

cebuano_ang_biblia_pinadayag@Job:3:25 @ Kay ang butang nga akong gikahadlokan midangat kanako, Ug ang akong gikalisangan miabut kanako.

cebuano_ang_biblia_pinadayag@Job:3:26 @ Wala na kanako ang kalinaw, ni ania kanako ang kahilum, ni ania kanako ang pahulay; Apan ang kasamok moabut man.

cebuano_ang_biblia_pinadayag@Job:4:1 @ ¶ Unya mitubag si Eliphaz ang Temanitanhon, ug miingon:

cebuano_ang_biblia_pinadayag@Job:4:2 @ Kong may mosulay sa pagpakigsulti kanimo, maguol ba ikaw? Apan kinsa ang makapugong sa iyang kaugalingon sa pagsulti?

cebuano_ang_biblia_pinadayag@Job:4:3 @ Ania karon, daghan ang imong natudloan, Ug ikaw nakalig-on sa mga mahuyang ug kamot.

cebuano_ang_biblia_pinadayag@Job:4:4 @ Ang imong mga pulong nakaagak niadtong nagakapukan, Ug imong gibaskog ang mga mahuyang ug tuhod

cebuano_ang_biblia_pinadayag@Job:4:5 @ Apan karon midangat na kini kanimo, ug ikaw naluya; Kini nagtandug kanimo ug ikaw nasamukan.

cebuano_ang_biblia_pinadayag@Job:4:6 @ Dili ba ang imong kahadlok maoy imong saliganan, ang pagkatul-id sa imong mga dalan maoy imong ginalauman?

cebuano_ang_biblia_pinadayag@Job:4:7 @ ¶ Hinumdumi, ipakilooy ko kanimo, kinsa ba ang nawagtang nga walay sala? Kun hain ba ang matul-id nga ginalaglag?

cebuano_ang_biblia_pinadayag@Job:4:8 @ Sumala sa akong nakita kadtong magadaro ug kasal-anan, Ug magapugas ug kasamok, magaani sa mao usab.

cebuano_ang_biblia_pinadayag@Job:4:9 @ Pinaagi sa gininhawa sa Dios nalaglag sila, Ug pinaagi sa unos sa kasuko niya nangaut-ut sila.

cebuano_ang_biblia_pinadayag@Job:4:10 @ Ang pagngulob sa leon, ug ang tingog sa mabangis nga leon, Ug ang tango sa mga gagmayng leon, nangahingo.

cebuano_ang_biblia_pinadayag@Job:4:11 @ Ang tigulang nga leon mamatay tungod sa kakulang sa tukbonon, Ug ang mga anak sa leon nga baye nagakatibulaag sa halayo.

cebuano_ang_biblia_pinadayag@Job:4:12 @ ¶ Karon usa ka butang gitaho kanako sa tago, Ug ang akong igdulungog nakadawat sa usa ka hungihong niini.

cebuano_ang_biblia_pinadayag@Job:4:13 @ Sa mga panumduman nga gikan sa panan-awon sa kagabhion, Sa diha nga ang mga katawohan anaa sa dakung paghinanok,

cebuano_ang_biblia_pinadayag@Job:4:14 @ Ming-abut kanako ang kakulba ug pagkurog, Nga nakauyog sa tanan ko nga kabukogan.

cebuano_ang_biblia_pinadayag@Job:4:15 @ Unya sa akong atubangan milabay ang usa ka espiritu; Ang balhibo sa akong lawas mitindog.

cebuano_ang_biblia_pinadayag@Job:4:16 @ Kini mihunong, apan wala ako makakita sa dagway niini; Sa atubangan sa akong mga mata dihay usa ka anino: dakung kahilum, ug nabati ko ang usa ka tingog, :

cebuano_ang_biblia_pinadayag@Job:4:17 @ Ang tawo nga may kamatayon molabaw ba sa pagkamatarung sa Dios? Molabaw ba ang tawo sa kaputli sa iyang Magbubuhat?

cebuano_ang_biblia_pinadayag@Job:4:18 @ Ania karon, siya wala magbaton ug pagsalig sa iyang mga alagad; Ug sa iyang mga manolonda siya nakatimaan ug kahungog:

cebuano_ang_biblia_pinadayag@Job:4:19 @ Labi na gayud kadtong nagapuyo sa mga balay nga lapok, Kang kinsang patukoranan anaa sa abug, Nga ginadugmok una pa sa mga anunogba!

cebuano_ang_biblia_pinadayag@Job:4:20 @ Sila ginalaglag sukad sa kabuntagon hangtud sa kagabhion: Mangawagtang sila sa walay katapusan ug walay tawo nga makatimaan niini.

cebuano_ang_biblia_pinadayag@Job:4:21 @ Dili ba makuha ang ilang kabantug nga anaa kanila? Sila mangamatay, ug kana walay kaalam.

cebuano_ang_biblia_pinadayag@Job:5:1 @ ¶ Sumangpit ka karon; anaa ba ing bisan kinsa nga motubag kanimo? Ug kinsa sa mga balaan ang imong kapasingadtoan?

cebuano_ang_biblia_pinadayag@Job:5:2 @ Kay ang kalibog mopatay sa tawong buang-buang, Ug ang kasina molaglag sa tawong pahong.

cebuano_ang_biblia_pinadayag@Job:5:3 @ Nakita ko ang buang nga nakagamot: Apan sa gilayon gihimaraut ko ang iyang puloy-anan.

cebuano_ang_biblia_pinadayag@Job:5:4 @ Ang iyang mga anak halayo sa kaluwasan, Ug sa ganghaan sila nangadugmok, Sila walay bisan kinsa nga magaluwas kanila:

cebuano_ang_biblia_pinadayag@Job:5:5 @ Ang iyang alanihon sa mga gigutom pagakan-on, Ug kana, bisan sa katunokan pagakuhaon; Ug ang giuhaw sa bahandi motulon.

cebuano_ang_biblia_pinadayag@Job:5:6 @ ¶ Kay ang kasakit dili magagikan sa abug, Ni ang kasamok magagula gikan sa yuta:

cebuano_ang_biblia_pinadayag@Job:5:7 @ Apan ang tawo ngadto sa kasakit natawo, Ingon nga ang aligato sa itaas mopaingon.

cebuano_ang_biblia_pinadayag@Job:5:8 @ Apan sa akong bahin, ang Dios maoy akong pangitaon, Ug sa Dios ang akong tuyo adto ko igatugyan;

cebuano_ang_biblia_pinadayag@Job:5:9 @ Nga nagabuhat sa mga dagkung butang ug dili matukib, Mga butang katingalahan nga dili maihap;

cebuano_ang_biblia_pinadayag@Job:5:10 @ Nga sa kalibutan nagahatag ug ulan, Ug sa kabaulan nagpadala ug tubig;

cebuano_ang_biblia_pinadayag@Job:5:11 @ Sa pagkaagi nga kadtong mga atua sa ubos ngadto sa itaas iyang gipahamutang, Ug kadtong nanagbakho ngadto sa kaluwasan ginabayaw.

cebuano_ang_biblia_pinadayag@Job:5:12 @ Siya magasumpo sa mga hunahuna sa malimbungon, Sa pagkaagi nga ang ilang mga kamot dili makahimo sa ilang mga bulohaton.

cebuano_ang_biblia_pinadayag@Job:5:13 @ Siya magadakup sa mga maalam diha sa ilang kaugalingong kabatid: Ug ang sabutsabut sa mga guatsinanggo mahimong pakyas.

cebuano_ang_biblia_pinadayag@Job:5:14 @ Ang kadulom maoy ilang ihibalag sa maadlaw, Ug sa udto magasukarap sila ingon sa magabii.

cebuano_ang_biblia_pinadayag@Job:5:15 @ Apan siya nagaluwas gikan sa espada sa ilang baba, Bisan ang mga kabus gikan sa kamot sa mga makagagahum.

cebuano_ang_biblia_pinadayag@Job:5:16 @ Busa ang kabus may palaabuton, Ug ang kasal-anan magatak-om sa baba niya.

cebuano_ang_biblia_pinadayag@Job:5:17 @ ¶ Ania karon, bulahan ang tawo nga pagabadlongon sa Dios: Busa ayaw pagbiaybiay sa mga castigo sa Makagagahum.

cebuano_ang_biblia_pinadayag@Job:5:18 @ Kay siya magahatag sa sakit ug pagabugkosan; Siya magasamad ug ang iyang mga kamot maoy magaayo.

cebuano_ang_biblia_pinadayag@Job:5:19 @ Siya magaluwas kanimo sa unom ka kasamok; Oo, sa pipito ang kadaut dili makadapat kanimo.

cebuano_ang_biblia_pinadayag@Job:5:20 @ Sa tinggutom magaluwas siya kanimo gikan sa kamatayon; Ug sa gubat gikan sa kagahum sa espada.

cebuano_ang_biblia_pinadayag@Job:5:21 @ Ikaw pagatagoan gikan sa hampak sa dila; Ni malisang ikaw sa pagkalaglag sa modangat kini.

cebuano_ang_biblia_pinadayag@Job:5:22 @ Ang pagkalaglag ug tinggutom imong pagakataw-an; Ni malisang ikaw sa mga mananap sa yuta.

cebuano_ang_biblia_pinadayag@Job:5:23 @ Kay ikaw magpakig-uyon sa mga bato sa kapatagan; Ug ang mga mananap sa kapatagan makigdait kanimo.

cebuano_ang_biblia_pinadayag@Job:5:24 @ Ug ikaw masayud nga ang imong balong-balong anaa sa pakigdait; Ug ikaw modu-aw sa imong pinuy-anan ug kanimo walay mawala.

cebuano_ang_biblia_pinadayag@Job:5:25 @ Ikaw masayud usab nga ang imong kaliwat mahimong daku, Ug ang imong anak sama sa kabalilihan sa yuta.

cebuano_ang_biblia_pinadayag@Job:5:26 @ Ikaw moadto sa imong lubnganan sa hingkud nga panuigon, Sama sa usa ka tapok sa trigo nga maani sa iyang panahon.

cebuano_ang_biblia_pinadayag@Job:5:27 @ Ania karon, kana atong gisusi, busa mao man kana; Patalinghugi kana, ug kana tulotimbanga alang sa imong kaayohan.

cebuano_ang_biblia_pinadayag@Job:6:1 @ ¶ Unya si Job mitubag ug miingon:

cebuano_ang_biblia_pinadayag@Job:6:2 @ Ah, kong gitimbang pa lamang unta ang akong pag-agulo, Ug gipahaluna sa timbangan ang tanan ko nga kagul-anan!

cebuano_ang_biblia_pinadayag@Job:6:3 @ Kay karon kini mabug-at labi pa kay sa balas sa mga dagat: Busa, nahinanali ang akong mga pulong.

cebuano_ang_biblia_pinadayag@Job:6:4 @ Kay ang pana sa Makagagahum kanako mingtaroy, Ug sa hilo niana ang akong kalag nagainum: Ug ang mga kalisang sa Dios nakiggubat batok kanako.

cebuano_ang_biblia_pinadayag@Job:6:5 @ Magabihihi ba ang asnong ihalas kong siya may balili? Kun magainga ba ang vaca sa ibabaw sa iyang kompay?

cebuano_ang_biblia_pinadayag@Job:6:6 @ Ang butang nga walay lami makaon ba kong walay asin? Kun ang puti sa itlog aduna bay lami?

cebuano_ang_biblia_pinadayag@Job:6:7 @ Ang akong kalag magadumili sa paghikap ; Sila sama sa mga kalan-on nga maluod kanako.

cebuano_ang_biblia_pinadayag@Job:6:8 @ ¶ Oh nga itugot unta kanako ang akong ginapangayo; Ug ang Dios magahatag kanako sa butang nga akong ginapangandoy!

cebuano_ang_biblia_pinadayag@Job:6:9 @ Bisan kini kong makapahimuot sa Dios sa pagdugmok kanako; Nga buhian unta niya ang iyang kamot, ug putlon ako!

cebuano_ang_biblia_pinadayag@Job:6:10 @ Ug mao kana unta ang akong kalipay, Oo, pakasadyaa ako sa kasakit nga dili mopagawas, Nga ako wala maglimod sa mga pulong sa Balaan.

cebuano_ang_biblia_pinadayag@Job:6:11 @ Unsa ba ang akong kusog, nga ako magapaabut man? Ug unsa ang akong katapusan nga ako magapailob?

cebuano_ang_biblia_pinadayag@Job:6:12 @ Ang akong kusog, kusog ba sa mga bato? Kun ang akong unod tumbaga ba?

cebuano_ang_biblia_pinadayag@Job:6:13 @ Dili ba mao man nga ako walay katabang gikan sa akong kaugalingon, Ug nga ang kaalam gipapahawa na gikan kanako?

cebuano_ang_biblia_pinadayag@Job:6:14 @ ¶ Kaniya nga hapit na mautas, kinahanglan nga ang usa ka higala magpadayag sa kalolot; Bisan niadtong magabiya sa kahadlok sa Makagagahum.

cebuano_ang_biblia_pinadayag@Job:6:15 @ Ang akong kaigsoonan nagpaila kanako nga mga malimbongon sama sa usa ka sapa, Sama sa tubig sa kasapaan nga mangagi sa madali;

cebuano_ang_biblia_pinadayag@Job:6:16 @ Nga maitum tungod sa yelo, diin ang nieve magatago.

cebuano_ang_biblia_pinadayag@Job:6:17 @ Sa panahon nga sila mainit-init, sila mangawala, Sa mating-init, mangawagtang sila sa ilang dapit.

cebuano_ang_biblia_pinadayag@Job:6:18 @ Ang mga magbabaklay sa ilang dalan managlikay; Sila mangadto sa kausikan, ug mangawagtang.

cebuano_ang_biblia_pinadayag@Job:6:19 @ Ang mga panon sa mga magbabaklay sa Teman mingtan-aw, Ang mga kapundokan sa Saba minghulat kanila.

cebuano_ang_biblia_pinadayag@Job:6:20 @ Sila gipakaulawan kay sila minglaum; Sila nanganhi ug nangalibug.

cebuano_ang_biblia_pinadayag@Job:6:21 @ Kay karon kamo wala nay hinungdan; Nakatan-aw kamo ug usa ka kalisang, ug nangahadlok kamo.

cebuano_ang_biblia_pinadayag@Job:6:22 @ ¶ Nag-ingon ba ako: Ihatag kanako? Kun, Hatagi ako ug gasa gikan sa inyong bahandi?

cebuano_ang_biblia_pinadayag@Job:6:23 @ Kun, Luwasa ako gikan sa kamot sa kaaway? Kun, Bawia ako gikan sa kamot sa mga malupigon?

cebuano_ang_biblia_pinadayag@Job:6:24 @ Tudloi ako ug ako mohilum; Ug pasabta ako kong hain ako masayup.

cebuano_ang_biblia_pinadayag@Job:6:25 @ Daw unsa ka ugdang ang mga pulong sa katul-id! Apan ang inyong pagbadlong, unsay gibadlong niana?

cebuano_ang_biblia_pinadayag@Job:6:26 @ Naghunahuna ba kamo sa pagbadlong sa mga pulong, Kay nakita ang mga pakigpulong sa usa nawad-an sa paglaum sama sa hangin?

cebuano_ang_biblia_pinadayag@Job:6:27 @ Oo, kamo morifa tungod sa mga ilo, Ug igabaligya ang inyong mga higala.

cebuano_ang_biblia_pinadayag@Job:6:28 @ Busa karon ikahimuot ninyo ang pagsud-ong kanako; Kay sa pagkamatuod ako dili magbakak sa inyong atubangan.

cebuano_ang_biblia_pinadayag@Job:6:29 @ Bumalik, ipakilooy ko kaninyo, isalikway ang pagkadili-matarung; Oo, bumalik pag-usab, ang akong tinguha matarung.

cebuano_ang_biblia_pinadayag@Job:6:30 @ Anaa bay dili matarung sa akong dila? Dili ba ang akong igtitilaw makaila sa mga butang nga malaw-ay?

cebuano_ang_biblia_pinadayag@Job:7:1 @ ¶ Ang tawo wala bay panahon sa pag-alagad diha ibabaw sa yuta? Dili ba ang iyang mga adlaw sama sa mga adlaw sa usa ka sinuholan?

cebuano_ang_biblia_pinadayag@Job:7:2 @ Ingon sa usa ka sulogoon nga nagatinguha ug daku uyamut sa anino, Ug ingon sa usa ka sinuholan nga nagapangita sa iyang suhol:

cebuano_ang_biblia_pinadayag@Job:7:3 @ Ingon man ako gihimo aron mahiagum sa mga bulan sa kaalaut, Ug mga gabii nga makapuol gitudlo kanako.

cebuano_ang_biblia_pinadayag@Job:7:4 @ Sa magahigda ako, magaingon, Anus-a pa ako mobangon, ug ang gabii moagi? Ug kanunay ra akong nagalisoliso hangtud sa pagbanagbanag sa adlaw.

cebuano_ang_biblia_pinadayag@Job:7:5 @ Ang akong unod naputos sa mga ulod ug sa mga abug nga tibukol; Ang akong panit namuto ug makaluod.

cebuano_ang_biblia_pinadayag@Job:7:6 @ Ang akong mga adlaw labing matulin kay sa lansadera sa maghahabol, Ug natapus nga walay paglaum.

cebuano_ang_biblia_pinadayag@Job:7:7 @ ¶ Oh hinumdumi nga ang akong kinabuhi usa lamang ka gininhawa: Ang akong mata dili na makakita sa maayo.

cebuano_ang_biblia_pinadayag@Job:7:8 @ Ang mata niya nga nagatan-aw kanako, dili na makakita kanako; Ang imong mga mata, ilantaw mo kanako, apan ako mawala na.

cebuano_ang_biblia_pinadayag@Job:7:9 @ Sama sa panganod nga mahurot ug mapapas, Mao man usab ang manaug ngadto sa Sheol, dili na mobalik sa ibabaw.

cebuano_ang_biblia_pinadayag@Job:7:10 @ Dili na siya mobalik sa iyang balay, Ni makaila pa kaniya ang iyang pinuy-anan.

cebuano_ang_biblia_pinadayag@Job:7:11 @ Busa dili ako mopugong sa akong baba; Ako mosulti sa kaguil sa akong espiritu, Ako mag-agulo sa kapait sa akong kalag.

cebuano_ang_biblia_pinadayag@Job:7:12 @ Dagat ba ako, kun mananap ba sa dagat, Nga ikaw magbutang ug usa ka magbalantay kanako?

cebuano_ang_biblia_pinadayag@Job:7:13 @ Kong ako magaingon: Ang akong higdaanan kanako molipay, Ang akong banig molipay sa akong inagulo;

cebuano_ang_biblia_pinadayag@Job:7:14 @ Unya imo akong pagahadlokon sa mga damgo, Ug pinaagi sa mga panan-awon imo akong pagalisangon:

cebuano_ang_biblia_pinadayag@Job:7:15 @ Mao nga palabihon sa akong kalag nga siya malumsan, Ug ang kamatayon labi kay akong kabukogan.

cebuano_ang_biblia_pinadayag@Job:7:16 @ Giluod ako niining kinabuhi; dili ako buot nga mabuhi sa kanunay: Pasagdi ako nga mag-inusara; kay ang akong mga adlaw kakawangan man.

cebuano_ang_biblia_pinadayag@Job:7:17 @ ¶ Unsa ba ang tawo nga ikaw kaniya magapadaku, Ug nga siya imong pagatagdon,

cebuano_ang_biblia_pinadayag@Job:7:18 @ Ug nga ikaw sa tanang buntag kaniya magadu-aw, Ug sa tagsatagsa ka gutlo kaniya magasulay?

cebuano_ang_biblia_pinadayag@Job:7:19 @ Hangtud anus-a pa ba ikaw mohunong sa pagsud-ong kanako, Kun ako pasagdan mo hangtud nga matulon ko ang akong laway?

cebuano_ang_biblia_pinadayag@Job:7:20 @ Kong ako nakasala, unsa ang arang nga mabuhat alang kanimo, Oh, ikaw nga magbalantay sa katawohan? Nganong imo akong gitudlo nga usa ka tiniman-an batok kanimo, Nga ako nahimong palas-anon sa akong kaugalingon?

cebuano_ang_biblia_pinadayag@Job:7:21 @ Ug ngano nga dili mo ako pasayloon sa akong kalapasan, ug kuhaon ang akong kasal-anan? Kay karon sa abug ako mohigda; Ug kanako ikaw magasingkamot sa pagpangita, apan ako mawala na.

cebuano_ang_biblia_pinadayag@Job:8:1 @ ¶ Unya mitubag si Bildad ang Suhitanhon, ug miingon:

cebuano_ang_biblia_pinadayag@Job:8:2 @ Hangtud anus-a ba mosulti ikaw niining mga butanga? Ug ang mga pulong sa imong baba sa usa ka hangin nga makusog?

cebuano_ang_biblia_pinadayag@Job:8:3 @ Balit-aron ba sa Dios ang justicia? Kun balit-aron ba sa Makagagahum ang pagkamatarung?

cebuano_ang_biblia_pinadayag@Job:8:4 @ Kong ang imong mga anak nakasala batok kaniya, Ug siya mitugyan kanila ngadto sa kamot sa ilang paglapas;

cebuano_ang_biblia_pinadayag@Job:8:5 @ Kong ikaw sa Dios mosingkamot sa pagpangita, Ug maghimo ka sa imong pangamuyo sa Makagagahum;

cebuano_ang_biblia_pinadayag@Job:8:6 @ Kong ikaw maputli ug matul-id pa unta, Sa pagkamatuod nahigmata unta siya tungod kanimo, Ug magahimong mauswagon sa puloy-anan sa imong pagkamatarung.

cebuano_ang_biblia_pinadayag@Job:8:7 @ Ug bisan diyutay ra ang imong sinugdan, Apan magauswag kaayo ang imong kaulahian.

cebuano_ang_biblia_pinadayag@Job:8:8 @ ¶ Kay susiha, ipangamuyo ko kanimo, ang panahon nga ming-agi, Ug magpahimulos ka sa imong kaugalingon niadtong ginapangita sa ilang mga amahan.

cebuano_ang_biblia_pinadayag@Job:8:9 @ (Kay kita ingon lamang sa kagahapon, ug walay hibangkaagan, Kay anino ang atong mga adlaw sa ibabaw sa yuta):

cebuano_ang_biblia_pinadayag@Job:8:10 @ Dili ba sila motudlo kanimo, ug kanimo mosugilon, Ug magasulti sa mga pulong nga gikan sa ilang kasingkasing?

cebuano_ang_biblia_pinadayag@Job:8:11 @ Makatubo ba ang nipa kong walay lapok? Makatubo ba ang tangbo kong walay tubig?

cebuano_ang_biblia_pinadayag@Job:8:12 @ Sa diha nga lunhaw pa kini dili pinutol, Kini malaya una sa kabunglayonan.

cebuano_ang_biblia_pinadayag@Job:8:13 @ Mao man ang kadalanan sa tanan nga mahikalimot sa Dios; Ug ang paglaum sa tawo nga walay Dios mawagtang:

cebuano_ang_biblia_pinadayag@Job:8:14 @ Ang iyang pagsalig pagaputlon, Ug ang iyang kalig-onan maoy usa ka balay sa lawa-lawa.

cebuano_ang_biblia_pinadayag@Job:8:15 @ Siya mosandig sa iyang balay, apan kana mahuyang; Mopuyo siya dinha, apan kana dili molungtad.

cebuano_ang_biblia_pinadayag@Job:8:16 @ Siya malunhaw sa atubangan sa adlaw, Ug ang iyang mga salingsing molabaw sa iyang tanaman.

cebuano_ang_biblia_pinadayag@Job:8:17 @ Ang iyang mga gamut mangapot duol sa nga bato, Iyang makita ang dapit sa mga kabatoan.

cebuano_ang_biblia_pinadayag@Job:8:18 @ Kong siya pagapukanon gikan sa iyang dapit, Nan kini molimod kaniya, nga : Wala ako makakita kanimo.

cebuano_ang_biblia_pinadayag@Job:8:19 @ Ania karon, kini mao ang kalipay sa iyang dalan; Ug gikan sa yuta ang uban manggula.

cebuano_ang_biblia_pinadayag@Job:8:20 @ ¶ Ania karon, ang Dios dili mosalikway sa usa ka tawong hingpit. Ni motabang siya sa mga mamumuhat sa dautan.

cebuano_ang_biblia_pinadayag@Job:8:21 @ Ang imong baba pagapun-on niya sa katawa, Ug kasadya sa imong mga ngabil.

cebuano_ang_biblia_pinadayag@Job:8:22 @ Kadtong managdumot kanimo pagasul-oban sa kaulaw; Ug ang balong-balong niadtong mga dautan mangawagtang.

cebuano_ang_biblia_pinadayag@Job:9:1 @ ¶ Unya si Job mitubag ug miingon:

cebuano_ang_biblia_pinadayag@Job:9:2 @ Sa pagkamatuod ako nasayud nga kini mao man: Apan unsaon sa tawo aron mamatarung sa atubangan sa Dios?

cebuano_ang_biblia_pinadayag@Job:9:3 @ Kong siya buot magpakiglalis kaniya, Siya dili makatubag kaniya bisan makausa sa usa ka libo.

cebuano_ang_biblia_pinadayag@Job:9:4 @ manggialamon sa kasingkasing ug makagagahum sa kusog: Kinsa ang nagpagahi sa iyang kasingkasing batok kaniya, ug nga nagmauswagon?

cebuano_ang_biblia_pinadayag@Job:9:5 @ nga magabalhin sa mga kabukiran, ug sila wala managpanghibalo niana, Sa diha nga sa iyang kapungot siya magalungkab kanila;

cebuano_ang_biblia_pinadayag@Job:9:6 @ Nga magauyog sa kalibutan gikan sa iyang himutangan, Ug ang mga haligi niana magakurog;

cebuano_ang_biblia_pinadayag@Job:9:7 @ Nga magasugo sa adlaw, ug kini dili mosilang, Ug magatak-om sa mga kabitoonan;

cebuano_ang_biblia_pinadayag@Job:9:8 @ Nga mao lamang ang magabuklad sa kalangitan, Ug magatamak sa ibabaw sa kabaluran sa dagat;

cebuano_ang_biblia_pinadayag@Job:9:9 @ Nga maoy nagbuhat sa Oso, ug sa Orion, ug sa mga Pleyadas, Ug sa mga tagoanan sa habagatan;

cebuano_ang_biblia_pinadayag@Job:9:10 @ Nga nagabuhat sa mga butang nga dili matukib, Oo, mga butang katingalahan nga dili maisip.

cebuano_ang_biblia_pinadayag@Job:9:11 @ Ania karon, siya milabay kanako, ug wala ko siya makita: Siya mipadayon usab, apan wala ko himatngoni.

cebuano_ang_biblia_pinadayag@Job:9:12 @ Ania karon, siya nagasakmit sa , kinsa ang makapugong kaniya? Kinsa ang moingon kaniya: Unsa ang imong gibuhat?

cebuano_ang_biblia_pinadayag@Job:9:13 @ Dili kuhaon sa Dios ang iyang kasuko, Ang magatabang kang Rahab nanagyukbo sa ilalum niya.

cebuano_ang_biblia_pinadayag@Job:9:14 @ ¶ Daw unsa ka diyutay ang akong igatubag kaniya, Ug pagpili sa akong mga igsusulti aron sa uban kaniya?

cebuano_ang_biblia_pinadayag@Job:9:15 @ Nga kaniya, bisan ako matarung pa unta, apan dili ako motubag; Adto ako magpakilooy sa akong maghuhukom.

cebuano_ang_biblia_pinadayag@Job:9:16 @ Kong ako nagtawag pa unta, ug kanako siya mitubag, Apan dili pa gayud ako motoo nga siya sa akong tingog nagpatalinghug.

cebuano_ang_biblia_pinadayag@Job:9:17 @ Kay gipukan ako niya sa usa ka unos, Ug sa walay hinungdan ang mga samad gidaghan.

cebuano_ang_biblia_pinadayag@Job:9:18 @ Dili ako niya tugotan sa pagginhawa, Apan gipuno niya ako sa kapaitan.

cebuano_ang_biblia_pinadayag@Job:9:19 @ Kong bahin sa kusog, ania karon, makagagahum! Kong sa katarungan: Kinsa, ang magapatawag kanako?

cebuano_ang_biblia_pinadayag@Job:9:20 @ Bisan kong ako matarung pa, ang akong kaugalingong baba magahukom kanako: Bisan kong ako hingpit pa, kana magapadayag nga ako dautan.

cebuano_ang_biblia_pinadayag@Job:9:21 @ Ako hingpit; ako wala magtagad sa akong kaugalingon; Gibiay-biay ko ang akong kinabuhi

cebuano_ang_biblia_pinadayag@Job:9:22 @ ¶ Natingub ang tanan; busa ako nagaingon: Siya naglaglag sa maayo ug sa dautan.

cebuano_ang_biblia_pinadayag@Job:9:23 @ Kong ang hampak magalaglag sa kalit, Siya mobiay-biay sa paghusay sa mga walay sala.

cebuano_ang_biblia_pinadayag@Job:9:24 @ Ang kalibutan gitugyan ngadto sa kamot sa mga dautan; Siya nagatabon sa mga nawong sa mga maghuhukom niini: Kong dili mao siya, kinsa man diay kana?

cebuano_ang_biblia_pinadayag@Job:9:25 @ ¶ Ang akong mga adlaw karon labi pang matulin kay sa usa ka sinugo nga nagadala sa mga sulat: Sila nagadalagan, walay kaayohan nga ilang makita.

cebuano_ang_biblia_pinadayag@Job:9:26 @ Sila nangagi ingon sa mga sakayang matulin; Ingon sa agila nga magasakdap sa dalagiton.

cebuano_ang_biblia_pinadayag@Job:9:27 @ Kong moingon ako: Kuhaon ko sa akong panumduman ang akong kaguol, Ang masulob-on ko nga panagway ako nga isalikway, ug magsadya;

cebuano_ang_biblia_pinadayag@Job:9:28 @ Ako nahadlok sa tanan ko nga mga kasub-anan, Ako nasayud nga dili mo ako pagailhong walay sala.

cebuano_ang_biblia_pinadayag@Job:9:29 @ Ako pagahukman; Ngano man diay nga ako manlimbasog sa walay kapuslanan?

cebuano_ang_biblia_pinadayag@Job:9:30 @ Kong ako sa akong kaugalingon magahugas sa tubig sa nieve, Ug ayohon gayud paghinlo ang akong mga kamot;

cebuano_ang_biblia_pinadayag@Job:9:31 @ Apan ikaw magaunlod kanako sa kalapukan, Ug ang akong kaugalingon nga mga bisti makapaluod kanako.

cebuano_ang_biblia_pinadayag@Job:9:32 @ Kay siya dili tawo ingon kanako, aron ako motubag kaniya, Aron nga kanako siya mokuyog sa hukmanan.

cebuano_ang_biblia_pinadayag@Job:9:33 @ Walay maghuhusay sa taliwala namo, Nga arang makapahamutang sa iyang kamot sa ibabaw namong duha.

cebuano_ang_biblia_pinadayag@Job:9:34 @ Ipakuha gikan kanako ang iyang baras, Ug ayaw ako pahadloka sa iyang pagkamakalilisang:

cebuano_ang_biblia_pinadayag@Job:9:35 @ Unya ako mosulti, ug kaniya dili mahadlok: Kay dili ako ingon niana sa akong kaugalingon.

cebuano_ang_biblia_pinadayag@Job:10:1 @ ¶ Ang akong kalag gikapuyan na sa akong kinabuhi; Ipagula ko ang akong kaguol; ako mosulti sa kapait sa akong kalag.

cebuano_ang_biblia_pinadayag@Job:10:2 @ Akong ingnon ang Dios: Ayaw ako pagsiloti; Itudlo kanako kong unsay hinungdan sa imong pagpakiglalis kanako.

cebuano_ang_biblia_pinadayag@Job:10:3 @ Maayo ba alang kanimo nga ikaw magalupig, Nga ikaw magabiay-biay sa buhat sa imong kamot, Ug magadan-ag sa ibabaw sa ginatambag sa mga dautan?

cebuano_ang_biblia_pinadayag@Job:10:4 @ Aduna ba ikaw ing mga mata nga unod? Kun ang imong pagtan-aw, sama ba sa tinan-awan sa tawo?

cebuano_ang_biblia_pinadayag@Job:10:5 @ Ang imong mga adlaw sama ba sa mga adlaw sa tawo, Kun ang imong katuigan ingon ba sa mga adlaw sa tawo,

cebuano_ang_biblia_pinadayag@Job:10:6 @ Nga ikaw nagapangita man sa akong kadautan, Ug nagasusi sa akong sala,

cebuano_ang_biblia_pinadayag@Job:10:7 @ Bisan ikaw nahibalo nga ako dili man dautan, Ug walay bisan kinsa nga arang makakuha gikan sa imong kamot?

cebuano_ang_biblia_pinadayag@Job:10:8 @ ¶ Ang imong mga kamot nagbuhat kanako ug nag-umol kanako, Sa tingub sa nagalibut; apan ikaw magapukan man kanako.

cebuano_ang_biblia_pinadayag@Job:10:9 @ Hinumdumi, ipakilooy ko kanimo, nga ingon sa lapok imo akong giumol; Ug imo ba akong dad-on pag-usab sa abug?

cebuano_ang_biblia_pinadayag@Job:10:10 @ Wala ba ako ibubo nimo ingon sa gatas, Ug gipagahi sama sa queso?

cebuano_ang_biblia_pinadayag@Job:10:11 @ Imo akong gibistihan sa panit ug unod, Ug imo akong gitagik sa mga bukog ug mga ugat.

cebuano_ang_biblia_pinadayag@Job:10:12 @ Ikaw naghatag kanako sa kinabuhi ug mahigugmaong-kalolot, Ug ang imong pagmatoto nakagbantay sa akong espiritu.

cebuano_ang_biblia_pinadayag@Job:10:13 @ Apan kining mga butanga imong gitipigan sa imong kasingkasing; Ako nahibalo nga kini anaa ra kanimo:

cebuano_ang_biblia_pinadayag@Job:10:14 @ ¶ Kong ako makasala, nan ikaw magatimaan kanako, Ug ikaw dili kanako magpagawas sa akong kasal-anan.

cebuano_ang_biblia_pinadayag@Job:10:15 @ Kong ako dautan man, alaut ako; Kong ako matarung, dili lamang ako mopaitaas sa akong ulo, Kay puno man sa kaulawan, Ug nagatan-aw sa akong kagul-anan.

cebuano_ang_biblia_pinadayag@Job:10:16 @ Kong ang magapataas sa iyang kaugalingon, ikaw, ingon sa usa ka leon magapangita kanako; Ug ikaw nagapadayag na usab kanako, sa imong kaugalingon, ingon nga kahibulongan.

cebuano_ang_biblia_pinadayag@Job:10:17 @ Imong ginabag-o ang imong mga pagpamatuod batok kanako, Ug ginadugangan mo ang imong kasuko batok kanako: Ang mga kausaban ug kagubatan ania uban kanako.

cebuano_ang_biblia_pinadayag@Job:10:18 @ Busa ngano man nga imo akong gipagula gikan sa tiyan? Patay na unta ako, ug walay mata unta nga nakakita kanako.

cebuano_ang_biblia_pinadayag@Job:10:19 @ Ako maingon unta, ingon sa wala ako matawo; Gihatud na unta ako gikan sa tago-angkan ngadto sa lubnganan.

cebuano_ang_biblia_pinadayag@Job:10:20 @ Dili ba diyutay da ang akong mga adlaw? nan humonong ka, Ug pasagdi ako aron nga makabaton ako ug diyutayng kalipay,

cebuano_ang_biblia_pinadayag@Job:10:21 @ Sa dili pa ako mogikan nga gikan didto dili na mobalik, Ngadto sa yuta sa kangitngitan ug sa landong sa kamatayon;

cebuano_ang_biblia_pinadayag@Job:10:22 @ Ang yuta mangitngit ingon sa tungang gabii, Sa sa landong sa kamatayon, ug walay kahusay, Ug diin ang suga ingon sa tungang gabii.

cebuano_ang_biblia_pinadayag@Job:11:1 @ ¶ Unya mitubag si Sophar nga Naamathitanhon, ug miingon:

cebuano_ang_biblia_pinadayag@Job:11:2 @ Dili ba kinahanglan tubagon ang daghang mga pulong? Ug pakamatarungon ba ang tawo nga hinulti?

cebuano_ang_biblia_pinadayag@Job:11:3 @ Makapahilum ba sa mga katawohan ang imong mga pagpangandak? Ug sa magayubit ikaw wala bay tawo nga arang makapakaulaw kanimo?

cebuano_ang_biblia_pinadayag@Job:11:4 @ Kay ikaw nagaingon: Ang akong pagtolon-an ulay man, Ug ako mahinlo sa atubangan sa imong mga mata.

cebuano_ang_biblia_pinadayag@Job:11:5 @ Apan oh, nga mosulti pa lamang unta ang Dios, Ug magabuka sa iyang mga ngabil batok kanimo,

cebuano_ang_biblia_pinadayag@Job:11:6 @ Ug nga tudloan ka niya sa mga tinago sa kaalam! Kay kaniya sa pagkamasinabuton walay makatupong. Busa hibaloi nga ang Dios nagapaningil sa labing diyutay kay sa silot nga angay sa imong kasal-anan.

cebuano_ang_biblia_pinadayag@Job:11:7 @ ¶ Makakaplag ka ba sa Dios pinaagi sa pagpangita? Makakab-ut ka ba sa pagkahingpit sa Makagagahum?

cebuano_ang_biblia_pinadayag@Job:11:8 @ Sama sa gitas-on sa kalangitan; unsa ang arang mong mahimo? Labing halalum kay sa Sheol; unsa ang arang mong kahibaloan?

cebuano_ang_biblia_pinadayag@Job:11:9 @ Ang iyang gidak-on labing daku kay sa kalibutan, Ug labing halapad kay sa kadagatan.

cebuano_ang_biblia_pinadayag@Job:11:10 @ Kong siya molabang, ug kong pagatak-umon, Ug kong iyang tigumon ngadto sa paghukom, nan kinsa ang arang makasalanta kaniya?

cebuano_ang_biblia_pinadayag@Job:11:11 @ Kay siya nasayud sa mga tawong malimbongon: Siya makakita usab sa kasal-anan, bisan tuod dili siya magatagad niana.

cebuano_ang_biblia_pinadayag@Job:11:12 @ Ang tawong hungog walay salabutan, Oo, ang tawo ipanganak sa anak sa usa ka asnong ihalas.

cebuano_ang_biblia_pinadayag@Job:11:13 @ ¶ Kong ikaw magtarung sa imong kasingkasing, Ug ituy-od mo kaniya ang imong kamot:

cebuano_ang_biblia_pinadayag@Job:11:14 @ Kong ang kasal-anan anaa sa imong kamot, ipahilayo kana , Ug ang pagkadili-matarung ayaw papuy-a sa imong mga balong-balong.

cebuano_ang_biblia_pinadayag@Job:11:15 @ Sa walay duhaduha makayahat ka unya sa imong nawong nga walay buling; Oo, ikaw mahimong lig-on ug dili magakahadlok:

cebuano_ang_biblia_pinadayag@Job:11:16 @ Kay ikaw mahakalimot sa imong kaalaut; Ikaw mahinumdum niana ingon sa mga tubig nga manglabay.

cebuano_ang_biblia_pinadayag@Job:11:17 @ Ug ang kinabuhi modan-ag labi pa kay sa udto; Maingon kana sa kabuntagon bisan pa anaay kangitngit.

cebuano_ang_biblia_pinadayag@Job:11:18 @ Ug ikaw magmalig-on kay anaa may paglaum; Oo, ikaw magapangita sa , ug sa lig-on ikaw mopahulay.

cebuano_ang_biblia_pinadayag@Job:11:19 @ Ikaw magahigda usab, ug walay bisan kinsa nga makapahadlok kanimo; Oo, daghanan ang mohangyo kanimo.

cebuano_ang_biblia_pinadayag@Job:11:20 @ Apan ang mga mata sa mga malinapason makawang, Ug sila walay dalangpanan nga ilang pagakalagiwan; Ug ang ilang paglaum mao ang pagpanugyan sa espiritu.

cebuano_ang_biblia_pinadayag@Job:12:1 @ ¶ Unya mitubag si Job ug miingon:

cebuano_ang_biblia_pinadayag@Job:12:2 @ Sa walay duhaduha kamo mao ang katawohan, Ug ang kaalam mamatay uban kaninyo.

cebuano_ang_biblia_pinadayag@Job:12:3 @ Apan ako may salabutan nga maingon kaninyo; Ako dili ubos kaninyo: Oo, kinsa ang wala mangasayud sa mga butang nga sama niini?

cebuano_ang_biblia_pinadayag@Job:12:4 @ Ako ingon sa usa ka tawo nga gihimong kataw-anan sa iyang silingan, Ako nga nagtawag sa Dios, ug siya mitubag: Ang matarung, ang tawong hingpit maoy gihimong kataw-anan.

cebuano_ang_biblia_pinadayag@Job:12:5 @ Kaniya nga anaa sa kasayon anaa sa iyang hunahuna ang pagyubit sa palad nga dautan; Kana andam kanila kansang mga tiil mahidalin-as.

cebuano_ang_biblia_pinadayag@Job:12:6 @ ¶ Ang mga balong-balong sa mga kawatan magamauswagon, Ug kadtong managpasuko sa Dios may kalig-on; Sa ilang mga kamot ang Dios nagadugang sa :

cebuano_ang_biblia_pinadayag@Job:12:7 @ Apan pangutan-a karon ang mga mananap ug sila motudlo kanimo, Ug ang mga langgam sa kalangitan, ug kanimo sila motudlo:

cebuano_ang_biblia_pinadayag@Job:12:8 @ Kun magsulti ka sa yuta, ug kana motudlo kanimo; Ug ang isda sa kadagatan mopahayag kanimo.

cebuano_ang_biblia_pinadayag@Job:12:9 @ Kinsa ang wala mahibalo mahatungod niining tanan, Nga ang kamot ni Jehova maoy nagbuhat niini,

cebuano_ang_biblia_pinadayag@Job:12:10 @ Sa iyang kamot anaa ang kalag sa tanang butang nga may kinabuhi, Ug ang gininhawa sa tanang katawohan?

cebuano_ang_biblia_pinadayag@Job:12:11 @ Dili ba ang igdulungog magaila sa mga pulong, Ingon nga ang lingag-ngag magatilaw sa iyang kalan-on?

cebuano_ang_biblia_pinadayag@Job:12:12 @ ¶ Ang kaalam anaa sa mga tawong tigulang, Ug ang kataas sa mga adlaw anaa sa maayong pagsabut.

cebuano_ang_biblia_pinadayag@Job:12:13 @ Sa anaa ang kaalam ug ang kagahum; Ang tambag ug ang pagsabut anaa kaniya.

cebuano_ang_biblia_pinadayag@Job:12:14 @ Ania karon, siya nagalumpag, ug kana dili na ikapatindog pag-usab; Ang usa ka tawo iyang tak-uman ug wala ing arang kaagian.

cebuano_ang_biblia_pinadayag@Job:12:15 @ Ania karon, siya magapugong sa katubigan, ug sila mamala; Ipagula na usab niya, ug ang kalibutan matuali tungod kanila.

cebuano_ang_biblia_pinadayag@Job:12:16 @ Kaniya anaa ang kusog ug kaalam; Iya man ang malimbongon ug ang linimbongan.

cebuano_ang_biblia_pinadayag@Job:12:17 @ Siya nagapalakaw sa mga mananambag nga hinuboan sa , Ug ang mga maghuhukom iyang himoong mga buang.

cebuano_ang_biblia_pinadayag@Job:12:18 @ Siya magabadbad sa talikala sa mga hari, Ug magahigot sa ilang mga hawak ug igbubugkos.

cebuano_ang_biblia_pinadayag@Job:12:19 @ Siya magpalakaw sa mga sacerdote nga mga hinuboan, Ug gidaug niya ang mga makagagahum.

cebuano_ang_biblia_pinadayag@Job:12:20 @ Siya magapugong sa dila sa matinumanon, Ug ang tigulang iyang pagakuhaan sa salabutan.

cebuano_ang_biblia_pinadayag@Job:12:21 @ Ang mga principe iyang pagabuboan ug pagtamay, Ug sa kusganon pagabadbaron ang bakus.

cebuano_ang_biblia_pinadayag@Job:12:22 @ Siya magapadayag gikan sa kangitngitan sa mga butang dili matukib, Ug dad-on sa kahayag ang landong sa kamatayon.

cebuano_ang_biblia_pinadayag@Job:12:23 @ Siya sa kanasuran magapadaghan, ug kanila siya magalaglag: Sa mga kanasuran siya magapadaku, ug kanila magapabihag siya.

cebuano_ang_biblia_pinadayag@Job:12:24 @ Siya magakuha sa salabutan sa mga pangulo sa mga katawohan sa yuta, Ug magapalakaw kanila sa kamingawan nga walay dalan.

cebuano_ang_biblia_pinadayag@Job:12:25 @ Sila manghisukarap sa mangitngit nga walay kahayag; Ug sila pasulosapindayon niya sama sa usa ka hubog.

cebuano_ang_biblia_pinadayag@Job:13:1 @ ¶ Ania karon, ang akong mata nakakita tanan, Ang igdulungog nako nakadungog ug nakasabut niini.

cebuano_ang_biblia_pinadayag@Job:13:2 @ Ang inyong nahibaloan, mao ang akong nahibaloan usab: Ako dili ubos kaninyo.

cebuano_ang_biblia_pinadayag@Job:13:3 @ Mosulti gayud ako sa Makagagahum, Ug gitinguha ko ang pagpakigsulti sa Dios.

cebuano_ang_biblia_pinadayag@Job:13:4 @ Apan kamo mga magmumugna sa bakak; Kamong tanan mga mananambal nga walay bili.

cebuano_ang_biblia_pinadayag@Job:13:5 @ Oh maayo pa unta kong kamo managhilum na lamang! Ug kana mahimo nga inyong kaalam.

cebuano_ang_biblia_pinadayag@Job:13:6 @ Pamatia karon ang akong pangatarungan, Ug patalinghugi ang katarungan nga sa akong mga ngabil igasaysay.

cebuano_ang_biblia_pinadayag@Job:13:7 @ Manulti ba kamog dili matarung tungod sa paglaban sa Dios, Ug igapamulong ba nga malimbongon tungod kaniya?

cebuano_ang_biblia_pinadayag@Job:13:8 @ Magapakita ba kamo sa inyong pagpasulabi kaniya? Molaban ba kamo alang sa Dios?

cebuano_ang_biblia_pinadayag@Job:13:9 @ Maayo ba nga siya magasusi kaninyo? Kun ingon sa usa nga nagalimbong sa tawo, limbongan ba ninyo siya?

cebuano_ang_biblia_pinadayag@Job:13:10 @ Sa walay duhaduha siya magabadlong kaninyo, Kong kamo sa tago may pagpasulabi.

cebuano_ang_biblia_pinadayag@Job:13:11 @ Dili ba makapahadlok kaninyo ang iyang kahalangdon, Ug ang iyang kalisang kaninyo modangat?

cebuano_ang_biblia_pinadayag@Job:13:12 @ Ang inyong mga halandumong pulong maoy sanglitanan nga abo, Ang inyong salipdanan, mga salipdanan nga yanang.

cebuano_ang_biblia_pinadayag@Job:13:13 @ ¶ Managhilum kamo, pasagdi ako, aron sa akong pagsulti: Ug kanako ipadangat ang tanan nga modangat.

cebuano_ang_biblia_pinadayag@Job:13:14 @ Ngano man nga kuhaon ko ang akong unod sa mga ngipon nako, Ug ibutang ko ang akong kinabuhi sa kamot nako?

cebuano_ang_biblia_pinadayag@Job:13:15 @ Ania karon, iyang pagalaglagon ako: ako walay paglaum: Bisan pa niini, sa iyang atubangan ako magalaban sa akong mga alagianan.

cebuano_ang_biblia_pinadayag@Job:13:16 @ Kini usab mao ang akong kaluwasan, Nga ang tawong walay Dios sa iyang atubangan dili gayud makaduol.

cebuano_ang_biblia_pinadayag@Job:13:17 @ Patalinghugi pag-ayo ang akong gipamulong, Ug sa imong igdulungog ipahaluna ang akong gipahayag.

cebuano_ang_biblia_pinadayag@Job:13:18 @ Ania karon, gipahamutang ko na pag-ayo ang akong katarungan; Ako nasayud nga ako matarung.

cebuano_ang_biblia_pinadayag@Job:13:19 @ Kinsa ba ang buot makigbisog kanako? Kay unya mohilum ako ug ipabugto ko ang akong kinabuhi.

cebuano_ang_biblia_pinadayag@Job:13:20 @ Duruha lamang ka butang ayaw pagbuhata kanako; Nan ako dili motago gikan sa atubangan sa imong nawong.

cebuano_ang_biblia_pinadayag@Job:13:21 @ Kuhaa halayo kanako ang imong kamot, Ug ayaw ako pagpahadloka sa imong kalisang.

cebuano_ang_biblia_pinadayag@Job:13:22 @ Unya tumawag ka, ug ako motubag; Kun pasultiha ako, ug tubagon mo ako.

cebuano_ang_biblia_pinadayag@Job:13:23 @ ¶ Unsa ba ang gidaghanon sa akong kadautan ug kasal-anan? Ipadayag kanako ang akong kalapasan ug ang akong sala.

cebuano_ang_biblia_pinadayag@Job:13:24 @ Ngano man nga gitago mo ang imong nawong kanako, Ug ginaisip mo ako nga imong kaaway?

cebuano_ang_biblia_pinadayag@Job:13:25 @ Mopaguol pa ba ikaw sa usa ka dahon nga sinalibay? Ug mogukod pa ba ikaw sa tuud nga laya?

cebuano_ang_biblia_pinadayag@Job:13:26 @ Kay ikaw nagasulat man ug mga butang nga mapait batok kanako, Ug nagapaani kanako sa kadautan sa akong pagkabatan-on:

cebuano_ang_biblia_pinadayag@Job:13:27 @ Imo usab nga gibutang sa sepohan ang akong mga tiil, Ug gitiman-an ang tanan ko nga alagianan; Imong gibadlisan ang utlanan sa lapalapa sa akong mga tiil:

cebuano_ang_biblia_pinadayag@Job:13:28 @ Bisan ingon ako sa usa ka butang nga dunot nga mapapas, Ingon sa usa ka bisti nga ginakutkot sa tangkob.

cebuano_ang_biblia_pinadayag@Job:14:1 @ ¶ Ang tawo, nga natawo sa usa ka babaye, Hamubo ra sa panuigon, ug tugob sa kasamok.

cebuano_ang_biblia_pinadayag@Job:14:2 @ Siya mobuswak sama sa usa ka bulak, ug pagaputlon: Siya nagadalagan usab ingon sa usa ka anino, ug dili magadayon.

cebuano_ang_biblia_pinadayag@Job:14:3 @ Nan magabuka ba ikaw sa mga mata sa pagsud-ong kaniya, Ug magadala kanako sa hukmanan uban kanimo?

cebuano_ang_biblia_pinadayag@Job:14:4 @ Kinsa ang makakuha ug usa ka butang nga mahinlo gikan sa mahugaw? walay mausa.

cebuano_ang_biblia_pinadayag@Job:14:5 @ Sanglit ang iyang mga adlaw tinagalan, Ang gidaghanon sa iyang mga bulan anaa kanimo, Ug ikaw nagbutang ug mga utlanan kaniya nga dili niya malabang.

cebuano_ang_biblia_pinadayag@Job:14:6 @ Ayaw na siya pagsud-onga, aron siya makapahulay, Hangtud nga, ingon sa usa ka sulogoon, matapus niya ang adlaw.

cebuano_ang_biblia_pinadayag@Job:14:7 @ ¶ Kay adunay kalauman sa usa ka kahoy, Kong kana pagaputlon aron nga manalingsing pag-usab, Ug nga ang diyutayng sanga niana dili mohunong.

cebuano_ang_biblia_pinadayag@Job:14:8 @ Bisan pa magakagulang ang gamot niana diha sa yuta, Ug ang tuud niana madunot sa yuta;

cebuano_ang_biblia_pinadayag@Job:14:9 @ Apan tungod sa baho sa tubig kana mangudlot, Ug mananga ingon sa usa ka tanum.

cebuano_ang_biblia_pinadayag@Job:14:10 @ Apan ang tawo mamatay, ug igalubong: Oo, ang gininhawa sa tawo mabugto, ug hain na man siya?

cebuano_ang_biblia_pinadayag@Job:14:11 @ ang katubigan maitus sa dagat, Ug ang suba magakakunhod ug momala;

cebuano_ang_biblia_pinadayag@Job:14:12 @ Mao usab ang tawo mamatay ug dili na mobalik: Hangtud nga mawala ang kalangitan, sila dili na manghigmata, Dili usab sila mapukaw sa ilang pagkatulog.

cebuano_ang_biblia_pinadayag@Job:14:13 @ Oh nga sa Sheol unta tagoan mo ako, Nga imo unta akong ibutang sa tago, hangtud nga mahupay ang imong kaligutgut, Nga imo unta akong tagalan ug panahon, ug mahinumdum ka kanako!

cebuano_ang_biblia_pinadayag@Job:14:14 @ Kong ang tawo mamatay, mabuhi ba siya ? Paabuton unta nako ang tanang adlaw sa akong pagpakigbisog, Hangtud ang akong pagkabalhin modangat.

cebuano_ang_biblia_pinadayag@Job:14:15 @ Ikaw motawag unta, ug kanimo ako motubag: Ikaw mokinahanglan sa buhat sa imong mga kamot.

cebuano_ang_biblia_pinadayag@Job:14:16 @ ¶ Apan karon imong ginaihap ang akong mga lakang? Dili ba ikaw magtimaan sa akong sala?

cebuano_ang_biblia_pinadayag@Job:14:17 @ Ang akong kalapasan gibaliktosan sulod sa usa ka puntil, Ug imong gitak-uman ang akong kadautan.

cebuano_ang_biblia_pinadayag@Job:14:18 @ Apan ang bukid nga nagakatumpag, mawagtang: Ug ang bato mahasalikway gikan sa iyang nahamutangan;

cebuano_ang_biblia_pinadayag@Job:14:19 @ Ang katubigan magahilis sa mga bato; Ang mga pag-awas niana magabugwas sa abug sa yuta: Maingon man niana ginalaglag mo ang paglaum sa tawo.

cebuano_ang_biblia_pinadayag@Job:14:20 @ Ikaw sa walay katapusan makadaug kaniya, ug siya molabay: Ikaw magausab sa iyang nawong, ug kaniya magapalakaw.

cebuano_ang_biblia_pinadayag@Job:14:21 @ Ang iyang mga anak mahimong dungganon, ug siya dili mahibalo niana; Ug sila ginahimong ubos apan siya dili makatimaan niana kanila.

cebuano_ang_biblia_pinadayag@Job:14:22 @ Apan kaniya may kasakit ang iyang unod, Ug sa sulod niya nagabangotan ang iyang kalag.

cebuano_ang_biblia_pinadayag@Job:15:1 @ ¶ Unya mitubag si Eliphaz nga Temanitahon, ug miingon:

cebuano_ang_biblia_pinadayag@Job:15:2 @ Angay ba nga ang usa ka tawo nga maalam motubag pinasikad sa kaalam nga walay hinungdan, Ug pun-on niya ang iyang kaugalingon sa hangin nga timog?

cebuano_ang_biblia_pinadayag@Job:15:3 @ Angay ba siya nga molantugi sa sulti nga walay kapuslanan, Kun sa mga pakigpulong nga wala siyay kahinguhaan?

cebuano_ang_biblia_pinadayag@Job:15:4 @ Oo, ikaw nagasalikway sa kahadlok, Ug nagakunhod sa imong pag-ampo sa Dios.

cebuano_ang_biblia_pinadayag@Job:15:5 @ Kay ang imong kadautan nagatudlo sa imong baba, Ug imong gipili ang dila sa malimbongon.

cebuano_ang_biblia_pinadayag@Job:15:6 @ Ang imong kaugalingong baba nagahukom kanimo, ug dili ako; Oo, ang imong kaugalingong mga ngabil nagpamatuod batok kanimo.

cebuano_ang_biblia_pinadayag@Job:15:7 @ Ikaw ba ang unang tawo nga gipanganak? Kun una ba ikaw nga gibuhat nganhi kay sa mga kabungtoran?

cebuano_ang_biblia_pinadayag@Job:15:8 @ Nakadungog ka ba sa tinago nga kaalam sa Dios? Sa imong kaugalingon ba lamang gituga ang kaalam?

cebuano_ang_biblia_pinadayag@Job:15:9 @ Unsay hibaloan nimo nga wala namo hibaloi? Unsay imong hingsayran nga wala diri kanamo?

cebuano_ang_biblia_pinadayag@Job:15:10 @ Kanamo ania ang mga tawo nga ubanon ug mga gulang kaayo, Labi pang magulang kay sa imong amahan.

cebuano_ang_biblia_pinadayag@Job:15:11 @ Ang mga paglipay sa Dios diyutay ra ba kaayo alang kanimo, Bisan ang pulong nga malomo alang kanimo?

cebuano_ang_biblia_pinadayag@Job:15:12 @ Ngano nga nakapabugnaw kanimo ang imong kasingkasing, Ug ngano nga nagasiga ang imong mata,

cebuano_ang_biblia_pinadayag@Job:15:13 @ Nga ang imong espiritu imong ipangatubang batok sa Dios, Ug magapagula sa mga pulong gikan sa imong baba?

cebuano_ang_biblia_pinadayag@Job:15:14 @ Kinsa ba ang tawo nga siya pagahinloan? Ug siya nga gipanganak sa babaye aron siya magamatarung?

cebuano_ang_biblia_pinadayag@Job:15:15 @ Ania karon, siya dili mosalig sa iyang mga balaan. Oo, ang kalangitan dili mahinlo sa iyang mga mata:

cebuano_ang_biblia_pinadayag@Job:15:16 @ Labi pang dili ang tawo nga dulumtanan ug mahugaw, Ang usa ka tawo nga nagainum sa kadautan ingon sa tubig!

cebuano_ang_biblia_pinadayag@Job:15:17 @ ¶ Ipakita ko kanimo, patalinghugi ako; Ug ang butang nga akong nakita akong ipahayag kanimo.

cebuano_ang_biblia_pinadayag@Job:15:18 @ (Nga gisugid sa mga tawong maalam Gikan pa sa ilang mga amahan, ug wala magtago niini;

cebuano_ang_biblia_pinadayag@Job:15:19 @ Nga kanila lamang ang yuta gihatag, Ug walay dumuloong nga sa ilang kinataliwad-an nakaagi):

cebuano_ang_biblia_pinadayag@Job:15:20 @ Ang tawong dautan magaantus sa kasakit sa tanan niyang mga adlaw, Bisan pa ang gidaghanon sa katuigan nga giandam alang sa madaugdaugon.

cebuano_ang_biblia_pinadayag@Job:15:21 @ Anaa sa iyang mga igdulungog ang lanog sa mga butang kahadlokan; Sa kaadunahan ang manlalaglag modangat kaniya.

cebuano_ang_biblia_pinadayag@Job:15:22 @ Siya dili motoo nga gikan sa kangitngitan siya magabalik, Ug ang espada kaniya giandam.

cebuano_ang_biblia_pinadayag@Job:15:23 @ Siya nagasuroysuroy sa laing dapit sa pagpangitag tinapay, : Hain ba? Siya nasayud nga ang adlaw sa kangitngit anaa giandam kaniya.

cebuano_ang_biblia_pinadayag@Job:15:24 @ Ang kasamok ug kaguol makapahadlok kaniya; Siya makadaug kaniya, sama sa usa ka hari nga magapadulong sa panggubatan.

cebuano_ang_biblia_pinadayag@Job:15:25 @ Kay iyang gituy-od ang iyang kamot batok sa Dios, Ug sa Makagagahum siya nagpasipala;

cebuano_ang_biblia_pinadayag@Job:15:26 @ Sa liog nga siya nagaasdang kaniya, Sa kinabag-an nga bukobuko sa iyang kalasag;

cebuano_ang_biblia_pinadayag@Job:15:27 @ Kay iyang gilukop ang iyang nawong sa iyang tambok, Ug nagtigum ug tambok sa iyang hawak;

cebuano_ang_biblia_pinadayag@Job:15:28 @ Ug siya nagpuyo sa mga lungsod nga biniyaan, Sa mga balay nga walay tawo nga nagpuyo, Nga dili na madugay mangagun-ob;

cebuano_ang_biblia_pinadayag@Job:15:29 @ Siya dili gayud madato, dili usab magapadayon ang iyang bahandi, Ang ilang mga abut dili usab modagsang sa ibabaw sa yuta.

cebuano_ang_biblia_pinadayag@Job:15:30 @ Siya dili mogula gikan sa kangitngitan; Ang siga sa magalaya sa iyang mga sanga, Ug ang hinuyop sa baba maoy magpapahawa kaniya.

cebuano_ang_biblia_pinadayag@Job:15:31 @ Ayaw siya pagpasaliga sa kakawangan sa paglimbong sa iyang kaugalingon; Kay kakawangan usab ang balus kaniya.

cebuano_ang_biblia_pinadayag@Job:15:32 @ Kana matapus sa dili pa modangat ang iyang panahon, Ug ang iyang sanga dili modangat sa kalunhaw.

cebuano_ang_biblia_pinadayag@Job:15:33 @ Siya ingon sa usa ka balagon magauyog sa iyang bunga nga linghod, Ug ingon sa kahoyng oliva magapulak siya sa iyang bulak.

cebuano_ang_biblia_pinadayag@Job:15:34 @ Kay ang katilingban niadtong walay Dios dili makabunga, Ug ang kalayo magasunog sa mga balong-balong sa paghiphip.

cebuano_ang_biblia_pinadayag@Job:15:35 @ Manamkon sila ug kalapasan ug manganak ug kasal-anan, Ug ang ilang kasingkasing magaandam ug iglilimbong.

cebuano_ang_biblia_pinadayag@Job:16:1 @ ¶ Unya mitubag si Job ug miingon:

cebuano_ang_biblia_pinadayag@Job:16:2 @ Nakadungog ako ug daghang mga butang nga ingon niana: Kamong tanan mga makapuol nga mga maglilipay.

cebuano_ang_biblia_pinadayag@Job:16:3 @ May katapusan ba ang mga pulong nga walay hinungdan? Kun unsay nakapahagit kanimo nga ikaw mitubag man?

cebuano_ang_biblia_pinadayag@Job:16:4 @ Ako nakahimo usab pagsulti sama kaninyo; Kong ang inyong kalag nahapuli pa sa akong kalag, Ako makahimog bagay sa mga pulong batok kaninyo, Ug kaninyo ang akong ulo makalingolingo?

cebuano_ang_biblia_pinadayag@Job:16:5 @ ako buot molig-on kaninyo sa akong baba, Ug ang paglipay sa akong mga ngabil makahupay sa .

cebuano_ang_biblia_pinadayag@Job:16:6 @ ¶ Bisan ako nagasulti, ang akong kasakit wala mahupay; Bisan akong gipasagdan, unsa may nakapalinaw kanako?

cebuano_ang_biblia_pinadayag@Job:16:7 @ Apan karon ako giguol niya: Imong gihimong alaut ang akong tanan nga katilingban.

cebuano_ang_biblia_pinadayag@Job:16:8 @ Ug gigunitan mo ako, nga maoy usa ka pagpamatuod : Ug ang akong kaniwang nagapasundayag batok kanako, Kini nagapamatuod sa akong atubangan.

cebuano_ang_biblia_pinadayag@Job:16:9 @ Ako gilaksi niya sa iyang kapungot, ug ginalutos ako; Batok kanako gipakagot niya ang iyang mga ngipon: Ang akong kabatok nagatutuk sa iyang mga mata kanako.

cebuano_ang_biblia_pinadayag@Job:16:10 @ Gibanganga nila ang ilang mga baba kanako; Ang akong aping ilang gisagpa uban ang pagbadlong: Sila sa ilang kaugalingon nagtigum batok kanako.

cebuano_ang_biblia_pinadayag@Job:16:11 @ Ang Dios nagatugyan kanako ngadto sa mga walay Dios, Ug nagatugyan kanako ngadto sa mga kamot sa mga dautan.

cebuano_ang_biblia_pinadayag@Job:16:12 @ Diha ako sa akong kalipayan, ug iyang gipikas ako; Oo, siya migunit kanako sa akong liog, ug iya akong gilambos; Iya usab akong gihimo nga iyang ilig-on.

cebuano_ang_biblia_pinadayag@Job:16:13 @ Ang iyang mga magpapana naglibut kanako; Ang akong mga amimislon iyang gipikas, ug dili mopasaylo; Ang akong apdo iyang gibubo sa ibabaw sa yuta.

cebuano_ang_biblia_pinadayag@Job:16:14 @ Iyang gidaut ako sa kasakitan nga nagsunodsunod; Siya midasmag kanako nga ingon sa usa ka higante.

cebuano_ang_biblia_pinadayag@Job:16:15 @ Gitahi ko ang sako sa akong panit, Ug gibutang ko ang akong sungay sa abug.

cebuano_ang_biblia_pinadayag@Job:16:16 @ Ang akong nawong napula na lamang sa hinilak, Ug sa akong mga tabontabon ania ang landong sa kamatayon; q1

cebuano_ang_biblia_pinadayag@Job:16:17 @ ¶ Bisan wala sa akong mga kamot ang panglupig, Ug mahinlo ang akong pag-ampo.

cebuano_ang_biblia_pinadayag@Job:16:18 @ Oh kalibutan, ayaw pagtaboni ang akong dugo, Ug ayaw paghatagi ug pahulayanan ang akong mga pagbakho.

cebuano_ang_biblia_pinadayag@Job:16:19 @ Bisan ngani karon tan-awa, ang akong saksi atua sa langit, Ug ang nagapamatuod kanako atua sa kinahitas-an.

cebuano_ang_biblia_pinadayag@Job:16:20 @ Ang akong mga abyan nagayubit kanako: ang akong mata nagapaagay ug mga luha ngadto sa Dios,

cebuano_ang_biblia_pinadayag@Job:16:21 @ Aron siya modapig sa katungod sa tawo uban sa Dios, Ug usa ka anak sa tawo uban sa iyang isigkatawo!

cebuano_ang_biblia_pinadayag@Job:16:22 @ Kay sa modangat na ang pipili ka tuig, Ako mopanaw ngadto sa dapit nga akong pagaadtoan sa wala nay pagbalik.

cebuano_ang_biblia_pinadayag@Job:17:1 @ ¶ Ang akong espiritu maluya na, nahurot na ang akong mga adlaw, Ang lubnganan alang kanako.

cebuano_ang_biblia_pinadayag@Job:17:2 @ Sa pagkamatuod adunay nga yubitan uban kanako, Ug ang akong mata nagasud-ong sa ilang mga hagit.

cebuano_ang_biblia_pinadayag@Job:17:3 @ Ibutang karon ang pagsalig, ug pangakohon mo ako uban kanimo; Kinsa karon ang buot makigsangka kanako?

cebuano_ang_biblia_pinadayag@Job:17:4 @ Kay gitagoan mo ang ilang mga kasingkasing gikan sa salabutan: Busa ikaw dili motuboy kanila sa itaas.

cebuano_ang_biblia_pinadayag@Job:17:5 @ Ang tawo nga nagadumili sa iyang mga higala mahitungod sa ilang bahin, Bisan ang mga mata sa iyang mga anak mangalubog.

cebuano_ang_biblia_pinadayag@Job:17:6 @ Apan ako gihimo niya nga pagya sa mga tawo; Ug ilang ginalud-an ang akong nawong.

cebuano_ang_biblia_pinadayag@Job:17:7 @ Ang akong mata usab malubog tungod sa kasubo, Ug ang akong mga panumduman ang tanan ingon sa usa ka landong.

cebuano_ang_biblia_pinadayag@Job:17:8 @Angmgatawongmatarungnahitingalaniini,UgangwalaysalamoasdangbatoksamgawalayDios.

cebuano_ang_biblia_@