Bible:
Filter: String:

OT.filter - cebuano_ang_biblia_pinadayag :

cebuano_ang_biblia_pinadayag@Genesis:1:1 @ ¶ Sa sinugdan gibuhat sa Dios ang mga langit ug ang yuta.

cebuano_ang_biblia_pinadayag@Genesis:1:2 @ Ug ang yuta awa-aw ug walay sulod; ug ang kangitngit diha sa ibabaw sa nawong sa kahiladman; ug ang Espiritu sa Dios naglihok sa ibabaw sa nawong sa mga tubig.

cebuano_ang_biblia_pinadayag@Genesis:1:3 @ ¶ Ug miingon ang Dios: Mahimo ang kahayag: ug dina ang kahayag.

cebuano_ang_biblia_pinadayag@Genesis:1:4 @ Ug nakita sa Dios ang kahayag nga kini maayo; ug gilain sa Dios ang kahayag gikan sa kangitngit.

cebuano_ang_biblia_pinadayag@Genesis:1:5 @ Ug gihinganlan sa Dios ang kahayag nga Adlaw, ug ang kangitngit gihinganlan niya Gabii: ug dihay kahaponon ug dihay kabuntagon, usa ka adlaw.

cebuano_ang_biblia_pinadayag@Genesis:1:6 @ ¶ Ug miingon ang Dios: Mahimo ang usa ka hawan sa taliwala sa mga tubig, ug pagabahinon niini ang mga tubig gikan sa mga tubig.

cebuano_ang_biblia_pinadayag@Genesis:1:7 @ Ug gibuhat sa Dios ang hawan ug gilain ang mga tubig nga diha sa ilalum sa hawan gikan sa mga tubig nga diha sa ibabaw sa hawan; ug nahimo kini.

cebuano_ang_biblia_pinadayag@Genesis:1:8 @ Ug gihinganlan sa Dios ang hawan nga Langit. Ug dihay kahaponon ug dihay kabuntagon, adlaw nga ikaduha.

cebuano_ang_biblia_pinadayag@Genesis:1:9 @ ¶ Ug miingon ang Dios: Matingub ang mga tubig nga anaa sa ilalum sa mga langit ngadto sa usa ka dapit ug tumungha ang yuta nga mamala: ug nahimo kini.

cebuano_ang_biblia_pinadayag@Genesis:1:10 @ Ug ang mamala nga gihinganlan sa Dios nga Yuta; ug ang katilingban sa mga tubig iyang gihinganlan nga mga Dagat: ug nakita sa Dios nga kini maayo.

cebuano_ang_biblia_pinadayag@Genesis:1:11 @ Ug miingon ang Dios: Magpaturok ang yuta ug balili, talamnon nga magahatag ug binhi; himunga nga mga kahoy nga magahatag ug bunga ingon sa ilang matang diin anaa kaniya ang iyang binhi sa ibabaw sa yuta: ug nahimo kini.

cebuano_ang_biblia_pinadayag@Genesis:1:12 @ Ug ang yuta nagpaturok ug balili, talamnon nga nagahatag ug binhi, ingon sa ilang matang; ug mga kahoy nga nagahatag ug bunga, nga maoy binhi niini, ingon sa ilang matang, ug nakita sa Dios nga kini maayo.

cebuano_ang_biblia_pinadayag@Genesis:1:13 @ Ug dihay kahaponon ug dihay kabuntagon, adlaw nga ikatolo.

cebuano_ang_biblia_pinadayag@Genesis:1:14 @ ¶ Ug miingon ang Dios: Mahimo ang mga kahayag sa hawan sa langit aron sa pagbulag sa adlaw gikan sa gabii; ug himoa sila nga alang sa mga ilhanan, ug alang sa mga panahon, ug alang sa mga adlaw ug sa mga katuigan;

cebuano_ang_biblia_pinadayag@Genesis:1:15 @ Ug himoa sila nga mga kahayag sa hawan sa langit aron sa paghatag ug kahayag sa ibabaw sa yuta: ug nahimo kini.

cebuano_ang_biblia_pinadayag@Genesis:1:16 @ Ug gibuhat sa Dios ang duruha ka dagkung mga kahayag: ang labing dakung kahayag sa paghari sa adlaw ug ang labing diyutay nga kahayag sa paghari sa gabii; usab niya ang mga bitoon.

cebuano_ang_biblia_pinadayag@Genesis:1:17 @ Ug gibutang sila sa Dios sa hawan sa langit, aron magaiwag sa ibabaw sa yuta,

cebuano_ang_biblia_pinadayag@Genesis:1:18 @ Ug aron sa paghari sa adlaw ug sa gabii, ug aron sa pagbulag sa kahayag gikan sa kangitngit: ug nakita sa Dios nga kini maayo.

cebuano_ang_biblia_pinadayag@Genesis:1:19 @ Ug dihay kahaponon ug dihay kabuntagon, adlaw nga ikaupat.

cebuano_ang_biblia_pinadayag@Genesis:1:20 @ ¶ Ug miingon ang Dios: Dumagsang sa mga tubig ang duot sa mga binuhat nga buhi, ug manglupad ang mga langgam sa ibabaw sa yuta diha sa hawan sa langit.

cebuano_ang_biblia_pinadayag@Genesis:1:21 @ Ug gibuhat sa Dios ang dagkung mga mananap, ug ang tanang mga binuhat nga buhi nga nagalihok nga mitungha sa mga tubig, ingon sa ilang matang ug ang tagsatagsa ka langgam nga pak-an, ingon sa iyang matang: ug nakita sa Dios nga kini maayo.

cebuano_ang_biblia_pinadayag@Genesis:1:22 @ Ug gipanalanginan sila sa Dios, nga nagaingon: Sumanay ug dumaghan kamo, ug pun-on ninyo ang mga tubig sa mga dagat, ug padaghanon ang mga langgam sa yuta.

cebuano_ang_biblia_pinadayag@Genesis:1:23 @ Ug dihay kahaponon ug dihay kabuntagon, adlaw nga ikalima.

cebuano_ang_biblia_pinadayag@Genesis:1:24 @ ¶ Ug miingon ang Dios: Magpatubo ang yuta ug mga binuhat nga buhi ingon sa ilang matang, mga kahayopan, ug mga butang nga nakagamang , ug mga mananap sa yuta ingon sa ilang matang: ug nahimo kini.

cebuano_ang_biblia_pinadayag@Genesis:1:25 @ Ug gibuhat sa Dios ang mga mananap sa yuta ingon sa ilang matang, ug ang kahayopan ingon sa ilang matang, ug ngatanan nga mananap nga nagakamang sa ibabaw sa yuta ingon sa ilang matang: ug nakita sa Dios nga kini maayo.

cebuano_ang_biblia_pinadayag@Genesis:1:26 @ ¶ Ug miingon ang Dios: Buhaton nato ang tawo sumala sa atong dagway, ingon sa kasama nato; ug magabuot sila sa mga isda sa dagat, ug sa mga langgam sa kalangitan, ug sa mga kahayopan, ug sa tibook nga yuta, ug sa tanan nga nagakamang sa ibabaw sa yuta.

cebuano_ang_biblia_pinadayag@Genesis:1:27 @ Ug gibuhat sa Dios ang tawo sa iyang kaugalingong dagway, sa dagway sa Dios gibuhat niya sila, lalake ug babaye iyang gibuhat sila.

cebuano_ang_biblia_pinadayag@Genesis:1:28 @ Ug gipanalanginan sila sa Dios, ug miingon ang Dios kanila: Sumanay ug dumaghan kamo, ug pun-on ninyo ang yuta, ug magagahum kamo niini, ug magbaton kamo sa pagbulot-an sa ibabaw sa mga isda sa dagat, ug sa mga langgam sa kalangitan, ug ibabaw sa tanan nga binuhat nga buhi nga nagalihok sa ibabaw sa yuta.

cebuano_ang_biblia_pinadayag@Genesis:1:29 @ ¶ Ug miingon ang Dios: Tan-awa, gihatagan ko kamo sa tanan nga balili nga nagahatag ug binhi, nga anaa sa ibabaw sa nawong sa tibook nga yuta, ug sa tanan nga kahoy nga may bunga sa kahoy nga nagahatag ug binhi, aron alang kaninyo kini mahimong kalan-on;

cebuano_ang_biblia_pinadayag@Genesis:1:30 @ Ug sa tanan nga mananap sa yuta, ug sa tanang langgam sa kalangitan, ug sa tanang butang nga nagakamang sa ibabaw sa yuta, nga adunay kinabuhi, ang tanan nga balili nga lunhaw, aron ilang kan-on: ug nahimo kini.

cebuano_ang_biblia_pinadayag@Genesis:1:31 @ ¶ Ug nakita sa Dios ang tanang butang nga iyang gibuhat, ug tan-awa, kini maayo kaayo. Ug dihay kahaponon ug dihay kabuntagon, adlaw nga ikaunom.

cebuano_ang_biblia_pinadayag@Genesis:2:1 @ ¶ Ug nahuman ang mga langit ug ang yuta ug ang tibook nga panon kanila.

cebuano_ang_biblia_pinadayag@Genesis:2:2 @ Ug sa adlaw nga ikapito natapus sa Dios ang buhat nga iyang gihimo; ug mipahulay siya sa adlaw nga ikapito gikan sa tanan niyang mga buhat nga iyang nahimo.

cebuano_ang_biblia_pinadayag@Genesis:2:3 @ Ug gipanalanginan sa Dios ang adlaw nga ikapito, ug nagbalaan niini; tungod kay niini nagpahulay siya gikan sa tanan niyang buhat nga gibuhat ug nahimo sa Dios.

cebuano_ang_biblia_pinadayag@Genesis:2:4 @ ¶ Kini mao ang mga sinugdan sa mga langit ug sa yuta, sa pagbuhat kanila, sa adlaw nga si Jehova nga Dios naghimo sa yuta ug sa langit.

cebuano_ang_biblia_pinadayag@Genesis:2:5 @ Ug wala pay tanum sa kapatagan nga diha sa ibabaw sa yuta, ug wala pay tanum sa kapatagan nga misugod sa pagturok, kay si Jehova nga Dios wala pa magpaulan sa ibabaw sa yuta, ug wala pay tawo nga makauma sa yuta.

cebuano_ang_biblia_pinadayag@Genesis:2:6 @ Apan dihay misaka nga gabon gikan sa yuta nga nagbubo sa tibook nga nawong sa yuta.

cebuano_ang_biblia_pinadayag@Genesis:2:7 @ Ug giumol ni Jehova nga Dios ang tawo gikan sa abog sa yuta, ug gihuypan niya sa mga buho sa iyang ilong sa gininhawa sa kinabuhi, ug ang tawo nahimong kalag nga may kinabuhi.

cebuano_ang_biblia_pinadayag@Genesis:2:8 @ ¶ Ug si Jehova nga Dios nagbuhat ng usa ka tanaman sa silangan sa Eden ug gibutang niya didto ang tawo nga iyang giumol.

cebuano_ang_biblia_pinadayag@Genesis:2:9 @ Ug nagpaturok si Jehova nga Dios gikan sa yuta sa tanan nga kahoy nga makapahimuot sa igtatan-aw, ug maayo nga kalan-on: ug ang kahoy usab nga sa kinabuhi diha sa taliwala sa tanaman, ug ang kahoy sa pag-ila sa maayo ug sa dautan.

cebuano_ang_biblia_pinadayag@Genesis:2:10 @ Ug migula gikan sa Eden ang usa ka suba sa pagtubig sa tanaman ug gikan didto nabahin kini ug nahimong upat ka mga sanga.

cebuano_ang_biblia_pinadayag@Genesis:2:11 @ Ang ngalan sa usa Pison: Kini mao ang nagalikos sa tibook nga yuta sa Habila nga didto adunay bulawan.

cebuano_ang_biblia_pinadayag@Genesis:2:12 @ Ug ang bulawan niadtong yutaa maayo: didto may bdelio ug onyx nga bato.

cebuano_ang_biblia_pinadayag@Genesis:2:13 @ Ug ang ngalan sa ikaduha ka suba Gihon: kini mao ang nagalikos sa tibook nga yuta sa Etiopia.

cebuano_ang_biblia_pinadayag@Genesis:2:14 @ Ug ang ngalan sa ikatolo ka suba Hidekel: kini mao ang nagapadulong ngadto sa atbang sa Asiria. Ug ang ikaupat ka suba mao ang Eufrates.

cebuano_ang_biblia_pinadayag@Genesis:2:15 @ Ug gikuha ni jehova nga Dios ang tawo ug gibutang siya tanaman sa Eden, aron kini iyang atimanon ug bantayan.

cebuano_ang_biblia_pinadayag@Genesis:2:16 @ ¶ Ug si Jehova nga Dios nagsugo sa tawo nga nagaingon: Makakaon ka sa tanan nga kahoy sa tanaman:

cebuano_ang_biblia_pinadayag@Genesis:2:17 @ Apan sa kahoy nga sa pag-ila sa maayo ug sa dautan, dili ka magkaon niini; kay sa adlaw nga mokaon ka niini, mamatay ka gayud.

cebuano_ang_biblia_pinadayag@Genesis:2:18 @ ¶ Ug miingon si Jehova nga Dios: Dili maayo nga ang tawo mag-inusara; pagabuhatan ko siya ug katabang nga angay kaniya.

cebuano_ang_biblia_pinadayag@Genesis:2:19 @ Ug giumol ni Jehova nga Dios gikan sa yuta ang tanang mga mananap sa kapatagan, ug ang tanan nga langgam sa kalangitan, ug sila gidala niya kang Adam aron makita niya kong unsaon niya paghingalan kanila: ug ang tanan nga gihinganlan ni Adam sa mga mananap nga buhi, kana ang ngalan niini.

cebuano_ang_biblia_pinadayag@Genesis:2:20 @ Ug gihatagan ni Adam ug mga ngalan ang tanan nga kahayopan ug ang mga langgam sa kalangitan ug ang tanan nga mga mananap sa kapatagan; apan alang kang Adam walay hingkaplagan nga katabang nga angay kaniya.

cebuano_ang_biblia_pinadayag@Genesis:2:21 @ ¶ Ug gipahinanok ni Jehova nga Dios si Adam ug nahakatulog siya; unya mikuha siya ug usa sa iyang mga gusok ug gitakpan niya ang unod sa dapit niini.

cebuano_ang_biblia_pinadayag@Genesis:2:22 @ Ug ang gusok nga gikuha ni Jehova nga Dios gikan sa tawo gibuhat niya nga usa ka babaye, ug iyang gidala siya ngadto sa lalake.

cebuano_ang_biblia_pinadayag@Genesis:2:23 @ Ug miingon si Adam: Kini mao karon ang bukog sa akong mga bukog, ug unod sa akong unod; siya paganganlan nga Babaye, kay gikuha siya gikan sa Lalake.

cebuano_ang_biblia_pinadayag@Genesis:2:24 @ Tungod niini, ang lalake magabiya sa iyang amahan ug sa iyang inahan, ug moipon siya sa iyang asawa, ug sila mahimong usa ka unod.

cebuano_ang_biblia_pinadayag@Genesis:2:25 @ Ug silang duruha mga hubo, si Adam ug ang iyang asawa, ug sila wala mangaulaw.

cebuano_ang_biblia_pinadayag@Genesis:3:1 @ ¶ Karon, ang bitin malalangon labi pa kay sa ngatanan nga mga mananap sa kapatagan nga gibuhat ni Jehova nga Dios. Ug nag-ingon siya sa babaye: Diay, nag-ingon ang Dios: Dili kamo makakaon sa tanan nga mga kahoy sa tanaman?

cebuano_ang_biblia_pinadayag@Genesis:3:2 @ Ug ang babaye mitubag sa bitin: Makakaon kami sa bunga sa mga kahoy sa tanaman:

cebuano_ang_biblia_pinadayag@Genesis:3:3 @ Apan sa bunga sa kahoy nga anaa sa taliwala sa tanaman, miingon ang Dios; Dili kamo magkaon niana, bisan maghikap niana, aron kamo dili mamatay.

cebuano_ang_biblia_pinadayag@Genesis:3:4 @ Ug ang bitin miingon sa babaye: Dili gayud kamo mamatay.

cebuano_ang_biblia_pinadayag@Genesis:3:5 @ Kay hingbaloan sa Dios, nga sa adlaw nga kamo mokaon niini mangabuka ang inyong mga mata, ug mahimo kamo nga sama sa Dios, nga manghibalo sa maayo ug sa dautan.

cebuano_ang_biblia_pinadayag@Genesis:3:6 @ ¶ Ug sa nakita sa babaye nga ang kahoy maayo nga kan-on ug nga kini makalipay sa mga mata, ug nga ang kahoy takus tinguhaon aron makapahimong makinaadmanon sa tawo, mikuha siya sa bunga niini ug mikaon; ug gihatagan usab niya ang iyang bana, kauban niya, ug mikaon siya.

cebuano_ang_biblia_pinadayag@Genesis:3:7 @ Ug nangabuka ang mga mata nilang duha, ug sila nanghibalo nga sila mga hubo; ug nanagtahi sila sa mga dahon sa higuera, ug nanagbuhat ug mga tapis alang sa ilang kaugalingon.

cebuano_ang_biblia_pinadayag@Genesis:3:8 @ Ug hingdunggan nila ang tingog ni Jehova nga Dios nga nagalakaw sa tanaman sa kabugnaw sa adlaw, ug nanagtago ang tawo ug ang iyang asawa gikan sa atubangan ni Jehova nga Dios, sa taliwala sa mga kakahoyan sa tanaman.

cebuano_ang_biblia_pinadayag@Genesis:3:9 @ ¶ Ug si Jehova nga Dios nagtawag sa tawo, ug nag-ingon kaniya: Hain ka?

cebuano_ang_biblia_pinadayag@Genesis:3:10 @ Ug mitubag siya: Hingdunggan ko ang imong tingog sa tanaman, ug nahadlok ako, kay hubo ako, ug mingtago ako.

cebuano_ang_biblia_pinadayag@Genesis:3:11 @ ¶ Ug miingon siya: Kinsa ba ang nag-ingon kanimo nga hubo ikaw? Mikaon ka ba sa kahoy nga gisugo ko kanimo nga dili mo pagakan-on?

cebuano_ang_biblia_pinadayag@Genesis:3:12 @ Ug ang tawo miingon: Ang babaye nga gihatag mo kanako nga akong igauban, siya naghatag kanako sa kahoy, ug mikaon ako.

cebuano_ang_biblia_pinadayag@Genesis:3:13 @ Ug si Jehova nga Dios nag-ingon sa babaye: Unsa kining imong gibuhat? Ug nag-ingon ang babaye: Ang bitin naglimbong kanako, ug mikaon ako.

cebuano_ang_biblia_pinadayag@Genesis:3:14 @ ¶ Ug si Jehova nga Dios nag-ingon sa bitin: Tungod kay ikaw nagbuhat niini, tinunglo ikaw labi pa kay sa tanan nga mga kahayopan, ug labaw sa tanan nga mga mananap sa kapatagan; sa imong tiyan magakamang ka, ug magakaon ikaw sa abog sa tanan nga mga adlaw sa imong kinabuhi.

cebuano_ang_biblia_pinadayag@Genesis:3:15 @ Ug ibutang ko ang panagkaaway sa taliwala mo ug sa babaye, ug sa taliwala sa imong kaliwat ug sa iyang kaliwat; siya magasamad sa imong ulo, ug ikaw magasamad sa iyang tikod.

cebuano_ang_biblia_pinadayag@Genesis:3:16 @ ¶ Nag-ingon siya sa babaye: Pagadaghanon ko sa hilabihan gayud ang imong mga kasakit ug ang imong mga pagpanamkon; ug sa may kasakit ikaw magapanganak ug mga anak; ug ang imong tinguha mao ang pagpangandoy sa imong bana, ug siya magabuot kanimo.

cebuano_ang_biblia_pinadayag@Genesis:3:17 @ ¶ Ug miingon siya kang Adam: Tungod kay gipatalinghugan mo ang tingog sa imong asawa, ug nagkaon ka sa kahoy nga gisugo ko kanimo sa pag-ingon: Dili ka magkaon niini: tinunglo ang yuta tungod kanimo; pinaagi sa kahago magakaon ka gikan niini sa tanang mga adlaw sa imong kinabuhi;

cebuano_ang_biblia_pinadayag@Genesis:3:18 @ Kini magapaturok usab kanimo ug mga sampinit ug mga kadyapa; ug magakaon ka sa mga hilamon sa kapatagan.

cebuano_ang_biblia_pinadayag@Genesis:3:19 @ Sa singot sa imong nawong magakaon ikaw sa tinapay, hangtud nga mopauli ka sa yuta; tungod kay gikan niini gikuha ikaw; kay abog ka, ug sa abog ikaw mopauli.

cebuano_ang_biblia_pinadayag@Genesis:3:20 @ ¶ Ug gihinganlan sa tawo ang ngalan sa iyang asawa si Eva, tungod kay siya mao ang inahan sa ngatanan nga adunay kinabuhi.

cebuano_ang_biblia_pinadayag@Genesis:3:21 @ ¶ Ug si Jehova nga Dios nagbuhat alang kang Adam ug sa iyang asawa mga sinina nga panit, ug iyang gibistihan sila.

cebuano_ang_biblia_pinadayag@Genesis:3:22 @ ¶ Ug miingon si Jehova nga Dios, Ania karon, ang tawo nahimo nga ingon nga usa kanato, sa pagkahibalo sa maayo ug sa dautan; ug karon, tingali unya ituy-od niya ang iyang kamot ug mokuha usab sa kahoy sa kinabuhi, ug mokaon, ug mabuhi sa gihapon

cebuano_ang_biblia_pinadayag@Genesis:3:23 @ Tungod niini gihinginlan siya ni Jehova nga Dios gikan sa tanaman sa Eden, aron sa pag-uma sa yuta nga gikuhaan kaniya.

cebuano_ang_biblia_pinadayag@Genesis:3:24 @ Busa gipapahawa niya ang tawo, ug gibutang niya sa may silangan sa tanaman sa Eden ang mga querubin, ug ang siga sa usa ka espada nga nagalisoliso, aron sa pagbantay sa dalan sa kahoy sa kinabuhi.

cebuano_ang_biblia_pinadayag@Genesis:4:1 @ ¶ Ang tawo miila kang Eva nga iyang asawa; ug kini nanamkon ug nag-anak kang Cain, ug miingon: Nakabaton ako ug usa ka lalake tungod sa ni Jehova.

cebuano_ang_biblia_pinadayag@Genesis:4:2 @ Ug unya usab nag-anak siya kang Abel nga iyang igsoon. Ug si Abel magbalantay sa mga carnero; apan si Cain mag-uuma sa yuta.

cebuano_ang_biblia_pinadayag@Genesis:4:3 @ ¶ Ug sa nagairog ang panahon, nahitabo nga si Cain nagdala gikan sa mga abut sa yuta usa ka halad kang Jehova.

cebuano_ang_biblia_pinadayag@Genesis:4:4 @ Ug si Abel nagdala usab sa mga panganay sa iyang mga carnero ug sa mga matambok niini ug gitamod ni Jehova si Abel, ug ang iyang halad.

cebuano_ang_biblia_pinadayag@Genesis:4:5 @ Apan kang Cain ug sa iyang hatad wala siyay pagtamod. Ug nangisog si Cain sa hilabihan gayud, ug nangil-ad ang iyang panagway.

cebuano_ang_biblia_pinadayag@Genesis:4:6 @ ¶ Ug si Jehova miingon kang Cain: Nganong nasuko ikaw, ug nganong nagngil-ad ang imong panagway?

cebuano_ang_biblia_pinadayag@Genesis:4:7 @ Kong maayo ang imong gibuhat, kini dili ba pagadayegon? Ug kong dili ka magbuhat ug maayo, ang sala nagahay-ad sa ganghaan; ug kanimo mamao ang iyang tinguha; apan ikaw magabuot niini.

cebuano_ang_biblia_pinadayag@Genesis:4:8 @ ¶ Ug namulong si Cain kang Abel nga iyang igsoon. Ug nahitabo, nga sa didto sila sa kapatagan, si Cain mitindog batok kang Abel nga iyang igsoon, ug iyang gipatay siya.

cebuano_ang_biblia_pinadayag@Genesis:4:9 @ ¶ Ug miingon si Jehova kang Cain, Hain si Abel nga imong igsoon? Ug mitubag siya, Ambut: magbalantay ba ako sa akong igsoon?

cebuano_ang_biblia_pinadayag@Genesis:4:10 @ Ug miingon siya, Unsa ang gibuhat mo? Ang tingog sa dugo sa imong igsoon nagatu-aw kanako gikan sa yuta.

cebuano_ang_biblia_pinadayag@Genesis:4:11 @ Ug karon tinunglo ikaw sa yuta, nga nagbuka sa iyang baba sa pagdawat sa dugo sa imong igsoon gikan sa imong kamot;

cebuano_ang_biblia_pinadayag@Genesis:4:12 @ Sa diha nga magauma ikaw sa yuta, dili na kini magahatag kanimo sa iyang kusog; magalaaglaag ug magadumuloong ikaw sa yuta.

cebuano_ang_biblia_pinadayag@Genesis:4:13 @ ¶ Ug miingon si Cain kang Jehova, Ang akong silot labi nang daku kay sa akong mamaantus.

cebuano_ang_biblia_pinadayag@Genesis:4:14 @ Ania karon ginaabug mo ako niining adlawa gikan sa nawong sa yuta, ug ako magatago gikan sa imong atubangan; magalaaglaag ug magadumuloong ako sa yuta ug mahitabo nga bisan kinsa ang makakita kanako, mopatay kanako.

cebuano_ang_biblia_pinadayag@Genesis:4:15 @ Ug si Jehova miingon kaniya: Sa tungod niana bisan kinsa nga magapatay kang Cain, ang panimalus ipahamtang kaniya sa pito ka pilo. Ug gibutangan ni Jehova ug patik si Cain aron siya dili pagapatyon ni bisan kinsa nga makakita kaniya.

cebuano_ang_biblia_pinadayag@Genesis:4:16 @ ¶ Ug mipahawa si Cain sa atubangan ni Jehova, ug mipuyo sa yuta sa Nod sa silangan sa Eden.

cebuano_ang_biblia_pinadayag@Genesis:4:17 @ Ug giila ni Cain ang iyang asawa, ug kini siya nanamkon ug nag-anak kang Enoch; ug nagtukod siya ug usa ka lungsod ug gihinganlan niya ang ngalan sa lungsod nga sunod sa ngalan sa iyang anak nga Enoch.

cebuano_ang_biblia_pinadayag@Genesis:4:18 @ Ug kang Enoch natawo si Irad, ug si Irad nanganak kang Mehujael, ug si Mehujael nanganak kang Methusael, ug si Methusael nanganak kang Lamech.

cebuano_ang_biblia_pinadayag@Genesis:4:19 @ ¶ Ug mikuha si Lamech alang kaniya duruha ka asawa; ang ngalan sa usa mao si Ada, ug ang ngalan sa usa si Zilla.

cebuano_ang_biblia_pinadayag@Genesis:4:20 @ Ug si Ada nanganak kang Jabal, nga mao ang amahan sa mga nagapuyo sa mga balongbalong, ug mga hayup.

cebuano_ang_biblia_pinadayag@Genesis:4:21 @ Ug ang ngalan sa iyang igsoon mao si Jubal, siya mao ang amahan sa tanan nga mga nagatogtog sa alpa ug sa flauta.

cebuano_ang_biblia_pinadayag@Genesis:4:22 @ Ug si Zilla usab nanganak kang Tubal-Cain nga magsasalsal sa tanang galamiton nga tumbaga ug puthaw; ug ang igsoon nga babaye ni Tubal-Cain mao si Naama.

cebuano_ang_biblia_pinadayag@Genesis:4:23 @ ¶ Ug si Lamech miingon sa iyang mga asawa: Ada ug Zilla, patalinghugi ninyo ang akong tingog; kamo nga mga asawa ni Lamech, patalinghugi ninyo ang akong pakigpulong; kay gipatay ko ang usa ka tawo tungod sa pagsamad kanako ug usa ka batan-on tungod sa pagbun-og kanako:

cebuano_ang_biblia_pinadayag@Genesis:4:24 @ Kong sa pito ka pilo pagapanimalusan si Cain, si Lamech sa pagkamatuod pagapanimalusan ug kapitoan ug pito ka pilo.

cebuano_ang_biblia_pinadayag@Genesis:4:25 @ ¶ Ug giila pag-usab ni Adam ang iyang asawa, ug kini nanganak ug usa ka anak nga lalake, ug gitawag niya ang iyang ngalan si Seth; kay ang Dios, , naga tudlo kanako ug usa ka kaliwat nga ilis ni Abel, nga gipatay ni Cain.

cebuano_ang_biblia_pinadayag@Genesis:4:26 @ Ug kang Seth usab natawo ang usa ka anak nga lalake; ug gitawag niya ang iyang ngalan si Enos. Unya ang mga tawo nanagsugod sa pagtawag sa ngalan ni Jehova.

cebuano_ang_biblia_pinadayag@Genesis:5:1 @ ¶ Kini mao ang basahon sa mga kaliwatan ni Adam. Sa adlaw nga gibuhat sa Dios ang tawo, sa kasama sa Dios siya gibuhat niya.

cebuano_ang_biblia_pinadayag@Genesis:5:2 @ Lalake ug babaye iyang gibuhat sila; ug gipanalanginan sila, ug gitawag niya ang ngalan nila ug Adam sa adlaw sa pagbuhat kanila.

cebuano_ang_biblia_pinadayag@Genesis:5:3 @ Ug nakadangat si Adam ug usa ka gatus ug katloan ka tuig ug nanganak ug usa ka nga liwat kaniya, ingon sa iyang dagway, ug nagtawag sa iyang ngalan si Seth.

cebuano_ang_biblia_pinadayag@Genesis:5:4 @ Ug ang mga adlaw ni Adam, sa human siya manganak kang Seth, walo ka gatus ka tuig; ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:5:5 @ Ug ang tanan nga mga adlaw sa kinabuhi ni Adam siyam ka gatus ug katloan ka tuig, ug namatay siya.

cebuano_ang_biblia_pinadayag@Genesis:5:6 @ ¶ Ug nakadangat si Seth ug usa ka gatus ug lima ka tuig, ug nanganak kang Enos.

cebuano_ang_biblia_pinadayag@Genesis:5:7 @ Ug si Seth sa human manganak kang Enos, nakadangat ug walo ka gatus ug pito ka tuig; ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:5:8 @ Ug ang tanan nga mga adlaw ni Seth siyam ka gatus ug napulo ug duha ka tuig, ug namatay siya.

cebuano_ang_biblia_pinadayag@Genesis:5:9 @ Ug nakadangat si Enos ug kasiyaman ka tuig ug nanganak kang Cainan.

cebuano_ang_biblia_pinadayag@Genesis:5:10 @ Ug si Enos sa human manganak kang Cainan, nakadangat ug walo ka gatus ug napulo ug lima ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:11 @ Ug ang tanan nga mga adlaw ni Enos, siyam ka gatus ug lima ka tuig, ug namatay siya.

cebuano_ang_biblia_pinadayag@Genesis:5:12 @ Ug nakadangat si Cainan ug kapitoan ka tuig ug nanganak kang Mahalaleel.

cebuano_ang_biblia_pinadayag@Genesis:5:13 @ Ug si Cainan sa human manganak kang Mahalaleel, nakadangat ug walo ka gatus ug kap-atan ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:14 @ Ug ang tanan nga mga adlaw ni Cainan siyam ka gatus ug napulo ka tuig, ug namatay siya.

cebuano_ang_biblia_pinadayag@Genesis:5:15 @ Ug si Mahalaleel nakadangat ug kan-uman ug lima ka tuig, ug nanganak kang Jared.

cebuano_ang_biblia_pinadayag@Genesis:5:16 @ Ug si Mahalaleel sa human manganak kang Jared, nakadangat ug walo ka gatus ug katloan ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:17 @ Ug ang tanan nga mga adlaw ni Mahalaleel, walo ka gatus kasiyaman ug lima ka tuig, ug namatay siya.

cebuano_ang_biblia_pinadayag@Genesis:5:18 @ Ug si Jared nakadangat ug usa ka gatus ug kan-uman ug duha ka tuig, ug nanganak kang Henoch.

cebuano_ang_biblia_pinadayag@Genesis:5:19 @ Ug si Jared, sa human manganak kang Henoch, nakadangat ug walo ka gatus ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:20 @ Ug ang tanan nga mga adlaw ni Jared siyam ka gatus kan-uman ug duha ka tuig, ug namatay siya.

cebuano_ang_biblia_pinadayag@Genesis:5:21 @ ¶ Ug si Henoch nakadangat ug kan-uman ug lima ka tuig, ug nanganak kang Mathusalam.

cebuano_ang_biblia_pinadayag@Genesis:5:22 @ Ug naglakaw si Henoch kuyog sa Dios sa human siya manganak kang Mathusalam, ug totolo ka gatus ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:23 @ Ug ang tanan nga mga adlaw ni Henoch midangat ug totolo ka gatus ug kan-uman ug lima ka tuig.

cebuano_ang_biblia_pinadayag@Genesis:5:24 @ Ug si Henoch naglakaw uban sa Dios, ug nawala siya, kay gikuha siya sa Dios.

cebuano_ang_biblia_pinadayag@Genesis:5:25 @ ¶ Ug nakadangat si Mathusalam ug usa ka gatus kawaloan ug pito ka tuig, ug nanganak kang Lamech.

cebuano_ang_biblia_pinadayag@Genesis:5:26 @ Ug si Mathusalam, sa human manganak kang Lamech, nakadangat ug pito ka gatus kawaloan ug duha ka tuig; ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:5:27 @ Ug ang tanan nga mga adlaw ni Mathusalam siyam ka gatus kan-uman ug siyam ka tuig, ug namatay siya.

cebuano_ang_biblia_pinadayag@Genesis:5:28 @ ¶ Ug nakadangat si Lamech ug usa ka gatus kawaloan ug duha ka tuig, ug nanganak ug usa ka anak nga lalake;

cebuano_ang_biblia_pinadayag@Genesis:5:29 @ Ug gitawag niya ang iyang ngalan si Noe nga nagaingon: Kini siya magalipay kanato sa atong buhat, ug sa kabudlay sa atong mga kamot, tungod sa yuta nga gitunglo ni Jehova.

cebuano_ang_biblia_pinadayag@Genesis:5:30 @ Ug si Lamech sa human siya manganak kang Noe, nakadangat ug lima ka gatus kasiyaman ug lima ka tuig; ug nanganak ug mga anak nga lalake ug mga anak nga babaye.

cebuano_ang_biblia_pinadayag@Genesis:5:31 @ Ug ang tanan nga mga adlaw ni Lamech pito ka gatus kapitoan ug pito ka tuig ug namatay siya.

cebuano_ang_biblia_pinadayag@Genesis:5:32 @ Ug ang panuigon ni Noe lima ka gatus ka tuig, ug nanganak siya kang Sem, Cham, ug Japhet.

cebuano_ang_biblia_pinadayag@Genesis:6:1 @ ¶ Ug nahitabo, sa misugod pagdaghan ang mga tawo sa ibabaw sa nawong sa yuta, ug may nangatawo kanila nga mga anak nga babaye,

cebuano_ang_biblia_pinadayag@Genesis:6:2 @ Nga sa pagkakita sa mga anak nga lalake sa Dios nga ang mga anak nga babaye sa mga tawo nga sila mga maanyag, nangasawa sila sa tanan nilang napili.

cebuano_ang_biblia_pinadayag@Genesis:6:3 @ ¶ Ug miingon si Jehova: Ang Akong Espiritu dili makiglalis sa gihapon sa tawo, kay siya unod; apan ang iyang mga adlaw magausa ka gatus ug kaluhaan ka tuig.

cebuano_ang_biblia_pinadayag@Genesis:6:4 @ ¶ Niadtong mga adlawa dihay mga higante sa yuta; ug sa human usab niini sa nahaduol ang mga anak nga lalake sa Dios sa mga anak nga babaye sa mga tawo, ug nanagpanganak sila; kini sila mao ang mga maisug nga tawo sa karaang panahon, ang mga tawo nga bantugan.

cebuano_ang_biblia_pinadayag@Genesis:6:5 @ Ug nakita ni Jehova ang pagkadautan sa tawo sa yuta daku, ug nga ang tanang pagpalandong sa mga hunahuna sa iyang kasingkasing lonlon mga kadautan lamang gihapon.

cebuano_ang_biblia_pinadayag@Genesis:6:6 @ ¶ Ug kini nakapabasul kang Jehova nga gibuhat niya ang tawo sa yuta, ug nakapasubo kini kaniya sa iyang kasingkasing.

cebuano_ang_biblia_pinadayag@Genesis:6:7 @ Ug miingon si Jehova: Pagalaglagon ko gikan sa nawong sa yuta ang tawo nga akong gibuhat; sukad sa tawo hangtud sa mga mananap ug hangtud sa mga butang nanagkamang sa yuta, ug sa mga langgam sa kalangitan; kay kini nakapabasul kanako nga gibuhat ko sila.

cebuano_ang_biblia_pinadayag@Genesis:6:8 @ ¶ Apan si Noe nakakaplag ug kahamuot sa mga mata ni Jehova.

cebuano_ang_biblia_pinadayag@Genesis:6:9 @ Kini mao ang mga kaliwatan ni Noe: si Noe maoy usa ka tawo nga matarung ug hingpit sa iyang mga kaliwatan. Si Noe nagalakaw uban sa Dios.

cebuano_ang_biblia_pinadayag@Genesis:6:10 @ Ug si Noe nanganak ug totolo ka mga anak nga lalake: Si Sem, si Cham ug si Japhet.

cebuano_ang_biblia_pinadayag@Genesis:6:11 @ ¶ Ug ang yuta dunot sa atubangan sa Dios, ug ang yuta napuno sa mga paglugos.

cebuano_ang_biblia_pinadayag@Genesis:6:12 @ Ug nakita sa Dios ang yuta, ug ania karon, kini nadunot; kay ang tanang unod nagdunot sa ilang dalan sa ibabaw sa yuta.

cebuano_ang_biblia_pinadayag@Genesis:6:13 @ ¶ Ug miingon ang Dios kang Noe: Ang katapusan sa tanan nga unod ania na sa atubangan nako, kay ang yuta napuno sa mga paglugos tungod kanila; ug ania karon pagalaglagon ko sila uban sa yuta.

cebuano_ang_biblia_pinadayag@Genesis:6:14 @ Magbuhat ka ug usa ka arca sa kahoy nga Gopher; magbuhat ka ug mga lawak sa sulod sa arca, ug pagabuliton mo ug salong ang sulod ug gawas.

cebuano_ang_biblia_pinadayag@Genesis:6:15 @ Ug buhaton mo kini sa ingon niini nga paagi: ang katas-on sa arca totolo ka gatus ka maniko; ang iyang kalapdon kalim-an ka maniko; ug ang iyang kahabugon, katloan ka maniko.

cebuano_ang_biblia_pinadayag@Genesis:6:16 @ Magbuhat ka ug usa ka gawang sa arca, ug humanon mo kini sa usa ka maniko ang kahabugon ngadto sa ibabaw; ug ibutang mo sa luyo ang pultahan sa arca, ug buhatan mo ug totolo ka hunta-hunta, salog sa ilalum sa ikaduha ug ikatolong hunta.

cebuano_ang_biblia_pinadayag@Genesis:6:17 @ Ug ako, ania karon, ako magdala ug lunop sa mga tubig sa ibabaw sa yuta aron sa paglaglag sa tanan nga unod nga adunay gininhawa sa kinabuhi gikan sa ilalum sa langit; ang tanan nga anaa sa yuta mangamatay.

cebuano_ang_biblia_pinadayag@Genesis:6:18 @ Apan pagabuhaton ko ang akong saad uban kanimo, ug magasulod ka sa arca, ikaw ug ang imong mga anak nga lalake, ug ang imong asawa ug ang mga asawa sa imong mga anak uban kanimo.

cebuano_ang_biblia_pinadayag@Genesis:6:19 @ Ug ang tanang butang nga may kinabuhi sa tanan nga unod, duruha sa tagsa ka dagway isulod mo sa arca, aron mangabuhi sila uban kanimo; kinahanglan sila nga mga lake ug mga baye.

cebuano_ang_biblia_pinadayag@Genesis:6:20 @ Sa mga langgam ingon sa ilang matang, ug sa mga vaca ingon sa ilang matang, sa tanang mga mananap nga nagakamang sa yuta ingon sa ilang matang. Duruha sa tagsa ka dagway magasulod uban kanimo aron mabuhi sila.

cebuano_ang_biblia_pinadayag@Genesis:6:21 @ Ug magdala ikaw uban kanimo sa tanan nga kalan-on nga ginakaon, ug tigumon mo kini diha kanimo. Ug kini mahimo nga kalan-on alang kanimo ug alang kanila.

cebuano_ang_biblia_pinadayag@Genesis:6:22 @ ¶ Ug kini gibuhat ni Noe. Gibuhat niya sumala sa tanan nga gisugo sa Dios kaniya.

cebuano_ang_biblia_pinadayag@Genesis:7:1 @ ¶ Ug si Jehova miingon kang Noe: Sumulod ka ug ang tibook mong panimalay sa arca; kay ikaw nakita ko nga matarung sa akong atubangan niining kaliwatana.

cebuano_ang_biblia_pinadayag@Genesis:7:2 @ Sa tanan nga mananap nga mahinlo kumuha ka ug tinagpito, ang lake ug ang iyang baye; ug sa mga mananap nga mahugaw, tinagurha; lake ug ang iyang baye.

cebuano_ang_biblia_pinadayag@Genesis:7:3 @ Ingon man usab sa mga langgam sa kalangitan sa tinagpito, lake ug baye; aron sa pagbuhi ug kaliwat sa ibabaw sa nawong sa tibook nga yuta.

cebuano_ang_biblia_pinadayag@Genesis:7:4 @ Kay moagi pa ang pito ka adlaw ug pagapaulanon ko sa ibabaw sa yuta ug kap-atan ka adlaw ug kap-atan ka gabii; ug pagalaglagon ko gikan sa nawong sa yuta ang tanan nga gibuhat ko nga may kinabuhi.

cebuano_ang_biblia_pinadayag@Genesis:7:5 @ ¶ Ug gibuhat ni Noe sumala sa tanan nga gisugo ni Jehova kaniya.

cebuano_ang_biblia_pinadayag@Genesis:7:6 @ Ug si Noe may unom na ka gatus ka tuig ang panuigon sa paglunop sa mga tubig sa ibabaw sa yuta.

cebuano_ang_biblia_pinadayag@Genesis:7:7 @ Ug si Noe ug ang iyang mga anak nga lalake ug ang iyang asawa, ug ang mga asawa sa iyang mga anak uban kaniya mingsulod sa arca, tungod sa mga tubig sa lunop.

cebuano_ang_biblia_pinadayag@Genesis:7:8 @ Sa mga mananap nga mahinlo, ug sa mga mananap nga dili mahinlo, ug sa mga langgam, ug sa tanan nga nagakamang sa yuta,

cebuano_ang_biblia_pinadayag@Genesis:7:9 @ Sa tinagurha nanulod ngadto kang Noe sa arca; lake ug baye, ingon sa gisugo sa Dios kang Noe.

cebuano_ang_biblia_pinadayag@Genesis:7:10 @ Ug nahitabo nga sa tapus ang pito ka adlaw ang mga tubig sa lunop mingsalanap sa ibabaw sa yuta.

cebuano_ang_biblia_pinadayag@Genesis:7:11 @ ¶ Sa ikaunom ka gatus ka tuig sa kinabuhi ni Noe, sa ikaduha nga bulan, sa ikapulo ug pito ka adlaw sa bulan, niadto gayud nga adlawa nangabuswang ang tanan nga mga tinubdan sa dagku nga kahiladman ug ang mga tamboanan sa mga langit nangaabli.

cebuano_ang_biblia_pinadayag@Genesis:7:12 @ Ug dihay ulan sa ibabaw sa yuta sa kap-atan ka adlaw ug kap-atan ka gabii.

cebuano_ang_biblia_pinadayag@Genesis:7:13 @ ¶ Niadtong adlawa gayud misulod si Noe, si Sem, si Cham, ug si Japhet, mga anak nga lalake ni Noe, ug ang asawa ni Noe, ug ang totolo ka mga asawa sa iyang mga anak, uban kanila sa arca.

cebuano_ang_biblia_pinadayag@Genesis:7:14 @ Sila, ug ang tanan nga mga mananap ingon sa ilang matang, ngatanan nga mga kahayupan ingon sa ilang matang, ug ang tanan nga mga mananap nga nagakamang sa ibabaw sa yuta ingon sa ilang matang, ug ang tanan nga mga langgam ingon sa ilang matang, ug tanan nga mga nagkalainlaing langgam.

cebuano_ang_biblia_pinadayag@Genesis:7:15 @ Ug mingsulod sila ngadto kang Noe sa arca sa tinagurha ang tanan nga unod nga may gininhawa sa kinabuhi.

cebuano_ang_biblia_pinadayag@Genesis:7:16 @ Ug ang mga nanagpanulod, nanulod nga mga lake ug mga baye sa tanan nga unod, ingon sa gisugo sa Dios kaniya; ug gilukban siya ni Jehova.

cebuano_ang_biblia_pinadayag@Genesis:7:17 @ ¶ Ug miabut ang lunop ug kap-atan ka adlaw sa ibabaw sa yuta; ug mitubo ang mga tubig ug nagapalutaw sa arca, ug kini milutaw sa ibabaw sa yuta.

cebuano_ang_biblia_pinadayag@Genesis:7:18 @ Ug milunop ang mga tubig ug mitubo pagdaku gayud sa ibabaw sa yuta; ug nagtulin ang arca sa ibabaw sa nawong sa mga tubig.

cebuano_ang_biblia_pinadayag@Genesis:7:19 @ Ug milunop ang mga tubig sa hilabihan gayud sa ibabaw sa yuta, ug gisalanapan ang tanang mga bukid nga hatag-as nga diha sa ilalum sa tibook nga langit.

cebuano_ang_biblia_pinadayag@Genesis:7:20 @ Napulo ug lima ka maniko ang paglabaw sa mga tubig, ug gilunopan ang mga bukid.

cebuano_ang_biblia_pinadayag@Genesis:7:21 @ ¶ Ug nangamatay ang tanan nga unod nga nagalihok sa ibabaw sa yuta, maingon sa mga langgam, ingon usab ang mga kahayupan, ug ang mga mananap nga nagakamang sa ibabaw sa yuta, ug ang tanang mga tawo;

cebuano_ang_biblia_pinadayag@Genesis:7:22 @ Ang tanan nga may gininhawa sa espiritu sa kinabuhi sa ilang mga ilong, ang tanan nga didto sa yuta nga mamala, nangamatay.

cebuano_ang_biblia_pinadayag@Genesis:7:23 @ Ug gilaglag ang tanang butang nga may kinabuhi sa ibabaw sa nawong sa yuta, sukad sa tawo hangtud sa kahayupan ug mga butang nga nagakamang sa yuta ug ang mga langgam sa mga langit; nangalaglag sila gikan sa yuta, ug ang nahibilin mao lamang si Noe ug sila nga didto uban kaniya sa arca.

cebuano_ang_biblia_pinadayag@Genesis:7:24 @ Ug milunop ang mga tubig sa ibabaw sa yuta sa usa ka gatus ug kalim-an ka adlaw.

cebuano_ang_biblia_pinadayag@Genesis:8:1 @ ¶ Ug nahinumdum ang Dios kang Noe ug sa tanan nga mga mananap ug sa tanang kahayupan nga didto uban kaniya sa arca. Ug gipaagi sa Dios ang usa ka hangin sa ibabaw sa yuta, ug minghubas ang mga tubig;

cebuano_ang_biblia_pinadayag@Genesis:8:2 @ Ug ang mga tinubdan usab sa kahiladman, ug ang mga tamboanan sa langit natakpan, ug ang ulan sa langit napugngan:

cebuano_ang_biblia_pinadayag@Genesis:8:3 @ Ug ang mga tubig sa yuta nagakadiyutay sa walay hunong; ug minghubas ang mga tubig sa miagi na ang usa ka gatus ug kalim-an ka adlaw.

cebuano_ang_biblia_pinadayag@Genesis:8:4 @ ¶ Ug nahitungtung ang arca sa bulan nga ikapito, sa ikapulo ug pito ka adlaw sa bulan, sa ibabaw sa kabukiran sa Ararat.

cebuano_ang_biblia_pinadayag@Genesis:8:5 @ Ug ang mga tubig nagpadayon sa paghubas hangtud sa ikapulo nga bulan: Sa ikapulo nga bulan, sa nahauna nga adlaw sa bulan, nakita ang mga tumoy sa mga bukid.

cebuano_ang_biblia_pinadayag@Genesis:8:6 @ ¶ Ug nahitabo nga sa katapusan sa kap-atan ka adlaw giablihan ni Noe ang tamboanan nga iyang gihimo sa arca.

cebuano_ang_biblia_pinadayag@Genesis:8:7 @ Ug gisugo niya ang uwak nga migikan ug naglibotlibot hangtud ang mga tubig minghubas sa ibabaw sa yuta.

cebuano_ang_biblia_pinadayag@Genesis:8:8 @ Gisugo niya ang salampati gikan kaniya, aron magtan-aw kong ang tubig mihubas na ba sa ibabaw sa nawong sa yuta.

cebuano_ang_biblia_pinadayag@Genesis:8:9 @ Apan ang salampati walay hingkaplagan nga arang katugdonan sa mga lapalapa sa iyang tiil, ug siya mibalik kaniya ngadto sa arca, kay ang mga tubig diha pa sa ibabaw sa nawong sa tibook nga yuta, ug siya mituy-od sa iyang kamot, ug midakup niini, ug gisulod niya kini sa arca;

cebuano_ang_biblia_pinadayag@Genesis:8:10 @ Ug mihulat pa siya ug pito ka adlaw, ug unya gipagula niya pag-usab ang salampati sa arca.

cebuano_ang_biblia_pinadayag@Genesis:8:11 @ Ug ang salampati mibalik kaniya sa kahaponon, ug ania karon, usa ka dahon nga lunhaw sa olivo diha sa iyang sungo nakutlo. Niini nga pagkaagi nasabut ni Noe nga ang mga tubig mihubas na sa ibabaw sa yuta.

cebuano_ang_biblia_pinadayag@Genesis:8:12 @ Ug mihulat pa gayud siya ug pito ka adlaw, ug gisugo niya ang salampati, nga wala na mobalik kaniya.

cebuano_ang_biblia_pinadayag@Genesis:8:13 @ ¶ Ug nahitabo nga sa ikaunom ka gatus ug nahauna nga tuig, sa nabaunang bulan, sa nahaunang adlaw sa bulan, ang mga tubig minghubas sa ibabaw sa yuta ug gikuha ni Noe ang atop sa arca, ug mitan-aw ug ania karon, ang nawong sa yuta namala na.

cebuano_ang_biblia_pinadayag@Genesis:8:14 @ Ug sa ikaduha nga bulan sa ikakaluhaan ug pito ka adlaw sa bulan namala na ang yuta.

cebuano_ang_biblia_pinadayag@Genesis:8:15 @ ¶ Ug nagsulti ang Dios kang Noe nga nagaingon:

cebuano_ang_biblia_pinadayag@Genesis:8:16 @ Kumawas ka sa arca, ikaw, ug ang imong asawa, ug ang imong mga anak nga lalake, ug ang mga asawa sa imong mga anak nga kuyog kanimo.

cebuano_ang_biblia_pinadayag@Genesis:8:17 @ Ug ipagula mo uban kanimo ang tanan nga mga mananap nga anaa uban kanimo, ang tanan nga unod, ang mga langgam, ug ang kahayupan ug ang tanan nga nanagkamang sa ibabaw sa yuta; aron sila managsanay sa yuta, ug managpamunga ug managdaghan sila sa ibabaw sa yuta.

cebuano_ang_biblia_pinadayag@Genesis:8:18 @ Ug mikawas si Noe, ug ang iyang mga anak nga lalake, ug ang iyang asawa, ug ang mga asawa sa iyang mga anak uban kaniya.

cebuano_ang_biblia_pinadayag@Genesis:8:19 @ Ang tanan nga mga mananap ug ang tanan nga mga nagakamang, ug ang tanan nga mga langgam, bisan unsa nga nagalihok sa ibabaw sa yuta, ingon sa ilang matang, nangawas sa arca.

cebuano_ang_biblia_pinadayag@Genesis:8:20 @ ¶ Ug mitukod si Noe ug usa ka halaran alang kang Jehova, ug mikuha siya sa tanan nga mananap nga malinis, ug sa tanan nga langgam nga malinis, ug mihatag siya ug mga haladnga-sinunog sa halaran.

cebuano_ang_biblia_pinadayag@Genesis:8:21 @ Ug si jehova nakapanimaho sa matam-is nga kahumot. Ug miingon si Jehova sa iyang kasingkasing: Dili ko na pagtunglohon pag-usab ang yuta tungod sa tawo; kay ang tuyo sa kasingkasing sa tawo dautan sukad sa iyang pagkabata; ug dili ko na paglagon pag-usab ang tanan nga butang nga buhi ingon sa gibuhat ko.

cebuano_ang_biblia_pinadayag@Genesis:8:22 @ Samtang ania pa ang yuta ang pagtanum ug ang pag-ani, ug ang kabugnaw ug ang kainit, ang ting-adlaw ug ang tingtugnaw, ug ang kaadlawon ug ang kagabhion dili magaundang.

cebuano_ang_biblia_pinadayag@Genesis:9:1 @ ¶ Ug gipanalanginan sa Dios si Noe ug ang iyang mga anak, ug miingon kanila: Magmabungaon kamo, ug managdaghan kamo, ug lukpon ninyo ang yuta.

cebuano_ang_biblia_pinadayag@Genesis:9:2 @ Ug ang pagkahadlok tungod kaninyo ug ang pagkakulba tungod kaninyo moabut sa ibabaw sa tanan nga mananap sa yuta, ug sa tanan nga langgam sa kalangitan; sa tanan nga nagakamang sa yuta, ug sa tanan nga mga isda sa dagat, sa inyong kamot ginatugyan sila.

cebuano_ang_biblia_pinadayag@Genesis:9:3 @ Ang tanang butang nga nagalihok ug buhi mahimong kalan-on alang kaninyo; ingon sa mga utanon ug mga balili gihatag ko kaninyo ang tanan.

cebuano_ang_biblia_pinadayag@Genesis:9:4 @ Apan ang unod uban ang kinabuhi niini, nga mao ang dugo, dili ninyo pagkan-on.

cebuano_ang_biblia_pinadayag@Genesis:9:5 @ Kay sa pagkamatuod gayud, ang dugo sa inyong mga kinabuhi pagapanilngon ko; sa kamot sa tanan nga mga mananap pagapanilngon ko kini; ug sa kamot sa tawo bisan pa sa kamot sa igsoon sa tagsa ka tawo, pagapanilngon ang kinabuhi sa tawo.

cebuano_ang_biblia_pinadayag@Genesis:9:6 @ Bisan kinsa nga magaula ug dugo sa tawo, tungod sa tawo ang iyang dugo pagaulaon; kay sa dagway sa Dios gibuhat ang tawo.

cebuano_ang_biblia_pinadayag@Genesis:9:7 @ Ug kamo, managpamunga ug managdaghan kamo; pangliwat kamo sa dagaya gayud sa yuta ug dumaghan kamo diha niana.

cebuano_ang_biblia_pinadayag@Genesis:9:8 @ ¶ Ug misulti ang Dios kang Noe ug sa iyang mga anak nga uban kaniya nga nagaingon:

cebuano_ang_biblia_pinadayag@Genesis:9:9 @ Ug ako, tan-awa, ako magatukod sa akong saad uban kaninyo, ug sa inyong kaliwatan sa ulahi kaninyo:

cebuano_ang_biblia_pinadayag@Genesis:9:10 @ Ug sa tanan nga binuhat nga buhi nga anaa uban kaninyo, sa mga langgam, sa mga mananap ug sa tanan nga hayupan sa yuta nga anaa uban kaninyo; sukad sa tanan nga mga mingkawas sa arca lakip ang tanan nga mananap sa yuta.

cebuano_ang_biblia_pinadayag@Genesis:9:11 @ Ug pagatukoron ko ang akong saad uban kaninyo, ug dili na mapoo pag-usab ang tanan nga unod pinaagi sa mga tubig sa lunop; wala na gayud ing lunop nga magalaglag sa yuta.

cebuano_ang_biblia_pinadayag@Genesis:9:12 @ ¶ Ug miingon ang Dios: Kini mao ang timaan sa saad nga akong gitukod sa taliwala nako ug ninyo, ug sa tanan nga binuhat nga buhi nga anaa uban kaninyo, alang sa mga kaliwatan nga dayon:

cebuano_ang_biblia_pinadayag@Genesis:9:13 @ Ang akong balangaw igabutang ko diha sa panganod, ug mahimo kini nga usa ka timaan sa saad sa taliwala nako ug sa yuta.

cebuano_ang_biblia_pinadayag@Genesis:9:14 @ Ug mahitabo nga sa diha nga pagapaanhion ko ang dag-um sa ibabaw sa yuta, nga ang balangaw makita sa panganod,

cebuano_ang_biblia_pinadayag@Genesis:9:15 @ Ug pagahinumduman ko ang akong saad, nga ania sa taliwala kanako ug kaninyo, ug sa tanan nga binuhat nga buhi sa tibook nga unod; ug ang mga tubig dili na mahimo nga lunop aron pagalaglagon ang tanan nga unod.

cebuano_ang_biblia_pinadayag@Genesis:9:16 @ Ug ang balangaw anha sa panganod; ug pagatan-awon ko kini aron mahinumduman ko ang saad nga dayon sa taliwala sa Dios ug sa tanan nga binuhat nga buhi sa tanang unod nga anaa sa ibabaw sa yuta.

cebuano_ang_biblia_pinadayag@Genesis:9:17 @ Busa miingon ang Dios kang Noe: Kini mao ang timaan sa saad nga akong gitukod sa taliwala nako ug sa tanan nga unod nga anaa sa ibabaw sa yuta.

cebuano_ang_biblia_pinadayag@Genesis:9:18 @ ¶ Ug ang mga anak nga lalake ni Noe nga nangawas sa arca mao sila si Sem, si Ham, ug si Japhet; ug si Ham mao ang amahan ni Canaan.

cebuano_ang_biblia_pinadayag@Genesis:9:19 @ Kining totolo mao ang mga anak nga lalake ni Noe; ug gikan kanila napuno ang tibook nga yuta.

cebuano_ang_biblia_pinadayag@Genesis:9:20 @ Ug misugod si Noe sa pag-uma sa yuta, ug mitanum siya ug usa ka parrasan:

cebuano_ang_biblia_pinadayag@Genesis:9:21 @ Ug miinum siya sa vino ug nahubog siya, ug nahuboan siya sa sulod sa iyang balongbalong.

cebuano_ang_biblia_pinadayag@Genesis:9:22 @ Ug si Ham nga amahan ni Canaan, nakakita sa pagkahubo sa iyang amahan, ug siya misulti sa iyang duruha ka mga igsoon nga didto sa gawas.

cebuano_ang_biblia_pinadayag@Genesis:9:23 @ Unya si Sem ug si Japhet mikuha ug usa ka bisti, ug kini gibutang nila sa ibabaw sa ilang duha ka mga abaga, ug naglakaw nga nagatalikod, ug gitabon ang pagkahubo sa ilang amahan; ug tinalikod ang ilang mga nawong, ug wala sila makakita sa pagkahubo sa ilang amahan.

cebuano_ang_biblia_pinadayag@Genesis:9:24 @ ¶ Ug nahigmata si Noe gikan sa iyang vino ug nahibalo sa gibuhat kaniya sa iyang anak nga lalake nga kamanghuran.

cebuano_ang_biblia_pinadayag@Genesis:9:25 @ Ug miingon siya: Pagtunglohon si Canaan; ulipon sa mga ulipon siya sa iyang mga igsoon.

cebuano_ang_biblia_pinadayag@Genesis:9:26 @ Ug miingon pa siya: Dalayegon si Jehova, ang Dios ni Sem, ug si Canaan mahimong sulogoon niya.

cebuano_ang_biblia_pinadayag@Genesis:9:27 @ Pagapauswagon sa Dios si Japhet ug magapuyo siya sa mga balongbalong ni Sem, ug si Canaan mahimong iyang ulipon.

cebuano_ang_biblia_pinadayag@Genesis:9:28 @ ¶ Ug nakadangat si Noe sa human na ang lunop totolo ka gatus ug kalim-an ka tuig.

cebuano_ang_biblia_pinadayag@Genesis:9:29 @ Ug ang tanan nga mga adlaw ni Noe siyam ka gatus ug kalim-an ka tuig ug namatay siya.

cebuano_ang_biblia_pinadayag@Genesis:10:1 @ ¶ Kini mao ang mga kaliwatan sa mga anak nga lalake ni Noe, si Sem, si Ham, ug si Japhet; ug kanila nangatawo ang mga anak nga lalake sa human na ang lunop.

cebuano_ang_biblia_pinadayag@Genesis:10:2 @ Ang mga anak nga lalake ni Japhet; si Gomer, si Magog, ug si Madal, ug si Javan, ug si Tubal, ug si Mashech, ug si Tiras.

cebuano_ang_biblia_pinadayag@Genesis:10:3 @ Ug ang mga anak nga lalake ni Gomer: si Ashkenaz, ug si Riphat, ug si Togorma.

cebuano_ang_biblia_pinadayag@Genesis:10:4 @ Ug ang mga anak nga lalake ni Javan: si Elisa, ug si Tarsis, si Kittim, ug si Dodanim.

cebuano_ang_biblia_pinadayag@Genesis:10:5 @ Tungod niini kanila gibahinbahin ang kapupud-an sa mga nasud sa ilang mga yuta, ang tagsatagsa sumala sa ilang sinultihan, sumala sa ilang mga panimalay sa ilang mga nasud.

cebuano_ang_biblia_pinadayag@Genesis:10:6 @ ¶ Ang mga anak nga lalake ni Ham si Cush, ug si Mizraim, ug si Phut, ug si Canaan.

cebuano_ang_biblia_pinadayag@Genesis:10:7 @ Ug ang mga anak nga lalake ni Cush: si Seba, si Havila, ug si Sabta, ug si Raama, ug si Sabtecha. Ug ang mga anak nga lalake ni Raama: si Seba, ug si Dedan.

cebuano_ang_biblia_pinadayag@Genesis:10:8 @ Ug si Cush nanganak kang Nimrod: kini misugod sa pagkahimo nga gamhanan sa yuta.

cebuano_ang_biblia_pinadayag@Genesis:10:9 @ Siya mao ang tigpangayam nga kusgan sa atubangan ni Jehova; nga tungod niana kini ginaingon: Sama kang Nimrod nga tigpangayam nga kusgan sa atub angan ni Jehova.

cebuano_ang_biblia_pinadayag@Genesis:10:10 @ Ug ang sinugdan sa iyang gingharian ang Babel, ug ang Erech, ug ang Accad, ug ang Calneh sa yuta sa Shinar.

cebuano_ang_biblia_pinadayag@Genesis:10:11 @ Gikan niadtong yutaa miadto siya sa Asiria, ug nagtukod sa Ninive ug sa Rehoboth, ug sa Calah,

cebuano_ang_biblia_pinadayag@Genesis:10:12 @ Ug sa Ressen sa taliwala sa Ninive ug sa Calah, (nga mao ang lungsod nga daku).

cebuano_ang_biblia_pinadayag@Genesis:10:13 @ Ug si Mizraim nanganak kang Ludim, ug Anamim, ug Lehabim, ug Nephtuhim,

cebuano_ang_biblia_pinadayag@Genesis:10:14 @ Ug kang Pathrusim, ug Casluim, (nga mao ang kagikanan sa mga Filistihanon), ug kang Caphtorim.

cebuano_ang_biblia_pinadayag@Genesis:10:15 @ ¶ Ug si Canaan nag-anak kang Sidon nga iyang panganay, ug kang Heth,

cebuano_ang_biblia_pinadayag@Genesis:10:16 @ Ug sa Jebusehanon, ug sa Amorrehanon, ug sa Gergesehanon,

cebuano_ang_biblia_pinadayag@Genesis:10:17 @ Ug sa Hevehanon, ug sa Aracehanon, ug sa Sinehanon,

cebuano_ang_biblia_pinadayag@Genesis:10:18 @ Ug sa Aradihanon, ug sa Samarehanon, ug sa Amatehanon: ug unya nanagpatlaag ang mga kabanayan sa mga Canaanhon.

cebuano_ang_biblia_pinadayag@Genesis:10:19 @ Ug ang utlanan sa mga Canaanhon nagsugod sa Sidon, sa magapaingon ikaw sa Gerar, ngadto sa Gaza, sa magapingon ikaw ngadto sa Sodoma ug sa Gomorra, ug sa Adma, ug sa Zeboim, ngadto sa Lasa.

cebuano_ang_biblia_pinadayag@Genesis:10:20 @ Kini sila mao ang mga anak nga lalake ni Ham, sumala sa ilang mga kabanayan, sumala sa ilang mga sinultihan, sa ilang mga yuta, sa ilang mga nasud.

cebuano_ang_biblia_pinadayag@Genesis:10:21 @ ¶ Ug kang Sem, ang amahan sa tanang mga anak ni Heber, ang magulang anak nga lalake ni Japhet, kaniya usab may mga anak nga nangatawo.

cebuano_ang_biblia_pinadayag@Genesis:10:22 @ Ug ang mga anak nga lalake ni Sem: si Elam ug si Assur, ug si Arphaxad, ug si Lud, ug si Aram.

cebuano_ang_biblia_pinadayag@Genesis:10:23 @ Ug ang mga anak nga lalake ni Aram: si Uz, si Hul, ug si Gether, ug si Mas.

cebuano_ang_biblia_pinadayag@Genesis:10:24 @ Ug si Arphaxad nanganak kang Sala, ug si Sala nanganak kang Heber.

cebuano_ang_biblia_pinadayag@Genesis:10:25 @ Ug kang Heber nangatawo ang duruha ka mga anak nga lalake: ang ngalan sa usa mao si Peleg, kay sa iyang mga adlaw nabahinbahin ang yuta; ug ang ngalan sa iyang igsoon mao si Joctan.

cebuano_ang_biblia_pinadayag@Genesis:10:26 @ Ug si Joctan nanganak kang Almodad, ug kang Sheleph, ug kang Hazarmaveth, ug kang Jera,

cebuano_ang_biblia_pinadayag@Genesis:10:27 @ Ug kang Hadoram, ug kang Uzal, ug kang Dicla,

cebuano_ang_biblia_pinadayag@Genesis:10:28 @ Ug kang Obal, ug kang Abimael, ug kang Seba,

cebuano_ang_biblia_pinadayag@Genesis:10:29 @ Ug kang Ophir, ug kang Habila, ug kang Jobad: kining tanan mao ang mga anak nga lalake ni Joctan.

cebuano_ang_biblia_pinadayag@Genesis:10:30 @ Ug ang ilang pinuy-anan kutub sa Mesa hangtud ngadto sa molakaw ikaw paingon sa Separ, ang bukid sa sidlakan.

cebuano_ang_biblia_pinadayag@Genesis:10:31 @ Kini mao ang mga anak nga lalake ni Sem sumala sa ilang kabanayan, sumala sa ilang mga sinultihan, diha sa ilang mga yuta, sa ilang mga nasud.

cebuano_ang_biblia_pinadayag@Genesis:10:32 @ Kini sila mao ang mga kabanayan sa mga anak nga lalake ni Noe sumala sa ilang mga kaliwatan, sa ilang mga nasud; ug niini kanila gibahinbahin ang mga nasud sa yuta sa human ang lunop.

cebuano_ang_biblia_pinadayag@Genesis:11:1 @ ¶ Ug ang tibook nga yuta may usa lamang ka sinultihan, ug usa usab ka pinulongan.

cebuano_ang_biblia_pinadayag@Genesis:11:2 @ Ug nahitabo sa mipanaw sila sa sidlakan, hingkaplagan nila ang usa ka patag sa yuta sa Shinar ug didto mingpuyo sila.

cebuano_ang_biblia_pinadayag@Genesis:11:3 @ Ug sila nasig-ingon ang usa ug usa: Umari kamo. Magbuhat kita ug tisa ug pagbahon ta ug maayo. Ug sila may tisa nga gigamit nga alili sa bato, ug may salong nga alili sa apog.

cebuano_ang_biblia_pinadayag@Genesis:11:4 @ Ug ming-ingon sila: Umari kamo. Magbuhat kita alang kanato ug usa ka lungsod ug usa ka torre nga ang iyang ibubungan moabut sa langit, ug kita magbuhat alang kanato ug usa ka ngalan, kay tingali unya kita pagpatlaagon sa halayo sa tibook nga nawong sa yuta.

cebuano_ang_biblia_pinadayag@Genesis:11:5 @ ¶ Ug nanaug si Jehova sa pagtan-aw sa lungsod, ug sa torre nga gitukod sa mga anak sa mga tawo.

cebuano_ang_biblia_pinadayag@Genesis:11:6 @ Ug miingon si Jehova: Ania karon, sila usa lamang ka lungsod ug may usa lamang ka pinulongan silang tanan, ug kini mao ang ginasugdan nila sa pagbuhat; ug karon walay bisan unsa nga magapugong kanila sa ilang ginahunahuna nga buhaton.

cebuano_ang_biblia_pinadayag@Genesis:11:7 @ Umari kamo, manganaug kita, ug lahugayon nato ang ilang mga sinultihan, aron sila dili na makasabut sa sinultihan sa usa ug usa.

cebuano_ang_biblia_pinadayag@Genesis:11:8 @ Busa, gipapatlaag sila ni Jehova sa halayo ngadto sa ibabaw sa nawong sa tibook nga yuta; ug gibiyaan nila ang pagtukod sa lungsod.

cebuano_ang_biblia_pinadayag@Genesis:11:9 @ Tungod niini ang ngalan niadto gitawag Babel; kay didto gilahugay ni Jehova ang sinultihan sa tibook nga yuta. Ug gikan didto gipapatlaag sila sa nawong sa tibook nga yuta.

cebuano_ang_biblia_pinadayag@Genesis:11:10 @ ¶ Kini mao ang mga kaliwatan ni Sem, may panuigon nga usa ka gatus ka tuig, ug nanganak kang Arphaxad, duruha ka tuig sa human ang lunop.

cebuano_ang_biblia_pinadayag@Genesis:11:11 @ Ug si Sem, sa human manganak kang Arphaxad, nakadangat ug lima ka gatus ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:12 @ Ug si Arphaxad nakadangat ug katloan ug lima ka tuig, ug nanganak nga siya kang Sala.

cebuano_ang_biblia_pinadayag@Genesis:11:13 @ Ug si Arphaxad, sa human manganak kang Sala, nakadangat ug upat ka gatus ug totolo ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:14 @ Ug nakadangat si Sala ug katloan ka tuig, ug nanganak siya kang Heber.

cebuano_ang_biblia_pinadayag@Genesis:11:15 @ Ug si Sala, sa human manganak kang Heber, nakadangat ug upat ka gatus ug totolo ka tuig ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:16 @ Ug nakadangat si Heber ug katloan ug upat ka tuig, ug nanganak siya kang Peleg.

cebuano_ang_biblia_pinadayag@Genesis:11:17 @ Ug si Heber, sa human manganak kang Peleg, nakadangat ug upat ka gatus ug katloan ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:18 @ Ug nakadangat si Peleg ug katloan ka tuig, ug nanganak siya kang Reu.

cebuano_ang_biblia_pinadayag@Genesis:11:19 @ Ug si Peleg, sa human manganak kang Reu, nakadangat ug duha ka gatus ug siyam ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:20 @ Ug nakadangat si Reu ug katloan ug duha ka tuig, ug nanganak siya kang Serug.

cebuano_ang_biblia_pinadayag@Genesis:11:21 @ Ug si Reu, sa human manganak kang Serug, nakadangat ug duha ka gatus ug pito ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:22 @ Ug nakadangat si Serug ug katloan ka tuig, ug nanganak kang Nachor.

cebuano_ang_biblia_pinadayag@Genesis:11:23 @ Ug si Serug, sa human manganak kang Nachor, nakadangat ug duha ka gatus ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:24 @ Ug nakadangat si Nachor ug kaluhaan ug siyam ka tuig, ug nanganak siya kang Tare.

cebuano_ang_biblia_pinadayag@Genesis:11:25 @ Ug si Nachor, sa human manganak kang Tare, nakadangat ug usa ka gatus ug napulo ug siyam ka tuig, ug nanganak siya ug mga anak nga lalake ug mga anak nga babaye.

cebuano_ang_biblia_pinadayag@Genesis:11:26 @ Ug nakadangat si Tare ug kapitoan ka tuig, ug nanganak siya kang Abram, ug kang Nachor, ug kang Haran.

cebuano_ang_biblia_pinadayag@Genesis:11:27 @ ¶ Kini sili mao ang mga kaliwatan ni Tare: si Tare nanganak kang Abram, ug kang Nachor, ug kang Haran; ug si Haran nanganak kang Lot.

cebuano_ang_biblia_pinadayag@Genesis:11:28 @ Ug namatay si Haran, sa wala pa mamatay ang iyang amahan nga si Tare sa yuta nga iyang natawohan; sa Ur sa mga Caldehanon.

cebuano_ang_biblia_pinadayag@Genesis:11:29 @ Ug nangasawa si Abram ug si Nachor: ang ngalan sa asawa ni Abram mao si Sarai, ug ang ngalan sa asawa ni Nachor, si Milca, anak nga babaye ni Haran, ang amahan ni Milca ug amahan ni Isca.

cebuano_ang_biblia_pinadayag@Genesis:11:30 @ Apan si Sarai apuli, walay anak siya.

cebuano_ang_biblia_pinadayag@Genesis:11:31 @ Ug gikuha ni Tare si Abram nga iyang anak, ug si Lot nga anak ni Haran, anak nga lalake sa iyang anak nga lalake, ug si Sarai nga iyang umagad, nga asawa ni Abram nga iyang anak nga lalake: ug milakaw sila uban kanila gikan sa Ur sa mga Caldehanon, aron sa pag-adto sa yuta sa Canaan; ug mingdangat sila hangtud sa Haran, ug mipuyo sila didto.

cebuano_ang_biblia_pinadayag@Genesis:11:32 @ Ug ang mga adlaw ni Tare duha ka gatus ug lima ka tuig, ug namatay si Tare sa Haran.

cebuano_ang_biblia_pinadayag@Genesis:12:1 @ ¶ Ug si Jehova miingon kang Abram: Pahawa ka gikan sa imong yuta, ug gikan sa imong kaubanan, ug sa balay sa imong amahan, ngadto sa yuta nga akong igapakita kanimo.

cebuano_ang_biblia_pinadayag@Genesis:12:2 @ Ug akong pagabuhaton kanimo ang usa ka daku nga nasud, ug ikaw pagapanalanginan ko ug pagapadakuon ko ang imong ngalan, ug mahimo ikaw nga usa ka panalangin.

cebuano_ang_biblia_pinadayag@Genesis:12:3 @ Ug pagapanalanginan ko ang mga magapanalangin kanimo, ug ang mga magapanghimaraut kanimo, pagapanghimarauton ko; ug diha kanimo pagapanalanginan ang tanang mga kabanayan sa yuta.

cebuano_ang_biblia_pinadayag@Genesis:12:4 @ ¶ Mao nga milakaw si Abram, ingon sa gisulti kaniya ni Jehova; ug milakaw uban kaniya si Lot. Ug si Abram may panuigon nga kapitoan ug lima ka tuig sa pagpahawa niya sa Haran.

cebuano_ang_biblia_pinadayag@Genesis:12:5 @ Ug gidala ni Abram si Sarai nga iyang asawa, ug si Lot nga anak sa iyang igsoon nga lalake ug ang tanang kahimtangan nila nga ilang nahipos, ug ang mga kalag nga ilang natigum sa Haran, ug nanglakaw sila pag-adto sa yuta sa Canaan, ug mingdangat sila sa yuta sa Canaan.

cebuano_ang_biblia_pinadayag@Genesis:12:6 @ ¶ Ug si Abram milatas niadtong yutaa hangtud sa dapit sa Sichem, hangtud sa usa ka kahoy sa Moreh. Ug ang Canaanhon diha pa usab sa yuta.

cebuano_ang_biblia_pinadayag@Genesis:12:7 @ Ug mipakita si Jehova kang Abram ug miingon kaniya: Sa imong kaliwatan igahatag ko kining yutaa. Ug nagpatindog siya didto ug usa ka halaran alang kang Jehova, nga napakita kaniya.

cebuano_ang_biblia_pinadayag@Genesis:12:8 @ Ug mibalhin siya gikan didto ngadto sa usa ka bukid sa silangan sa Bethel, ug gibangon niya ang iyang balongbalong, nga diha ang Bethel sa kasadpan ug ang Hai sa silangan. Ug nagtukod siya didto ug usa ka halaran alang kang Jehova ug nangaliya sa ngalan ni Jehova.

cebuano_ang_biblia_pinadayag@Genesis:12:9 @ Ug si Abram mipanaw padulong kanunay ngadto sa habagatan.

cebuano_ang_biblia_pinadayag@Genesis:12:10 @ ¶ Ug dihay gutom sa yuta, ug milugsong si Abram ngadto sa Egipto sa paglangyaw didto; kay daku ang gutom sa yuta.

cebuano_ang_biblia_pinadayag@Genesis:12:11 @ Ug nahitabo nga sa diha nga haduol na siya mosulod sa Egipto, miingon siya kang Sarai nga iyang asawa: Tan-awa, ginaila ko karon nga ikaw babaye nga maanyag nga pagatan-awon:

cebuano_ang_biblia_pinadayag@Genesis:12:12 @ Busa mahitabo nga kong makakita kanimo ang mga Egiptohanon, sila magaingon: Kini mao ang iyang asawa; ug ako pagapatyon nila ug ikaw luwason nila nga buhi.

cebuano_ang_biblia_pinadayag@Genesis:12:13 @ Busa karon, umingon ka nga ikaw igsoon ko nga babaye, aron nga ako adunay kaayohan tungod kanimo, ug mabuhi ang akong kalag tungod kanimo.

cebuano_ang_biblia_pinadayag@Genesis:12:14 @ ¶ Ug nahitabo nga, sa pagsulod ni Abram sa Egipto, nakita sa mga Egiptohanon nga ang babaye maanyag kaayo.

cebuano_ang_biblia_pinadayag@Genesis:12:15 @ Ug nakita usab siya sa mga principe ni Faraon, ug gipanagdayeg siya nila kang Faraon; ug gidala ang babaye ngadto sa balay ni Faraon:

cebuano_ang_biblia_pinadayag@Genesis:12:16 @ Ug siya nagbuhat ug maayo kang Abram tungod kaniya; ug siya may mga carnero, ug mga vaca, ug mga asno, ug mga ulipon nga lalake ug mga binatonan nga babaye, ug mga asno nga baye, ug mga camello.

cebuano_ang_biblia_pinadayag@Genesis:12:17 @ Apan gihampak ni Jehova si Faraon ug ang iyang panimalay pinaagi sa dagkung mga hampak, tungod kang Sarai nga asawa ni Abram.

cebuano_ang_biblia_pinadayag@Genesis:12:18 @ Unya gitawag ni Faraon si Abram, ug siya miingon kaniya: Unsa ba kini nga imong gibuhat kanako? Ngano man nga wala ka magtug-an kanako nga siya imong asawa?

cebuano_ang_biblia_pinadayag@Genesis:12:19 @ Ngano man nga miingon ka, nga siya imong igsoon nga babaye, sa pagkaagi nga siya gikuha ko aron maasawa ko? Busa karon, tan-awa, ang imong asawa, dawata, ug lumakaw ka.

cebuano_ang_biblia_pinadayag@Genesis:12:20 @ Unya nagsugo si Faraon sa iyang mga tawo mahatungod kaniya, ug ilang gihatud siya sa dalan, ug ang iyang asawa ug ang tahan nga iya.

cebuano_ang_biblia_pinadayag@Genesis:13:1 @ ¶ Ug si Abram mitungas gikan sa Egipto padulong sa habagatan, siya ug ang iyang asawa, ug ang tanan nga iya, ug uban kaniya si Lot.

cebuano_ang_biblia_pinadayag@Genesis:13:2 @ Ug si Abram dato kaayo sa kahayupan, sa salapi ug sa bulawan.

cebuano_ang_biblia_pinadayag@Genesis:13:3 @ Ug siya mipadayon gikan sa habagatan hangtud sa Bethel, hangtud sa dapit nga una nga nahamutangan sa iyang balongbalong, sa taliwala sa Bethel ug Hai.

cebuano_ang_biblia_pinadayag@Genesis:13:4 @ Hangtud sa dapit sa halaran nga unang gibuhat niya didto; ug didto si Abram nangaliya sa ngalan ni Jehova.

cebuano_ang_biblia_pinadayag@Genesis:13:5 @ ¶ Ug ingon usab si Lot, nga nagalakat uban kang Abram, may mga panon sa carnero ug panon sa vaca, ug mga balongbalong.

cebuano_ang_biblia_pinadayag@Genesis:13:6 @ Ug ang yuta wala makapaigo kanila, aron nga magapuyo sila nga magakatipon, kay ang ilang mga bahandi daghan, ug dili mahimo nga sila magpuyo nga magatipon.

cebuano_ang_biblia_pinadayag@Genesis:13:7 @ Ug dihay pagkabingkil sa mga magbalantay sa kahayupan ni Abram ug sa mga magbalantay sa kahayupan ni Lot. Ug ang Canaanhon ug ang Persehanon nanagpuyo niadtong yutaa.

cebuano_ang_biblia_pinadayag@Genesis:13:8 @ Ug si Abram miingon kang Lot: Hinaut unta nga walay pagkabingkil kanimo ug kanako, sa akong magbalantay ug sa imo, kay magsoon kita.

cebuano_ang_biblia_pinadayag@Genesis:13:9 @ Dili ba anaa man ang tibook nga yuta sa atubangan mo? Ginapakilooy ko kanimo, nga bumulag ka kanako. Kong , ako moadto sa too, kong sa too, ako moadto sa wala.

cebuano_ang_biblia_pinadayag@Genesis:13:10 @ ¶ Ug gihayat ni Lot ang iyang mga mata, ug nakita niya ang tanan nga Kapatagan sa Jordan, nga kini gibahaan pag-ayo sa tubig, sa wala pa malaglag ni Jehova ang Sodoma ug Gomorra sama sa tanaman ni Jehova, sama sa yuta sa Egipto, kong ikaw moadto paingon sa Zoar.

cebuano_ang_biblia_pinadayag@Genesis:13:11 @ Unya gipili ni Lot alang kaniya ang tibook nga Kapatagan sa Jordan; ug mipadulong si Lot sa silangan. Ug nanagbulag sila ang usa ug usa.

cebuano_ang_biblia_pinadayag@Genesis:13:12 @ Si Abram mipuyo sa yuta sa Canaan, ug si Lot mipuyo sa mga lungsod sa Kapatagan, ug gibalhin niya ang iyang balongbalong hangtud sa Sodoma.

cebuano_ang_biblia_pinadayag@Genesis:13:13 @ Karon ang mga tawo sa Sodoma mga dautan ug hilabihan gayud pagkamakasasala batok kang Jehova.

cebuano_ang_biblia_pinadayag@Genesis:13:14 @ ¶ Ug si Jehova nag-ingon kang Abram, sa human na si Lot makabulag kaniya: Iyahat karon ang imong mga mata, ug tuman-aw ka sukad sa dapit nga imong hingmutangan ngadto sa amihanan, ug ngadto sa habagatan ug ngadto sa silangan ug ngadto sa kasadpan.

cebuano_ang_biblia_pinadayag@Genesis:13:15 @ Kay ang tanan nga yuta nga imong gitan-aw, igahatag ko kanimo ug sa imong kaliwatan ngadto sa walay katapusan.

cebuano_ang_biblia_pinadayag@Genesis:13:16 @ Ug pagabuhaton ko ang imong kaliwatan nga ingon sa abug sa yuta, nga kong adunay tawo nga arang makaisip sa abug sa yuta, ang imong kaliwatan usab arang maisip.

cebuano_ang_biblia_pinadayag@Genesis:13:17 @ Tumindog ka, baktasa ang yuta sa iyang gitas-on ug sa iyang kalapdon, kay igahatag ko kini kanimo.

cebuano_ang_biblia_pinadayag@Genesis:13:18 @ Ug gibalhin ni Abram ang iyang balongbalong, ug miadto ug gipahamutang kini sa kakahoyan sa Mamre, nga atua sa Hebron, ug nagtukod siya didto ug usa ka halaran alang kang Jehova.

cebuano_ang_biblia_pinadayag@Genesis:14:1 @ ¶ Ug nahitabo nga sa mga adlaw ni Amraphel, nga hari sa Shinar, si Arioch nga hari sa Elasar, si Chedorlaomer, nga hari sa Ela, ug si Tidal, nga hari sa mga nasud.

cebuano_ang_biblia_pinadayag@Genesis:14:2 @ Nga kini sila minggubat batok kang Bera, nga hari sa Sodoma, ug batok kang Birsha, nga hari sa Gomorra, ug batok kang Shinab, nga hari sa Adma, ug batok kang Shemeber, nga hari sa Zeboim, ug batok sa hari sa Bela, (nga mao usab ang Zoar).

cebuano_ang_biblia_pinadayag@Genesis:14:3 @ Ngatanan kini sila mingtigum sa walog sa Siddim (nga mao ang Dagat nga Maasin).

cebuano_ang_biblia_pinadayag@Genesis:14:4 @ Napulo ug duha ka tuig nga nanag-alagad sila kang Chedorlaomer, ug sa ikapulo ug tolo ka tuig mingsukol sila.

cebuano_ang_biblia_pinadayag@Genesis:14:5 @ Ug sa tuig nga ikapulo ug upat miabut si Chedorlaomer, ug ang mga hari nga diha sa iyang bahin, ug gipamatay nila ang mga Raphaibanon sa Ashteroth-Carnaim, ang mga Susihanon sa Ham, ug ang mga Emihanon sa Sabe-Kiriataim.

cebuano_ang_biblia_pinadayag@Genesis:14:6 @ Ug ang mga Horehanon sa ilang bukid sa Seir, hangtud sa patag sa El-Paran, nga anaa sa luyo sa kamingawan.

cebuano_ang_biblia_pinadayag@Genesis:14:7 @ Ug namalik sila ug nangadto sa Emmisphat nga mao ang Cades, ug gilaglag nila ang tanan nga lungsod sa mga Amalecahanon, ug ingon usab ang mga Amorehanon, nga nagpuyo sa Hazezon-Tamar.

cebuano_ang_biblia_pinadayag@Genesis:14:8 @ Ug minggula ang hari sa Sodoma, ug ang hari sa Gomorra, ug ang hari sa Adma, ug ang hari sa Zeboim, ug ang hari sa Bela, nga mao si Zoar, ug nanagsugo sila sa paggubat batok kanila sa walog sa Siddim:

cebuano_ang_biblia_pinadayag@Genesis:14:9 @ Batok kang Chedorlaomer, nga hari sa Elam, ug kang Tidal, nga hari sa mga nasud, ug kang Amraphel, nga hari sa Shinar, ug kang Arioch, nga hari sa Elasar; upat ka mga hari batok sa lima.

cebuano_ang_biblia_pinadayag@Genesis:14:10 @ Ug ang walog sa Siddim puno sa mga atabay sa asfalto; ug nanagpangalagiw ang hari sa Sodoma, ug ang sa Gomorra, ug nangahulog sila didto; ug ang uban nangalagiw sa bukid.

cebuano_ang_biblia_pinadayag@Genesis:14:11 @ Ug gikuha nila ang tanan nga bahandi sa Sodoma ug sa Gomorra, ug ang tanan nila nga mga kalan-on, ug nanglakaw sila.

cebuano_ang_biblia_pinadayag@Genesis:14:12 @ Gidala usab nila si Lot, nga anak sa igsoon ni Abram, nga nagpuyo sa Sodoma, ug ang iyang bahandi ug nanglakaw .

cebuano_ang_biblia_pinadayag@Genesis:14:13 @ ¶ Ug mianha ang usa sa mga nakakalagiw, ug gipahibalo niya si Abram ang Hebreohanon, nga nagpuyo sa kakahoyan sa Mamre nga Amorehanon, nga igsoon ni Eschol ug igsoon ni Aner: ug sila mga kadapig ni Abram.

cebuano_ang_biblia_pinadayag@Genesis:14:14 @ Ug sa pagkadungog ni Abram nga ang iyang igsoon nahimong binihag, gimandoan niya ang iyang mga binansay nga mga tawo nga nangatawo sa iyang balay, totolo ka gatus ug napulo ug walo ug ilang giapas sila hangtud sa Daniel.

cebuano_ang_biblia_pinadayag@Genesis:14:15 @ Ug sila gibahinbahin niya sa kagabhion, siya ug ang iyang mga ulipon nga lalake, ug ilang gipamatay sila, ug giapas sila hangtud sa Hobah nga anaa sa wala sa Damasco.

cebuano_ang_biblia_pinadayag@Genesis:14:16 @ Ug nabawi niya ang tanan nga mga butang, ug ingon man usab si Lot nga iyang igsoon, ug ang iyang bahandi, ug ingon man usab ang mga babaye, ug ang katawohan.

cebuano_ang_biblia_pinadayag@Genesis:14:17 @ ¶ Ug migula ang hari sa Sodoma sa pagsugat kaniya, sa iyang pagpauli gikan sa pagpakadaug kang Chedorlaomer ug sa mga hari sa Sabe, (nga mao ang Walog sa hari).

cebuano_ang_biblia_pinadayag@Genesis:14:18 @ Ug unya si Melchisedec, nga hari sa Salem, mikuha ug tinapay ug vino ug siya mao ang sacerdote sa Labing Labaw nga Dios.

cebuano_ang_biblia_pinadayag@Genesis:14:19 @ Ug siya gipanalanginan niya, ug miingon: Dalayegon si Abram sa Dios nga Labing Labaw, nga tag-iya sa langit ug sa yuta;

cebuano_ang_biblia_pinadayag@Genesis:14:20 @ Ug dalayegon ang Dios nga Labing Labaw, nga nagtugyan sa imong mga kaaway nganha sa imong kamot. Ug si mihatag kaniya sa mga bahin nga ikapulo sa tanan.

cebuano_ang_biblia_pinadayag@Genesis:14:21 @ ¶ Unya ang hari sa Sodoma miingon kang Abram: Ihatag mo kanako ang mga tawo, ug kuhaa alang kanimo ang bahandi.

cebuano_ang_biblia_pinadayag@Genesis:14:22 @ Ug mitubag si Abram sa hari sa Sodoma: Gibayaw ko ang akong kamot kang Jehova, Dios nga Labing Labaw, nga tag-iya sa langit ug sa yuta,

cebuano_ang_biblia_pinadayag@Genesis:14:23 @ Nga ako dili mokuha sa usa ka hilo ni sa higot sa usa ka sapin ni sa tanan nga mga imo, aron ikaw dili makaingon: Ako ang nagpadato kang Abram:

cebuano_ang_biblia_pinadayag@Genesis:14:24 @ Gawas kadto lamang mga gipangaon sa mga batan-on, ug ang bahin sa mga tawo nga ming-uban kanako, si Aner, si Eschol, ug si Mamre, ipadawat kanila ang ilang bahin.

cebuano_ang_biblia_pinadayag@Genesis:15:1 @ ¶ Sa human niining mga butanga miabut ang pulong ni Jehova kang Abram, sa usa ka panan-awon, nga nagaingon: Dili ka mahadlok, Abram, ako mao ang imong kalasag, ang imong daku uyamut nga tumbas.

cebuano_ang_biblia_pinadayag@Genesis:15:2 @ ¶ Ug mitubag si Abram: O, Ginoong Jehova, unsay igahatag mo kanako, sa nagatan-aw ka nga ako walay anak, ug ang mahimong sumosunod sa akong panimalay mao man si Eliezer nga Damascohanon?

cebuano_ang_biblia_pinadayag@Genesis:15:3 @ Ug si Abram miingon: Ania karon, kay wala mo ako hatagi ug kaliwat. Ug, ania karon, ang natawo sa akong panimalay, mahimo nga akong manununod.

cebuano_ang_biblia_pinadayag@Genesis:15:4 @ Ug, ania karon, ang pulong ni Jehova miabut kaniya, nga nagaingon: Kining tawohana dili mao ang imong manununod, kondili ang nagagikan sa sulod sa imong ginhawaan mao ang imong manununod.

cebuano_ang_biblia_pinadayag@Genesis:15:5 @ Ug iyang gipagula siya ug miingon kaniya: Hangda karon ang langit ug isipa ang mga bitoon, kong arang mo ba sila maisip. Ug siya miingon kaniya: Maingon usab niana ang imong kaliwatan.

cebuano_ang_biblia_pinadayag@Genesis:15:6 @ Ug mitoo siya kang Jehova, ug kini giisip kaniya nga sa pagkamatarung.

cebuano_ang_biblia_pinadayag@Genesis:15:7 @ ¶ Ug siya miingon kaniya: Ako mao si Jehova nga nagkuha kanimo sa Ur sa mga Caldehanon aron nga igahatag ko nga imong panulondon kining yutaa.

cebuano_ang_biblia_pinadayag@Genesis:15:8 @ Ug siya mitubag: Ginoong Jehova, unsay hibaloan ko nga pagapanundon ko kini?

cebuano_ang_biblia_pinadayag@Genesis:15:9 @ Ug siya miingon kaniya: Ikuha ako ug usa ka nati nga baye sa vaca, nga totolo na ka tuig, ug usa ka kanding nga baye nga totolo na ka tuig, usa ka tokmo usab, ug usa ka kuyabog sa salampati.

cebuano_ang_biblia_pinadayag@Genesis:15:10 @ Gikuha kining tanan, ug gipikas niya, ug gibutang niya ang tagsa ka pikas nga giakub sa usa ka pikas, apan wala niya pagpikasa ang mga langgam.

cebuano_ang_biblia_pinadayag@Genesis:15:11 @ Ug nanugpa ang mga langgam nga manunukob sa ibabaw sa mga patay, ug giabug sila ni Abram.

cebuano_ang_biblia_pinadayag@Genesis:15:12 @ ¶ Ug sa pagkasalop sa adlaw, miabut kang Abram ang usa ka mabug-at nga katulogon; ug, tan-awa, usa ka kakugmat sa dakung kangitngit miabut kaniya.

cebuano_ang_biblia_pinadayag@Genesis:15:13 @ Ug miingon siya kang Abram: Sa tinuod gayud hibaloan mo nga ang imong kaliwatan magadumuloong sa usa ka yuta nga dili ila, ug didto sila mag-alagad kanila, ug sila pagasakiton sulod sa upat ka gatus ka tuig:

cebuano_ang_biblia_pinadayag@Genesis:15:14 @ Ug ang nasud usab nga ilang pagaalagaran, pagahukman ko; ug sa human niini mamahawa sila, nga adunay daghang bahandi.

cebuano_ang_biblia_pinadayag@Genesis:15:15 @ Ug ikaw moadto sa imong mga ginikanan nga may pagpakigdait, ug igalubong ka sa pagkatigulang kaayo.

cebuano_ang_biblia_pinadayag@Genesis:15:16 @ Ug sa ikaupat ka kaliwatan mobalik sila dinhi pag-usab kay ang pagkadautan sa Amorehanon wala pa mapuno hangtud karon.

cebuano_ang_biblia_pinadayag@Genesis:15:17 @ ¶ Ug nahitabo nga sa pagkasalop na sa adlaw ug mangitngit na, tan-awa, usa ka hudno nga nag-aso ug usa ka sulo nga kalayo, nga miagi sa taliwala sa nga pinikas.

cebuano_ang_biblia_pinadayag@Genesis:15:18 @ Niadtong adlawa nagbuhat si Jehova ug saad kang Abram, sa pag-ingon: Sa imong kaliwatan ihatag ko kining yutaa gikan sa suba sa Egipto hangtud sa suba nga daku, ang suba nga Eufrates:

cebuano_ang_biblia_pinadayag@Genesis:15:19 @ Ang mga Cinehanon, ang mga Cenesehanon, ug ang mga Cedmonehanon,

cebuano_ang_biblia_pinadayag@Genesis:15:20 @ Ang mga Hetehanon, ang mga Phersehanon, ang mga Raphaitahanon,

cebuano_ang_biblia_pinadayag@Genesis:15:21 @ Ang mga Amorehanon, ang mga Canaanhon, ang mga Gergesehanon, ug ang mga Jebusehanon.

cebuano_ang_biblia_pinadayag@Genesis:16:1 @ ¶ Ug si Sarai, nga asawa ni Abram, wala mag-anak kaniya, ug siya may usa ka binatonan nga babaye nga Egiptohanon nga gihinganlan si Agar.

cebuano_ang_biblia_pinadayag@Genesis:16:2 @ Busa miingon si Sarai kang Abram: Nakita mo na nga ako nahimo ni Jehova nga apuli; mangayo ako kanimo nga dumuol ka sa akong binatonan nga babaye; tingali nga ako makabaton ug mga anak pinaagi kaniya. Ug gipatalinghugan ni Abram ang giingon ni Sarai.

cebuano_ang_biblia_pinadayag@Genesis:16:3 @ Ug si Sarai nga asawa ni Abram, nagkuha kang Agar nga iyang binatonan nga Egiptohanon, sa tapus ang napulo ka tuig nga pagpuyo ni Abram sa yuta sa Canaan, ug siya gipaasawa niya kang Abram nga iyang bana.

cebuano_ang_biblia_pinadayag@Genesis:16:4 @ ¶ Ug siya miduol kang Agar, ug siya nanamkon; ug sa pagkakita niya nga nanamkon siya, ang iyang agalon nga babaye ginatan-aw niya uban ang pagtamay.

cebuano_ang_biblia_pinadayag@Genesis:16:5 @ Unya miingon si Sarai kang Abram: Ang akong kaulaw sa ibabaw nimo; akong gihatag ang akong binatonan nga babaye sa imong sabakan, ug sa ginatan-aw niya nga nanamkon siya, nagatan-aw siya kanako uban ang pagtamay; pahukma si Jehova sa taliwala kanako ug kanimo.

cebuano_ang_biblia_pinadayag@Genesis:16:6 @ Apan mitubag si Abram kang Sarai: Tan-awa, ang imong ulipon nga babaye anaa sa imong kamot; buhaton mo kaniya mo nga maayo. Ug si Sarai nagsakit kaniya pag-ayo ug mikalagiw siya gikan sa iyang atubangan.

cebuano_ang_biblia_pinadayag@Genesis:16:7 @ ¶ Ug hingkaplagan siya sa manolonda ni Jehova sa tupad sa usa ka tuburan sa tubig didto sa kamingawan, nga haduol sa tuburan nga diha sa dalan paingon sa Sur.

cebuano_ang_biblia_pinadayag@Genesis:16:8 @ Ug miingon siya: Agar, ulipon ni Sarai, diin ba ikaw gikan, ug asa ka ba paingon? Ug siya mitubag: Mikalagiw ako gikan sa atubangan ni Sarai nga akong agalon.

cebuano_ang_biblia_pinadayag@Genesis:16:9 @ Ug miingon kaniya ang manolonda ni Jehova: Bumalik ka sa imong agalon nga babaye, ug magpaubos ka sa ilalum sa iyang mga kamot.

cebuano_ang_biblia_pinadayag@Genesis:16:10 @ ¶ Miingon usab kaniya ang manolonda ni Jehova: Pagadaghanon ko gayud ang imong kaliwatan, nga kini dili arang maisip tungod sa gidaghanon.

cebuano_ang_biblia_pinadayag@Genesis:16:11 @ Miingon pa gayud ang manolonda ni Jehova: Tan-awa, ikaw nanamkon, ug magaanak ka ug usa ka anak nga lalake, ug pagahinganlan mo ang iyang ngalan Ismael, kay gipatalinghugan ni Jehova ang imong kagul-anan.

cebuano_ang_biblia_pinadayag@Genesis:16:12 @ Ug siya mahimong sama sa ihalas nga asno sa taliwala sa mga katawohan; ang iyang kamot batok sa tanan, ug ang mga kamot sa tanang tawo batok usab kaniya, ug sa atubangan sa tanan nga iyang mga igsoon magapuyo siya.

cebuano_ang_biblia_pinadayag@Genesis:16:13 @ Unya nangaliya siya kang Jehova nga nakigsulti kaniya: Ikaw mao ang Dios nga nagatan-aw: kay miingon siya: Wala ba usab ako makakita dinhi sa nagatan-aw kanako?

cebuano_ang_biblia_pinadayag@Genesis:16:14 @ Tungod niana gihinganlan niya ang atabay, Beer-Lahai-roi (Atabay nga Buhi), nga nagatan-aw kanako. Tan-awa, anaa siya sa taliwala sa Cades ug sa Bered.

cebuano_ang_biblia_pinadayag@Genesis:16:15 @ ¶ Ug nanganak si Agar kang Abram ug usa ka anak nga lalake; ug gihinganlan ni Abram ang iyang anak nga lalake, nga gianak ni Agar kaniya, si Ismael.

cebuano_ang_biblia_pinadayag@Genesis:16:16 @ Ug ang panuigon ni Abram kawaloan ug unom ka tuig sa pag-anak ni Agar kang Ismael.

cebuano_ang_biblia_pinadayag@Genesis:17:1 @¶UgsamaypanuigonsiAbramngakasiyamanugsiyamkatuig,mitunghakaniyasiJehova,ugmiingonkaniya:AkomaoangDiosngaMakagagahumsangatanan;lumakawkasaatubanganko,ugmagmahingpitka.

cebuano_ang_biblia_@