vul - 13

vul@1Chronicles:13:1 @ iniit autem consilium David cum tribunis et centurionibus et universis principibus

vul@1Chronicles:13:2 @ et ait ad omnem coetum Israhel si placet vobis et a Domino Deo nostro egreditur sermo quem loquor mittamus ad fratres nostros reliquos in universas regiones Israhel et ad sacerdotes et Levitas qui habitant in suburbanis urbium ut congregentur ad nos

vul@1Chronicles:13:3 @ et reducamus arcam Dei nostri ad nos non enim requisivimus eam in diebus Saul

vul@1Chronicles:13:4 @ et respondit universa multitudo ut ita fieret placuerat enim sermo omni populo

vul@1Chronicles:13:5 @ congregavit ergo David cunctum Israhel a Sior Aegypti usque dum ingrediaris Emath ut adduceret arcam Dei de Cariathiarim

vul@1Chronicles:13:6 @ et ascendit David et omnis vir Israhel ad collem Cariathiarim quae est in Iuda ut adferrent inde arcam Dei Domini sedentis super cherubin ubi invocatum est nomen eius

vul@1Chronicles:13:7 @ inposueruntque arcam Dei super plaustrum novum de domo Aminadab Oza autem et fratres eius minabant plaustrum

vul@1Chronicles:13:8 @ porro David et universus Israhel ludebant coram Deo omni virtute in canticis et in citharis et psalteriis et tympanis et cymbalis et tubis

vul@1Chronicles:13:9 @ cum autem pervenissent ad aream Chidon tetendit Oza manum suam ut sustentaret arcam bos quippe lasciviens paululum inclinaverat eam

vul@1Chronicles:13:10 @ iratus est itaque Dominus contra Ozam et percussit eum eo quod contigisset arcam et mortuus est ibi coram Deo

vul@1Chronicles:13:11 @ contristatusque David eo quod divisisset Dominus Ozam vocavit locum illum Divisio Oza usque in praesentem diem

vul@1Chronicles:13:12 @ et timuit Deum tunc temporis dicens quomodo possum ad me introducere arcam Dei

vul@1Chronicles:13:13 @ et ob hanc causam non eam adduxit ad se hoc est in civitatem David sed avertit in domum Obededom Getthei

vul@1Chronicles:13:14 @ mansit ergo arca Dei in domo Obededom tribus mensibus et benedixit Dominus domui eius et omnibus quae habebat

1Chronicles 13