1Chronicles 23
vul@1Chronicles:23:1 @ igitur David senex et plenus dierum regem constituit Salomonem filium suum super Israhel
vul@1Chronicles:23:2 @ et congregavit omnes principes Israhel et sacerdotes atque Levitas
vul@1Chronicles:23:3 @ numeratique sunt Levitae a triginta annis et supra et inventa sunt triginta octo milia virorum
vul@1Chronicles:23:4 @ ex his electi sunt et distributi in ministerium domus Domini viginti quattuor milia praepositorum autem et iudicum sex milia
vul@1Chronicles:23:5 @ porro quattuor milia ianitores et totidem psaltae canentes Domino in organis quae fecerat ad canendum
vul@1Chronicles:23:6 @ et distribuit eos David per vices filiorum Levi Gersom videlicet et Caath et Merari
vul@1Chronicles:23:7 @ Gersom Leedan et Semei
vul@1Chronicles:23:8 @ filii Leedan princeps Ieihel et Zetham et Iohel tres
vul@1Chronicles:23:9 @ filii Semei Salomith et Ozihel et Aran tres isti principes familiarum Leedan
vul@1Chronicles:23:10 @ porro filii Semei Ieeth et Ziza et Iaus et Baria isti filii Semei quattuor
vul@1Chronicles:23:11 @ erat autem Ieeth prior Ziza secundus porro Iaus et Baria non habuerunt plurimos filios et idcirco in una familia unaque domo conputati sunt
vul@1Chronicles:23:12 @ filii Caath Amram et Isaar Hebron et Ozihel quattuor
vul@1Chronicles:23:13 @ filii Amram Aaron et Moses separatusque est Aaron ut ministraret in sancto sanctorum ipse et filii eius in sempiternum et adoleret incensum Domino secundum ritum suum ac benediceret nomini eius in perpetuum
vul@1Chronicles:23:14 @ Mosi quoque hominis Dei filii adnumerati sunt in tribu Levi
vul@1Chronicles:23:15 @ filii Mosi Gersom et Eliezer
vul@1Chronicles:23:16 @ filii Gersom Subuhel primus
vul@1Chronicles:23:17 @ fuerunt autem filii Eliezer Roobia primus et non erant Eliezer filii alii porro filii Roobia multiplicati sunt nimis
vul@1Chronicles:23:18 @ filii Isaar Salumith primus
vul@1Chronicles:23:19 @ filii Hebron Ieriau primus Amarias secundus Iazihel tertius Iecmaam quartus
vul@1Chronicles:23:20 @ filii Ozihel Micha primus Iesia secundus
vul@1Chronicles:23:21 @ filii Merari Mooli et Musi filii Mooli Eleazar et Cis
vul@1Chronicles:23:22 @ mortuus est autem Eleazar et non habuit filios sed filias acceperuntque eas filii Cis fratres earum
vul@1Chronicles:23:23 @ filii Musi Mooli et Eder et Ierimuth tres
vul@1Chronicles:23:24 @ hii filii Levi in cognationibus et familiis suis principes per vices et numerum capitum singulorum qui faciebant opera ministerii domus Domini a viginti annis et supra
vul@1Chronicles:23:25 @ dixit enim David requiem dedit Dominus Deus Israhel populo suo et habitationem Hierusalem usque in aeternum
vul@1Chronicles:23:26 @ nec erit officii Levitarum ut ultra portent tabernaculum et omnia vasa eius ad ministrandum
vul@1Chronicles:23:27 @ iuxta praecepta quoque David novissima supputabitur numerus filiorum Levi a viginti annis et supra
vul@1Chronicles:23:28 @ et erunt sub manu filiorum Aaron in cultum domus Domini in vestibulis et in exedris et in loco purificationis et in sanctuario et in universis operibus ministerii templi Domini
vul@1Chronicles:23:29 @ sacerdotes autem super panes propositionis et ad similae sacrificium et ad lagana et azyma et sartaginem et ad ferventem similam et super omne pondus atque mensuram
vul@1Chronicles:23:30 @ Levitae vero ut stent mane ad confitendum et canendum Domino similiterque ad vesperam
vul@1Chronicles:23:31 @ tam in oblatione holocaustorum Domini quam in sabbatis et kalendis et sollemnitatibus reliquis iuxta numerum et caerimonias uniuscuiusque rei iugiter coram Domino
vul@1Chronicles:23:32 @ et custodiant observationes tabernaculi foederis et ritum sanctuarii et observationem filiorum Aaron fratrum suorum ut ministrent in domo Domini