1Corinthians 4
vul@1Corinthians:4:1 @ sic nos existimet homo ut ministros Christi et dispensatores mysteriorum Dei
vul@1Corinthians:4:2 @ hic iam quaeritur inter dispensatores ut fidelis quis inveniatur
vul@1Corinthians:4:3 @ mihi autem pro minimo est ut a vobis iudicer aut ab humano die sed neque me ipsum iudico
vul@1Corinthians:4:4 @ nihil enim mihi conscius sum sed non in hoc iustificatus sum qui autem iudicat me Dominus est
vul@1Corinthians:4:5 @ itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo
vul@1Corinthians:4:6 @ haec autem fratres transfiguravi in me et Apollo propter vos ut in nobis discatis ne supra quam scriptum est unus adversus alterum infletur pro alio
vul@1Corinthians:4:7 @ quis enim te discernit quid autem habes quod non accepisti si autem accepisti quid gloriaris quasi non acceperis
vul@1Corinthians:4:8 @ iam saturati estis iam divites facti estis sine nobis regnastis et utinam regnaretis ut et nos vobiscum regnaremus
vul@1Corinthians:4:9 @ puto enim Deus nos apostolos novissimos ostendit tamquam morti destinatos quia spectaculum facti sumus mundo et angelis et hominibus
vul@1Corinthians:4:10 @ nos stulti propter Christum vos autem prudentes in Christo nos infirmi vos autem fortes vos nobiles nos autem ignobiles
vul@1Corinthians:4:11 @ usque in hanc horam et esurimus et sitimus et nudi sumus et colaphis caedimur et instabiles sumus
vul@1Corinthians:4:12 @ et laboramus operantes manibus nostris maledicimur et benedicimus persecutionem patimur et sustinemus
vul@1Corinthians:4:13 @ blasphemamur et obsecramus tamquam purgamenta huius mundi facti sumus omnium peripsima usque adhuc
vul@1Corinthians:4:14 @ non ut confundam vos haec scribo sed ut filios meos carissimos moneo
vul@1Corinthians:4:15 @ nam si decem milia pedagogorum habeatis in Christo sed non multos patres nam in Christo Iesu per evangelium ego vos genui
vul@1Corinthians:4:16 @ rogo ergo vos imitatores mei estote
vul@1Corinthians:4:17 @ ideo misi ad vos Timotheum qui est filius meus carissimus et fidelis in Domino qui vos commonefaciat vias meas quae sunt in Christo sicut ubique in omni ecclesia doceo
vul@1Corinthians:4:18 @ tamquam non venturus sim ad vos sic inflati sunt quidam
vul@1Corinthians:4:19 @ veniam autem cito ad vos si Dominus voluerit et cognoscam non sermonem eorum qui inflati sunt sed virtutem
vul@1Corinthians:4:20 @ non enim in sermone est regnum Dei sed in virtute
vul@1Corinthians:4:21 @ quid vultis in virga veniam ad vos an in caritate et spiritu mansuetudinis