1John 5
vul@1John:5:1 @ omnis qui credit quoniam Iesus est Christus ex Deo natus est et omnis qui diligit eum qui genuit diligit eum qui natus est ex eo
vul@1John:5:2 @ in hoc cognoscimus quoniam diligimus natos Dei cum Deum diligamus et mandata eius faciamus
vul@1John:5:3 @ haec est enim caritas Dei ut mandata eius custodiamus et mandata eius gravia non sunt
vul@1John:5:4 @ quoniam omne quod natum est ex Deo vincit mundum et haec est victoria quae vincit mundum fides nostra
vul@1John:5:5 @ quis est qui vincit mundum nisi qui credit quoniam Iesus est Filius Dei
vul@1John:5:6 @ hic est qui venit per aquam et sanguinem Iesus Christus non in aqua solum sed in aqua et sanguine et Spiritus est qui testificatur quoniam Christus est veritas
vul@1John:5:7 @ quia tres sunt qui testimonium dant
vul@1John:5:8 @ Spiritus et aqua et sanguis et tres unum sunt
vul@1John:5:9 @ si testimonium hominum accipimus testimonium Dei maius est quoniam hoc est testimonium Dei quod maius est quia testificatus est de Filio suo
vul@1John:5:10 @ qui credit in Filio Dei habet testimonium Dei in se qui non credit Filio mendacem facit eum quoniam non credidit in testimonio quod testificatus est Deus de Filio suo
vul@1John:5:11 @ et hoc est testimonium quoniam vitam aeternam dedit nobis Deus et haec vita in Filio eius est
vul@1John:5:12 @ qui habet Filium habet vitam qui non habet Filium Dei vitam non habet
vul@1John:5:13 @ haec scripsi vobis ut sciatis quoniam vitam habetis aeternam qui creditis in nomine Filii Dei
vul@1John:5:14 @ et haec est fiducia quam habemus ad eum quia quodcumque petierimus secundum voluntatem eius audit nos
vul@1John:5:15 @ et scimus quoniam audit nos quicquid petierimus scimus quoniam habemus petitiones quas postulavimus ab eo
vul@1John:5:16 @ qui scit fratrem suum peccare peccatum non ad mortem petet et dabit ei vitam peccantibus non ad mortem est peccatum ad mortem non pro illo dico ut roget
vul@1John:5:17 @ omnis iniquitas peccatum est et est peccatum non ad mortem
vul@1John:5:18 @ scimus quoniam omnis qui natus est ex Deo non peccat sed generatio Dei conservat eum et malignus non tangit eum
vul@1John:5:19 @ scimus quoniam ex Deo sumus et mundus totus in maligno positus est
vul@1John:5:20 @ et scimus quoniam Filius Dei venit et dedit nobis sensum ut cognoscamus verum Deum et simus in vero Filio eius hic est verus Deus et vita aeterna