1Kings 4
vul@1Kings:4:1 @ erat autem rex Salomon regnans super omnem Israhel
vul@1Kings:4:2 @ et hii principes quos habebat Azarias filius Sadoc sacerdos
vul@1Kings:4:3 @ Helioreph et Ahia filii Sesa scribae Iosaphat filius Ahilud a commentariis
vul@1Kings:4:4 @ Banaias filius Ioiadae super exercitum Sadoc autem et Abiathar sacerdotes
vul@1Kings:4:5 @ Azarias filius Nathan super eos qui adsistebant regi Zabud filius Nathan sacerdos amicus regis
vul@1Kings:4:6 @ et Ahisar praepositus domus et Adoniram filius Abda super tributa
vul@1Kings:4:7 @ habebat autem Salomon duodecim praefectos super omnem Israhel qui praebebant annonam regi et domui eius per singulos enim menses in anno singuli necessaria ministrabant
vul@1Kings:4:8 @ et haec nomina eorum Benhur in monte Ephraim
vul@1Kings:4:9 @ Bendecar in Macces et in Salebbim et in Bethsemes et Helon Bethanan
vul@1Kings:4:10 @ Benesed in Araboth ipsius erat Soccho et omnis terra Epher
vul@1Kings:4:11 @ Benabinadab cuius omnis Nepthad Dor Tapheth filiam Salomonis habebat uxorem
vul@1Kings:4:12 @ Bana filius Ahilud regebat Thanac et Mageddo et universam Bethsan quae est iuxta Sarthana subter Hiezrahel a Bethsan usque Abelmeula e regione Iecmaan
vul@1Kings:4:13 @ Bengaber in Ramoth Galaad habebat Avothiair filii Manasse in Galaad ipse praeerat in omni regione Argob quae est in Basan sexaginta civitatibus magnis atque muratis quae habebant seras aereas
vul@1Kings:4:14 @ Ahinadab filius Addo praeerat in Manaim
vul@1Kings:4:15 @ Ahimaas in Nepthali sed et ipse habebat Basmath filiam Salomonis in coniugio
vul@1Kings:4:16 @ Baana filius Usi in Aser et in Balod
vul@1Kings:4:17 @ Iosaphat filius Pharue in Isachar
vul@1Kings:4:18 @ Semei filius Hela in Beniamin
vul@1Kings:4:19 @ Gaber filius Uri in terra Galaad in terra Seon regis Amorrei et Og regis Basan super omnia quae erant in illa terra
vul@1Kings:4:20 @ Iuda et Israhel innumerabiles sicut harena maris in multitudine comedentes et bibentes atque laetantes
vul@1Kings:4:21 @ Salomon autem erat in dicione sua habens omnia regna sicut a flumine terrae Philisthim usque ad terminum Aegypti offerentium sibi munera et servientium ei cunctis diebus vitae eius
vul@1Kings:4:22 @ erat autem cibus Salomonis per dies singulos triginta chori similae et sexaginta chori farinae
vul@1Kings:4:23 @ decem boves pingues et viginti boves pascuales et centum arietes excepta venatione cervorum caprearum atque bubalorum et avium altilium
vul@1Kings:4:24 @ ipse enim obtinebat omnem regionem quae erat trans flumen quasi a Thapsa usque Gazam et cunctos reges illarum regionum et habebat pacem ex omni parte in circuitu
vul@1Kings:4:25 @ habitabatque Iudas et Israhel absque timore ullo unusquisque sub vite sua et sub ficu sua a Dan usque Bersabee cunctis diebus Salomonis
vul@1Kings:4:26 @ et habebat Salomon quadraginta milia praesepia equorum currulium et duodecim milia equestrium
vul@1Kings:4:27 @ nutriebantque eos supradicti regis praefecti sed et necessaria mensae regis Salomonis cum ingenti cura praebebant in tempore suo
vul@1Kings:4:28 @ hordeum quoque et paleas equorum et iumentorum deferebant in locum ubi erat rex iuxta constitutum sibi
vul@1Kings:4:29 @ dedit quoque Deus sapientiam Salomoni et prudentiam multam nimis et latitudinem cordis quasi harenam quae est in litore maris
vul@1Kings:4:30 @ et praecedebat sapientia Salomonis sapientiam omnium Orientalium et Aegyptiorum
vul@1Kings:4:31 @ et erat sapientior cunctis hominibus sapientior Aethan Ezraita et Heman et Chalcal et Dorda filiis Maol et erat nominatus in universis gentibus per circuitum
vul@1Kings:4:32 @ locutus est quoque Salomon tria milia parabolas et fuerunt carmina eius quinque et mille
vul@1Kings:4:33 @ et disputavit super lignis a cedro quae est in Libano usque ad hysopum quae egreditur de pariete et disseruit de iumentis et volucribus et reptilibus et piscibus
vul@1Kings:4:34 @ et veniebant de cunctis populis ad audiendam sapientiam Salomonis et ab universis regibus terrae qui audiebant sapientiam eius