cebuano_ang_biblia_pinadayag

cebuano_ang_biblia_pinadayag@1Peter:5:1 @ ¶ Busa kanila nga mga anciano nga anaa kaninyo, magatambag ako ingon nga ilang masigka-anciano ug saksi sa mga pag-antus ni Cristo, ug mag-aambit usab sa himaya nga igapadayag unya.

cebuano_ang_biblia_pinadayag@1Peter:5:2 @ Tagda ninyo ang panon sa Dios nga anaa diha kaninyo, dili nga daw sa ingon sa gipamugos kamo kondili sa kinabubut-on ninyo gayud, dili alang sa makauulawng pagpanapi kondili inubanan sa kadasig,

cebuano_ang_biblia_pinadayag@1Peter:5:3 @ dili sa hinarihari nga pagdumala kanila nga gipiyal kaninyo dondili ingon nga mga panig-ingnan nga pagaawaton sa panon.

cebuano_ang_biblia_pinadayag@1Peter:5:4 @ Ug inigpadayag kaninyo sa pangulong Magbalantay, kamo managpakadawat unya sa mahimayaong purongpurong nga dili malawos.

cebuano_ang_biblia_pinadayag@1Peter:5:5 @ ¶ Maingon man usab kamong mga batan-on kinahanglan managpasakop kamo nga misinugtanon sa mga anciano. Kamong tanan, panagsul-ob kamog pagpaubos alang sa usa ug usa, kay "Ang Dios magabatok sa mga mapahitas-on, apan sa mga mapaubsanon siya magahatag ug grasya."

cebuano_ang_biblia_pinadayag@1Peter:5:6 @ Busa ipahiubos ninyo ang inyong kaugalingon ilalum sa gamhanang kamot sa Dios, aron kamo iyang igatuboy unya sa gitagal nga panahon.

cebuano_ang_biblia_pinadayag@1Peter:5:7 @ Itugyan ngadto kaniya ang inyong tanang kabalaka, kay siya may kahangawa man alang kaninyo.

cebuano_ang_biblia_pinadayag@1Peter:5:8 @ ¶ Magmalinawon kamo sa hunahuna, managtukaw kamo. Ang inyong kaaway nga mao ang yawa nagalibotlibut sama sa leon nga nagangulob nga nangitag iyang matukob.

cebuano_ang_biblia_pinadayag@1Peter:5:9 @ Kaniya kinahanglan managpanukol kamo nga malig-on sa inyong pagtoo, sa nahibaloan ninyo nga ang samang mga pag-antus kinahanglan gayud masinati ninyong tanan nga masigkaigsoon nga ania sa kalibutan.

cebuano_ang_biblia_pinadayag@1Peter:5:10 @ ¶ Ug tapus kamo makaantus sa makadiyot, ang Dios sa tanang grasya, nga nagtawag kaninyo ngadto sa iyang dayong himaya diha kang Cristo, mao gayud ang mangunay sa pag-ayo, paglig-on, ug pagbaskug kaninyo.

cebuano_ang_biblia_pinadayag@1Peter:5:11 @ Ang panggahum iya hangtud sa kahangturan. Amen.

cebuano_ang_biblia_pinadayag@1Peter:5:12 @ Pinaagi kang Silvano, igsoon nga kasaligan sumala sa paghunahuna ko, nagasulat ako kaninyo sa hamubo, sa pagtambag ug pagpanghimatuod nga kini mao ang matuod na grasya sa Dios; kinahanglan magmalig-on kamo sa pagbarug niini.

cebuano_ang_biblia_pinadayag@1Peter:5:13 @ Ang iglesia nga ania sa Babilonia, nga pinili usab, nangomusta kaninyo; ug maingon man usab si Marcos nga akong anak.

cebuano_ang_biblia_pinadayag@1Peter:5:14 @ Pagpangomustahay kamo ang usa ug usa pinaagi sa halok sa gugma.

1Peter 5