vul - 21

vul@1Samuel:21:1 @ venit autem David in Nobe ad Ahimelech sacerdotem et obstipuit Ahimelech eo quod venisset David et dixit ei quare tu solus et nullus est tecum

vul@1Samuel:21:2 @ et ait David ad Ahimelech sacerdotem rex praecepit mihi sermonem et dixit nemo sciat rem propter quam a me missus es et cuiusmodi tibi praecepta dederim nam et pueris condixi in illum et illum locum

vul@1Samuel:21:3 @ nunc igitur si quid habes ad manum vel quinque panes da mihi aut quicquid inveneris

vul@1Samuel:21:4 @ et respondens sacerdos David ait ei non habeo panes laicos ad manum sed tantum panem sanctum si mundi sunt pueri maxime a mulieribus

vul@1Samuel:21:5 @ et respondit David sacerdoti et dixit ei equidem si de mulieribus agitur continuimus nos ab heri et nudius tertius quando egrediebamur et fuerunt vasa puerorum sancta porro via haec polluta est sed et ipsa hodie sanctificabitur in vasis

vul@1Samuel:21:6 @ dedit ergo ei sacerdos sanctificatum panem neque enim erat ibi panis nisi tantum panes propositionis qui sublati fuerant a facie Domini ut ponerentur panes calidi

vul@1Samuel:21:7 @ erat autem ibi vir de servis Saul in die illa intus in tabernaculo Domini et nomen eius Doec Idumeus potentissimus pastorum Saul

vul@1Samuel:21:8 @ dixit autem David ad Ahimelech si habes hic ad manum hastam aut gladium quia gladium meum et arma mea non tuli mecum sermo enim regis urguebat

vul@1Samuel:21:9 @ et dixit sacerdos gladius Goliath Philisthei quem percussisti in valle Terebinthi est involutus pallio post ephod si istum vis tollere tolle neque enim est alius hic absque eo et ait David non est huic alter similis da mihi eum

vul@1Samuel:21:10 @ surrexit itaque David et fugit in die illa a facie Saul et venit ad Achis regem Geth

vul@1Samuel:21:11 @ dixeruntque ei servi Achis numquid non iste est David rex terrae nonne huic cantabant per choros dicentes percussit Saul mille et David decem milia

vul@1Samuel:21:12 @ posuit autem David sermones istos in corde suo et extimuit valde a facie Achis regis Geth

vul@1Samuel:21:13 @ et inmutavit os suum coram eis et conlabebatur inter manus eorum et inpingebat in ostia portae defluebantque salivae eius in barbam

vul@1Samuel:21:14 @ et ait Achis ad servos suos vidistis hominem insanum quare adduxistis eum ad me

vul@1Samuel:21:15 @ an desunt nobis furiosi quod introduxistis istum ut fureret me praesente hicine ingredietur domum meam

1Samuel 21