vul - 1

vul@1Timothy:1:1 @ Paulus apostolus Christi Iesu secundum imperium Dei salvatoris nostri et Christi Iesu spei nostrae

vul@1Timothy:1:2 @ Timotheo dilecto filio in fide gratia misericordia pax a Deo Patre et Christo Iesu Domino nostro

vul@1Timothy:1:3 @ sicut rogavi te ut remaneres Ephesi cum irem in Macedoniam ut denuntiares quibusdam ne aliter docerent

vul@1Timothy:1:4 @ neque intenderent fabulis et genealogiis interminatis quae quaestiones praestant magis quam aedificationem Dei quae est in fide

vul@1Timothy:1:5 @ finis autem praecepti est caritas de corde puro et conscientia bona et fide non ficta

vul@1Timothy:1:6 @ a quibus quidam aberrantes conversi sunt in vaniloquium

vul@1Timothy:1:7 @ volentes esse legis doctores non intellegentes neque quae loquuntur neque de quibus adfirmant

vul@1Timothy:1:8 @ scimus autem quia bona est lex si quis ea legitime utatur

vul@1Timothy:1:9 @ sciens hoc quia iusto lex non est posita sed iniustis et non subditis impiis et peccatoribus sceleratis et contaminatis patricidis et matricidis homicidis

vul@1Timothy:1:10 @ fornicariis masculorum concubitoribus plagiariis mendacibus periuris et si quid aliud sanae doctrinae adversatur

vul@1Timothy:1:11 @ quae est secundum evangelium gloriae beati Dei quod creditum est mihi

vul@1Timothy:1:12 @ gratias ago ei qui me confortavit Christo Iesu Domino nostro quia fidelem me existimavit ponens in ministerio

vul@1Timothy:1:13 @ qui prius fui blasphemus et persecutor et contumeliosus sed misericordiam consecutus sum quia ignorans feci in incredulitate

vul@1Timothy:1:14 @ superabundavit autem gratia Domini nostri cum fide et dilectione quae est in Christo Iesu

vul@1Timothy:1:15 @ fidelis sermo et omni acceptione dignus quia Christus Iesus venit in mundum peccatores salvos facere quorum primus ego sum

vul@1Timothy:1:16 @ sed ideo misericordiam consecutus sum ut in me primo ostenderet Christus Iesus omnem patientiam ad deformationem eorum qui credituri sunt illi in vitam aeternam

vul@1Timothy:1:17 @ regi autem saeculorum inmortali invisibili soli Deo honor et gloria in saecula saeculorum amen

vul@1Timothy:1:18 @ hoc praeceptum commendo tibi fili Timothee secundum praecedentes in te prophetias ut milites in illis bonam militiam

vul@1Timothy:1:19 @ habens fidem et bonam conscientiam quam quidam repellentes circa fidem naufragaverunt

vul@1Timothy:1:20 @ ex quibus est Hymeneus et Alexander quos tradidi Satanae ut discant non blasphemare

1Timothy 1