cebuano_ang_biblia_pinadayag

cebuano_ang_biblia_pinadayag@1Timothy:2:1 @ ¶ Karon, una sa tanan ako magaagda nga ang mga pangamuyo, mga pag-ampo, mga paghangyo, ug mga pagpasalamat kinahanglan pagahimoon alang sa tanang tawo,

cebuano_ang_biblia_pinadayag@1Timothy:2:2 @ alang sa mga hari ug sa tanang anaa sa hatag-as nga pagpamunoan, aron kita magakinabuhi nga mahusay ug malinawon, diosnon ug matinahuron sa tanang paagi.

cebuano_ang_biblia_pinadayag@1Timothy:2:3 @ Kini maoy maayo ug pagakahimut-an sa panan-aw sa Dios nga atong Manluluwas,

cebuano_ang_biblia_pinadayag@1Timothy:2:4 @ nga nagatinguha nga ang tanang mga tawo mangaluwas unta ug managpakakab-ot sa kahibalo sa kamatuoran.

cebuano_ang_biblia_pinadayag@1Timothy:2:5 @ Kay adunay usa ra ka Dios, ug adunay usa ra ka tigpatiwala sa Dios ug sa mga tawo, nga mao ang tawo nga si Cristo Jesus,

cebuano_ang_biblia_pinadayag@1Timothy:2:6 @ nga naghatag sa iyang kaugalingon ingon nga lukat alang sa tanan, nga ang panghimatuod niini nahimo na sa gitagal nga panahon.

cebuano_ang_biblia_pinadayag@1Timothy:2:7 @ Alang niini ako gikatudlo nga magwawali ug apostol (ako nagasugilon sa tinuod, ako wala magbakak), aron sa pagpanudlo sa mga Gentil mahitungod sa pagtoo ug sa kamatuoran.

cebuano_ang_biblia_pinadayag@1Timothy:2:8 @ Busa ginatinguha ko nga sa tanang dapit ang mga lalaki manag-ampo, nga managbayaw ug mga kamot nga balaan, nga sila walay kasuko o pakiglalis;

cebuano_ang_biblia_pinadayag@1Timothy:2:9 @ ¶ usab nga ang mga babaye magmaligdong ug magbinuotan sa ilang pagpatahum sa ilang kaugalingon pinaagi sa pagpamisti nga maugdang, dili pinaagi sa buhok nga sinalapid, o sa bulawan o sa mga mutya o sa mahal nga sapot,

cebuano_ang_biblia_pinadayag@1Timothy:2:10 @ kondili pinaagi sa mga maayong buhat, ingon nga maoy angay sa mga babayeng nagapadayag sa pagkadiosnon.

cebuano_ang_biblia_pinadayag@1Timothy:2:11 @ Ang babaye kinahanglan magatuon sa hilum uban sa bug-os nga pagkamasinugtanon.

cebuano_ang_biblia_pinadayag@1Timothy:2:12 @ Dili ako motugot nga ang babaye magpanudlo o magbuot sa mga lalaki; kinahanglan magpakahilum lamang siya.

cebuano_ang_biblia_pinadayag@1Timothy:2:13 @ Kay si Adan mao ang una nga gibuhat, unya gisunod si Eva;

cebuano_ang_biblia_pinadayag@1Timothy:2:14 @ ug si Adan dili mao ang gilimbongan kondili ang babaye mao ang gilimbongan ug nahimong malinapason.

cebuano_ang_biblia_pinadayag@1Timothy:2:15 @ Ngani ang babaye mamaluwas pinaagi sa iyang pagpanganak, kon siya magapadayon sa pagtoo ug sa gugma ug sa pagkabalaan, nga inubanan sa kaligdong.

1Timothy 2