2Chronicles 36
vul@2Chronicles:36:1 @ tulit ergo populus terrae Ioachaz filium Iosiae et constituit regem pro patre suo in Hierusalem
vul@2Chronicles:36:2 @ viginti trium annorum erat Ioachaz cum regnare coepisset et tribus mensibus regnavit in Hierusalem
vul@2Chronicles:36:3 @ amovit autem eum rex Aegypti cum venisset Hierusalem et condemnavit terram centum talentis argenti et talento auri
vul@2Chronicles:36:4 @ constituitque regem pro eo Eliacim fratrem eius super Iudam et Hierusalem et vertit nomen eius Ioacim ipsum vero Ioachaz tulit secum et adduxit in Aegyptum
vul@2Chronicles:36:5 @ viginti quinque annorum erat Ioacim cum regnare coepisset et undecim annis regnavit in Hierusalem fecitque malum coram Domino Deo suo
vul@2Chronicles:36:6 @ contra hunc ascendit Nabuchodonosor rex Chaldeorum et vinctum catenis duxit in Babylonem
vul@2Chronicles:36:7 @ ad quam et vasa Domini transtulit et posuit ea in templo suo
vul@2Chronicles:36:8 @ reliqua autem verborum Ioacim et abominationum eius quas operatus est et quae inventa sunt in eo continentur in libro regum Israhel et Iuda regnavitque Ioachin filius eius pro eo
vul@2Chronicles:36:9 @ octo annorum erat Ioachin cum regnare coepisset et tribus mensibus ac decem diebus regnavit in Hierusalem fecitque malum in conspectu Domini
vul@2Chronicles:36:10 @ cumque anni circulus volveretur misit Nabuchodonosor rex qui et adduxerunt eum in Babylonem asportatis simul pretiosissimis vasis domus Domini regem vero constituit Sedeciam fratrem eius super Iudam et Hierusalem
vul@2Chronicles:36:11 @ viginti et unius anni erat Sedecias cum regnare coepisset et undecim annis regnavit in Hierusalem
vul@2Chronicles:36:12 @ fecitque malum in oculis Domini Dei sui nec erubuit faciem Hieremiae prophetae loquentis ad se ex ore Domini
vul@2Chronicles:36:13 @ a rege quoque Nabuchodonosor recessit qui adiuraverat eum per Deum et induravit cervicem suam et cor ut non reverteretur ad Dominum Deum Israhel
vul@2Chronicles:36:14 @ sed et universi principes sacerdotum et populus praevaricati sunt inique iuxta universas abominationes gentium et polluerunt domum Domini quam sanctificaverat sibi in Hierusalem
vul@2Chronicles:36:15 @ mittebat autem Dominus Deus patrum suorum ad illos per manum nuntiorum suorum de nocte consurgens et cotidie commonens eo quod parceret populo et habitaculo suo
vul@2Chronicles:36:16 @ at illi subsannabant nuntios Dei et parvipendebant sermones eius inludebantque prophetis donec ascenderet furor Domini in populum eius et esset nulla curatio
vul@2Chronicles:36:17 @ adduxit enim super eos regem Chaldeorum et interfecit iuvenes eorum gladio in domo sanctuarii sui non est misertus adulescentis et virginis et senis nec decrepiti quidem sed omnes tradidit manibus eius
vul@2Chronicles:36:18 @ universaque vasa domus Domini tam maiora quam minora et thesauros templi et regis et principum transtulit in Babylonem
vul@2Chronicles:36:19 @ incenderunt hostes domum Dei destruxerunt murum Hierusalem universas turres conbuserunt et quicquid pretiosum fuerat demoliti sunt
vul@2Chronicles:36:20 @ si quis evaserat gladium ductus in Babylonem servivit regi et filiis eius donec imperaret rex Persarum
vul@2Chronicles:36:21 @ et conpleretur sermo Domini ex ore Hieremiae et celebraret terra sabbata sua cunctis enim diebus desolationis egit sabbatum usque dum conplerentur septuaginta anni
vul@2Chronicles:36:22 @ anno autem primo Cyri regis Persarum ad explendum sermonem Domini quem locutus fuerat per os Hieremiae suscitavit Dominus spiritum Cyri regis Persarum qui iussit praedicari in universo regno suo etiam per scripturam dicens