vul - 4

vul@2Corinthians:4:1 @ ideo habentes hanc ministrationem iuxta quod misericordiam consecuti sumus non deficimus

vul@2Corinthians:4:2 @ sed abdicamus occulta dedecoris non ambulantes in astutia neque adulterantes verbum Dei sed in manifestatione veritatis commendantes nosmet ipsos ad omnem conscientiam hominum coram Deo

vul@2Corinthians:4:3 @ quod si etiam opertum est evangelium nostrum in his qui pereunt est opertum

vul@2Corinthians:4:4 @ in quibus deus huius saeculi excaecavit mentes infidelium ut non fulgeat inluminatio evangelii gloriae Christi qui est imago Dei

vul@2Corinthians:4:5 @ non enim nosmet ipsos praedicamus sed Iesum Christum Dominum nos autem servos vestros per Iesum

vul@2Corinthians:4:6 @ quoniam Deus qui dixit de tenebris lucem splendescere qui inluxit in cordibus nostris ad inluminationem scientiae claritatis Dei in facie Christi Iesu

vul@2Corinthians:4:7 @ habemus autem thesaurum istum in vasis fictilibus ut sublimitas sit virtutis Dei et non ex nobis

vul@2Corinthians:4:8 @ in omnibus tribulationem patimur sed non angustiamur aporiamur sed non destituimur

vul@2Corinthians:4:9 @ persecutionem patimur sed non derelinquimur deicimur sed non perimus

vul@2Corinthians:4:10 @ semper mortificationem Iesu in corpore nostro circumferentes ut et vita Iesu in corporibus nostris manifestetur

vul@2Corinthians:4:11 @ semper enim nos qui vivimus in mortem tradimur propter Iesum ut et vita Iesu manifestetur in carne nostra mortali

vul@2Corinthians:4:12 @ ergo mors in nobis operatur vita autem in vobis

vul@2Corinthians:4:13 @ habentes autem eundem spiritum fidei sicut scriptum est credidi propter quod locutus sum et nos credimus propter quod et loquimur

vul@2Corinthians:4:14 @ scientes quoniam qui suscitavit Iesum et nos cum Iesu suscitabit et constituet vobiscum

vul@2Corinthians:4:15 @ omnia enim propter vos ut gratia abundans per multos gratiarum actione abundet in gloriam Dei

vul@2Corinthians:4:16 @ propter quod non deficimus sed licet is qui foris est noster homo corrumpitur tamen is qui intus est renovatur de die in diem

vul@2Corinthians:4:17 @ id enim quod in praesenti est momentaneum et leve tribulationis nostrae supra modum in sublimitatem aeternum gloriae pondus operatur nobis

vul@2Corinthians:4:18 @ non contemplantibus nobis quae videntur sed quae non videntur quae enim videntur temporalia sunt quae autem non videntur aeterna sunt

2Corinthians 4