2Corinthians 5
vul@2Corinthians:5:1 @ scimus enim quoniam si terrestris domus nostra huius habitationis dissolvatur quod aedificationem ex Deo habeamus domum non manufactam aeternam in caelis
vul@2Corinthians:5:2 @ nam et in hoc ingemescimus habitationem nostram quae de caelo est superindui cupientes
vul@2Corinthians:5:3 @ si tamen vestiti non nudi inveniamur
vul@2Corinthians:5:4 @ nam et qui sumus in tabernaculo ingemescimus gravati eo quod nolumus expoliari sed supervestiri ut absorbeatur quod mortale est a vita
vul@2Corinthians:5:5 @ qui autem efficit nos in hoc ipsum Deus qui dedit nobis pignus Spiritus
vul@2Corinthians:5:6 @ audentes igitur semper et scientes quoniam dum sumus in corpore peregrinamur a Domino
vul@2Corinthians:5:7 @ per fidem enim ambulamus et non per speciem
vul@2Corinthians:5:8 @ audemus autem et bonam voluntatem habemus magis peregrinari a corpore et praesentes esse ad Deum
vul@2Corinthians:5:9 @ et ideo contendimus sive absentes sive praesentes placere illi
vul@2Corinthians:5:10 @ omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malum
vul@2Corinthians:5:11 @ scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse
vul@2Corinthians:5:12 @ non iterum nos commendamus vobis sed occasionem damus vobis gloriandi pro nobis ut habeatis ad eos qui in facie gloriantur et non in corde
vul@2Corinthians:5:13 @ sive enim mente excedimus Deo sive sobrii sumus vobis
vul@2Corinthians:5:14 @ caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt
vul@2Corinthians:5:15 @ et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexit
vul@2Corinthians:5:16 @ itaque nos ex hoc neminem novimus secundum carnem et si cognovimus secundum carnem Christum sed nunc iam non novimus
vul@2Corinthians:5:17 @ si qua ergo in Christo nova creatura vetera transierunt ecce facta sunt nova
vul@2Corinthians:5:18 @ omnia autem ex Deo qui reconciliavit nos sibi per Christum et dedit nobis ministerium reconciliationis
vul@2Corinthians:5:19 @ quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis
vul@2Corinthians:5:20 @ pro Christo ergo legationem fungimur tamquam Deo exhortante per nos obsecramus pro Christo reconciliamini Deo
vul@2Corinthians:5:21 @ eum qui non noverat peccatum pro nobis peccatum fecit ut nos efficeremur iustitia Dei in ipso