vul - 6

vul@2Corinthians:6:1 @ adiuvantes autem et exhortamur ne in vacuum gratiam Dei recipiatis

vul@2Corinthians:6:2 @ ait enim tempore accepto exaudivi te et in die salutis adiuvavi te ecce nunc tempus acceptabile ecce nunc dies salutis

vul@2Corinthians:6:3 @ nemini dantes ullam offensionem ut non vituperetur ministerium

vul@2Corinthians:6:4 @ sed in omnibus exhibeamus nosmet ipsos sicut Dei ministros in multa patientia in tribulationibus in necessitatibus in angustiis

vul@2Corinthians:6:5 @ in plagis in carceribus in seditionibus in laboribus in vigiliis in ieiuniis

vul@2Corinthians:6:6 @ in castitate in scientia in longanimitate in suavitate in Spiritu Sancto in caritate non ficta

vul@2Corinthians:6:7 @ in verbo veritatis in virtute Dei per arma iustitiae a dextris et sinistris

vul@2Corinthians:6:8 @ per gloriam et ignobilitatem per infamiam et bonam famam ut seductores et veraces sicut qui ignoti et cogniti

vul@2Corinthians:6:9 @ quasi morientes et ecce vivimus ut castigati et non mortificati

vul@2Corinthians:6:10 @ quasi tristes semper autem gaudentes sicut egentes multos autem locupletantes tamquam nihil habentes et omnia possidentes

vul@2Corinthians:6:11 @ os nostrum patet ad vos o Corinthii cor nostrum dilatatum est

vul@2Corinthians:6:12 @ non angustiamini in nobis angustiamini autem in visceribus vestris

vul@2Corinthians:6:13 @ eandem autem habentes remunerationem tamquam filiis dico dilatamini et vos

vul@2Corinthians:6:14 @ nolite iugum ducere cum infidelibus quae enim participatio iustitiae cum iniquitate aut quae societas luci ad tenebras

vul@2Corinthians:6:15 @ quae autem conventio Christi ad Belial aut quae pars fideli cum infidele

vul@2Corinthians:6:16 @ qui autem consensus templo Dei cum idolis vos enim estis templum Dei vivi sicut dicit Deus quoniam inhabitabo in illis et inambulabo et ero illorum Deus et ipsi erunt mihi populus

vul@2Corinthians:6:17 @ propter quod exite de medio eorum et separamini dicit Dominus et inmundum ne tetigeritis

vul@2Corinthians:6:18 @ et ego recipiam vos et ero vobis in patrem et vos eritis mihi in filios et filias dicit Dominus omnipotens

2Corinthians 6